Միջոցառումներ

Փետրվարի  19-ին  ամփոփվեց  մաթեմատիկայի  առարկայական  տասնօրյակը, որի  մեկնարկը  տրվել  էր  փետրվարի  5-ին: Անցկացման  նպատակը  սովորողների  մտավոր  գործունեության  ակտիվացումը  և  անձնային  որակների  զարգացումն  էր, առօրյա  կյանքում  մաթեմատիկական  գիտելիքների  կարևորության  գիտակցման  ձևավորումը:

Մասնախմբի  բոլոր  անդամների  կողմից  կատարված  աշխատանքները  գոհացուցիչ  էին:Յուրաքանչյուր  բաց դաս ,որպես  ուսումնական  գործընթացի  կազմակերպման  ձև, իր  մեջ  պարունակում  էր  նորույթ, մեթոդական  թարմություն:

Աշակերտները  պատրաստել  էին  անկյուն՝<<Հետաքրքրաշարժ  մաթեմատիկա>>  խորագրով:Այնտեղ, զետեղված  էին  գլուխկոտրուկներ, հետաքրքիր, տրամաբանական և կատակային  բնույթի  խնդիրներ, որոնք  մեծ  հետաքրքրություն  էին  առաջացրել  աշակերտների  շրջանում:


Փետրվարի  19-ին  IXա  դասարանում  տեղի  ունեցավ  բաց դաս  հանրահաշիվ      առարկայից/ուսուցչուհի՝ Ա.Հակոբյան/:

Դասի  թեման  էր՝ <<Թվային  հաջորդականություններ>>,<<Թվային հաջորդականությունների  հատկությունները>>,<<Թվաբանական  պրոգրեսիա>>:

Դասի  կարգախոսն  էր՝ <<Որևէ  բան  ուսումնասիրելու  լավագույն  ձևը  այն  ինքնուրույն  հայտնաբերելն է>>:

Նպատակն  էր՝  ամրապնդել  թվային  հաջորդականությունների  գաղափարը, տրման  եղանակները,մոնոտոն, սահմանափակ  հաջորդականությունները:Հասնել  այն բանին, որ  աշակերտները  կարողանան  ինքնուրույն  ձևակերպեն  թվաբանական  պրոգրեսիայի  սահմանումը,  n-րդ  անդամի  բանաձևը,բնութագրիչ հատկությունը  և  առաջին n  անդամների  գումարի  բանաձևը:  Զարգացնել  ուշադրությունը , տրամաբանական  մտածողությունը, մեծացնել  հետաքրքրությունը առարակայի  նկատմամբ:

Դասի  ընթացքում  կատարվեց  մտքի  մարզանք, բանավոր  հարցում, նոր  նյութի  հաղորդում, վարժությունների  լուծում,պատմական ակնարկ,տեսասահիկների  ցուցադրում և  անդրադարձ:

Դասը  հագեցած  էր, հետաքրքիր  և  յուրօրինակ:


2018թ փետրվարի  13-ին VIա դասարանը Հայոց եկեղեցու պատմության դասը նվիրել էր Հայոց եկեղեցու տոներից Տրնդեզին/ուսուցիչ  Լ.Միրզոյան/:Ուսուցիչը նախ ներկայացրեց  տոնի  խորհուրդը, այնուհետև  տեսաֆիլմի միջոցով  ծանոթացան  տոնի  հետ  կապված  ավանդույթների,ծիսակատարության,ազգագրական պարերի  ու երգերի  հետ:

Դասը  լիարժեք  էր  և  հագեցած:


2018թ  փետրվարի  13-ին  VIIբ  դասարանը  դասղեկ  Ա.Մկրտչյանի  և  փոխտնօրեն Ն.Սարգսյանի  հետ  այցելել  էին  Մեղրիի  Սուրբ Աստվածածին եկեղեցի:Եկեղեցու քահանա տեր Ռաֆայել Խաչիկյանը ներկայացրեց  Տրնդեզ տոնի  խորհուրդը, պատմությունը  և  արարողակարգը:Վերջում  երեխաները  երգեցին  <<Տրնդեզ>>  ազգագրական  երգը:


Փետրվարի  12-ին  Ագարակի միջնակարգ դպրոցում անցկացվեց դաս-միջոցառում նվիրված գեղանկարիչ Մինաս Ավետիսյանին,VIբ դասարան/ուսուցիչ՝ Ն.Գասպարյան/:

Թեման՝ <<Աշնան հյուր>>  թեմատիկ  նկարչություն:

Նպատակը՝ ծանոթացում հայ կերպարվեստի  նոր վերելքի նշանավոր ներկայացուցիչ՝ Մինաս Ավետիսյանի հետ,ֆիլմի դիտում:

Դասն ուղեկցվեց Մինաս Ավետիսյանի կտավներից  կազմված սալիկահանդեսի ցուցադրությամբ,որն ուղեկցվում էր տրամադրվող երաժշտությամբ ուղի հարթելու դեպի բանականություն:Միջավայրի ազդեցության ներքո աշակերտները նկարեցին <<Աշուն>> …

Կատարված աշխատանքները նպաստեցին  աշակերտների գեղագիտական դաստիարակության զարգացման, աշխարհայացքի ընդլայնմանը:


Դպրոցի բարեկարգման աշխատանքները շարունակվում են…
2017 թ.-ի աշնանը ծրագրեցինք հանդիսությունների դահլիճի մասնակի վերանորոգումը: Վերանորոգման ընթացքում անհրաժեշտություն առաջացավ ընդլայնել աշխատանքները և թարմացնել ամբողջ դահլիճը: Նախատեսված աշխատանքները բարդ էին և ծախսատար: Մեծ ջանքերի շնորհիվ հասանք ցանկալի արդյունքի:
Դահլիճի բեմի և վարագույրների նորացմանն ուղղված ֆինանսական աջակցության համար շնորհակալություն ենք հայտնում համայնքապետ Մխիթար Զաքարյանին:
Նոր աուդիոտեխնիկայի տրամադրման համար շնորհակալություն ենք հայտնում Ագարակի ՊՄԿ-ի տնօրեն Անդրեյ Սինյակովին:
Վերանորոգման աշխատանքները կամավոր (անվճար) ստանձնելու և ավարտին հասցնելու համար շնորհակալություն ենք հայտնում դպրոցի աշխատակիցներ Արմեն Կարապետյանին, Էմիլ Ադամյանին և զինղեկ Արմեն Ղուկասյանին:

2018թ փետրվարի 5-ին մեծ շուքով ու հանդիսավորությամբ նշվեց Հայոց բանակի տոնը:Նպատակն էր՝ կարևորել հայկական բանակի դերը Հայաստանի անկախ պետականության վերականգնման և կայացման, երկրի անվտանգության ապահովման ու սահմանների պաշտպանության գործում, արժևորել հայ զինվորի կոչումն ու առաքելությունը:
Միջոցառումը կազմակերպվել էր աշակերտական խորհրդի մշակույթային/նախագահ՝ Ն.Սիմոնյան/, ռազմամարզական /նախագահ՝ Ա.Ղուկասյան/,իրավապաշտպանական /նախագահ՝ Բ.Մանուկյան/ հանձնախմբերի և Xա դասարանի աշակերտների համատեղ ջանքերով:
Տրվեց միջոցառման սկիզբը:Աշակերտները ներս բերեցին ՀՀ պետական դրոշը, հնչեց ՀՀ օրհներգը, որին հաջորդեց դպրոցի տնօրեն Է.Բարխուդարյանի ոգեշունչ ողջույնը՝ հպարտությամբ լեցուն:Քայլերթով բեմ բարձրանալով՝ աշակերտներն իրենց հարգանքը մատուցեցին մեր անմահ հերոսների հիշատակին՝ երդում տալով պահպանել կյանքի գնով ձեռքբերված խաղաղությունն ու վառ պահել հերոսների հիշատակը:
Պատմական դրվագներ,հիշողություններ, կորստյան ցավ ու հաղթանակի բերկրանք ներշնչող ասմունք, ռազմահայրենասիրական երգեր ու ռազմական պարեր…
Աշակերտների շուրթերից մեծ ոգևորությամբ ու հպարտությամբ հնչեցին քաջալերման, գովասանքի ու մխիթարանքի խոսքեր:Հուզիչ էր աշակերտների յուրաքանչյուր բառը, առավել տպավորիչ էր այն, որ նրանք, ոգեշնչված հայ զինվորի անպարտելիությամբ, հանդիսատեսի դատին հանձնեցին իրենց հեղինակած բանաստեղծությունները՝ ապացուցելով, որ արժանի զավակն են մեր երկրի:
Միջոցառման ընթացքում բեմադրվեց <<Չորս մոմերը>> առակը՝ ցույց տալով, որ հույսի, հավատի, սիրո և խաղաղության շնորհիվ կհամախմբվեն աշխարհի բոլոր ազգերը:
Մենք հավատում ենք քեզ, հայ զինվո՛ր:Թող քո լուսաբացը ողողվի միայն արևի շողերով ու հաղթանակի կոչերով:
Դպրոցի տնօրենությունը շնորհակալություն է հայտնում միջոցառման կազմակերպիչներին միջոցառումը պատշաճ մակարդակով կազմակերպելու համար:

Փետրվարի 5-ին Vբ դասարանում տեղի ունեցավ բաց-դաս մաթեմատիկայից/ուսուցչուհի Ս.Զաքարյան/:

Դասի  թեման էր՝ <<Բնական թվերի բաժանելիությունը>>,<<Պարզ և բաղադրյալ թվեր>>:

Նպատակն էր՝ ամրապնդել սովորողների ունակություններն ու հմտությունները,զարգացնել ուշադրությունը,տեսողական հիշողությունը, տրամաբանությունը, և պատկերային մտածողությունը,մեծացնել հետաքրքրությունը առարկայի նկատմամբ:

Դասի  ընթացքում  կատարվեց  մտքի մարզանք,բանավոր հարցումներ,պատմական էքսկուրսիա և տեսասահիկների ցուցադրում:

Ավանդական և ժամանակակից մեթոդների համադրումը նոր շունչ էր հաղորդել դասապրոցեսին:

Հագեցած և յուրօրինակ դաս էր:


2018թ.  հունվարի  22-ից  մինչև  փետրվարի  2-ը  պատմության  և աշխարհագրության  մ/մ  տասնօրյակն  էր:  Տասնօրյակի  ընթացքում  կազմակերպվեցին  բաց  դասեր  /Ա. Մկրտչյան-VIIբ  դասարան-<<Բագրատունիներ>>,  Լ. Միրզոյան-VIա  դասարան-<<Արտավազդ  Բ>>/,   փոխադարձ  դասալսումներ  առաջավոր  փորձի  տարածման  նպատակով:  Ձևավորվեց  նաև  պատի  վահանակ՝  նվիրված  Հայոց  բանակի  26  ամյակին:  Տասնօրյակը  հագեցած  էր  և  ուսանելի:


Հունվարի  29-ին  Vա դասարանում/ուսուցչուհի է.Գյուլասարյան/ կայացավ բաց դաս՝ <<Առակների  աշխարհում>> թեմայով:Աշակերտները  հրաշալի  ներկայացրին  իրենց  ձեռք  բերած  գիտելիքները:

Դասը  ուսուցողական,խրատական և յուրօրինակ էր…


Հունվարի  29-ին VIIբ դասարանում  անցկացվեց  բաց դաս <<Հայոց պատմություն>> առարկայից/ուսուցիչ Ա.Մկրտչյան/:

Թեման  <<Բագրատունյաց թագավորություն>>

Դասին  ներկայացվեց  սահիկահանդես՝ <<Բագրատունիների  անկումը>>, <<Ենթակա թագավորությունները>>, <<Բագրատունյաց Հայաստանի տնտեսությունը  և  պետական կարգը>>:Անցկացվեց  նաև  խաղ-մրցույթ <<Բագրատունյաց  տնտեսությունը>>  թեմայով:

Բաց դասը  հագեցած  էր   և  լիարժեք:


Հունվարի  26-ին  IIIա  դասարանում  տեղի  ունեցավ  լեզվի բաց դաս՝ <<Верное  средство>>  թեմայով  /ուսուցչուհի՝ Ն.Խաչատրյան/:

Դասը  հագեցած  էր  զննական նյութերով և տարաբնույթ  աշխատանքներով:Երեխաները  փոքրիկ  բեմադրությամբ  ներկայացրեցին  դասանյութը,արտասանեցին  բանաստեղծություններ  Щ щ  տառի  վերաբերյալ:Ցուցադրվեց  ուսուցողական  մուլտֆիլմ, անցկացվեց  քննարկում  և  խաղամրցույթ:

Աշակերտների  մոտ նկատվում  է  սեր  դեպի  ռուսաց  լեզուն:Կարողանում  են  ռուսերենով գեղեցիկ  խոսք  կառուցել  և  ազատ  արտահայտել  իրենց  մտքերը:


Հունվարի  26-ին  VIIIա  և  VIIIբ  դասարաններում  հյուրընկալվել էին ավագ լեյտենանտ Ալեքսանդր Դերձյանը, ենթասպա Նարեկ Մարտիրոսյանը և ժամկետային զինծառայող Տիգրան Եղիազարյանը:

Հանդիպման  նպատակն  էր՝  ամրապնդել  բանակ-հասարակություն  կապը, բարձրացնել  աշակերտների  ռազմահայրենասիրական ոգին, ծանոթացնել  նրանց  բանակի  առօրյա  կյանքին, ծառայության  խնդիրներին, որոնք  իրականացնում  է  հայ  զինվորը:

Հանդիպում-դասընթացը, որն  ավելի  շատ  անկեղծ  զրույց  էր, անցավ  անկաշկանդ մթնոլորտում:Զրույցի ընթացքում  ավագ լեյտենանտը  անդրադարձավ  ապրիլյան  պատերազմական  գործողություններին, հայոց  բանակի  զինվորների  ու  սպաների  ցուցաբերած  սխրանքներին, հայ  զինվորի  կամքին  ու  խիզախությանը:Նա  գոհունակությամբ  նշեց, որ  ապրիլյան  քառօրյա  պատերազմը  մեկ  անգամ  ևս  աշխարհին  ցույց  տվեց  մեր  բանակի  ուժն  ու  հայ  զինվորի  ոգու  ամրությունը:

Հանդիպումն  ավարտվեց  սպայի  հորդոր-պատգամով՝ հայ  հերոսների  արյամբ  ազատագրված  հողը  պետք  է  արիությամբ  պահել:

 


<<Ես  քո  զինվորն  եմ՝ հայրենիք>>

Հունվարի  26-ին  VIIա  դասարանում  դաս-միջոցառում  էր  նվիրված  հայոց  բանակին:

Հայոց  բանակի  օրը  մեծ  տոն  է  հայ  մարդու  համար:Բարձր  և  ուրախ  տրամադրությունը  թևածում  էր  ամենուր:Աշակերտները  արտասանեցին  բանաստեղծություններ  նվիրված  հայոց  բանակին, հայ  զինվորին,զինվոր  ծնած  մայրերին:Հնչեցին  նաև  երգեր  հայոց  բանակի  և  զինվորի  մասին:

… Մի  պահ  արդեն  զինվոր  են,   ծառայում  են  հայոց  բանակում  և  նամակ գրում  մայրի կին,սիրած  աղջկան…  և  եթե  թշնամին  փորձի  քայլ  անել  սահմանը  հատելու, անձնազոհությամբ  ոտքի  կկանգնենք  և  կպաշտպանենք  մեր  հայրենիքը:

Դաս-միջոցառումն  ավարտվեց  Տրդատ  թագավորի օրենքներից  մեկով.<<Կռվի ժամանակ  բոլորս  միասին  լինենք, խաղաղ  օրերին՝  ամեն  մեկս  մեր  գործին՝ վարենք , ցանենք,կառուցենք>>:

Շնորհավո՛ր տոնդ, հայոց բանակ:

Փառք  հայոց  բանակին, նրա  զինվորին,զինվոր ծնած  մայրերին:

Թող  որ  միայն  կապույտ  երկինքը  լինի  Ձեր  և  մեր  աղոթքների  պահապանը:

 


Հունվարի  25-ին  տեղի  ունեցավ  IXբ դասարանի  հերթական դասղեկի  ժամը:Դասը  նվիրված  էր  ապրիլյան  պատերազմի  հերոս  կապիտան Հովսեփ Կիրակոսյանին՝ մի հերոսի,ով իր կյանքը  զոհաբերելով, փրկեց քսանհինգ զինվորներից կազմված ջոկատը:Քառօրյա պատերազմի  ժամանակ նա  դարձավ  հզոր  <<պարիսպ>>՝ փակելով թշնամու՝ դեպի  մեր հայրենիքը բերող  ճանապարհը:

Աշակերտները  վերհիշեցին  ապրիլյան  պատերազմը  և  այն  նահատակներին, ովքեր  գիտակցաբար, մինչև  արյան վերջին  կաթիլը  մարտնչեցին  հակառակորդի  դեմ  և  նահատակվեցին  որպես  հերոսներ:

Դասի  նպատակն  էր  աշակերտների  մեջ  սերմանել հայրենասիրություն  և  մարդասիիություն:


2018թ.  հունվարի 23-ին  VIա  դասարանում  <<Հայոց  պատմություն>>  առարկայից  անց  կացվեց  բաց  դաս  /ուսուցիչ՝  Լ.  Միրզոյան,  թեման՝  Արտավազդ  Բ/:  Աշակերտներից  Հայրապետյան  Պետրոսը  գծել  էր  <<Մեծ  Հայքը  Արտավազդ  Բ-ի  օրոք>>  քարտեզը  և որպես  գործնական  աշխատանք  ներկայացրել  դասին:  Գրատախտակին  աշակերտները  ուսուցչի  օգնությամբ  կատարեցին  քարտեզագրական  աշխատանք,  որը  դասը  էլ  ավելի  հետաքրքիր  դարձրեց:  Դասը  արդյունավետ  և  նպատակային  էր:

 


Ագարակի  միջնակարգ  դպրոցի  IX-XII  դասարանի  աշակերտները  ս.թ. հունվարի  25-ին  հանդիպում  ունեցան  Ագարակի  թիվ  N  զորամասի  սպաների  և  զինվորների  հետ:Անցկացվեց   դասընթաց <<Ես եմ>>  և    <<Պատիվ ունեմ>>  ծրագրերի  շրջանակներում:Աշակերտների  համար  պարզ  դարձավ  ծրագրերի  էությունը  և  հայրենիքի  պաշտպանության  գործի  կարևորությունը  երիտասարդ  սերնդի  համար:

Դասընթացն  անցավ  ջերմ  մթնոլորտում:


Հպարտանում ենք քեզանով, հայրենիքի աննկո՛ւն պաշտպան

 


2018թ.  հունվարի  23-ին  VIIբ  դասարանը  /դասղեկ  Ա.  Մկրտչյան/  դասղեկի  ժամը  նվիրեց Հայոց  բանակի  26-ամյակին:  Ա.  Մկրտչյանը  նախ  ներկայացրեց  Հայոց  բանակի  ստեղծման  պատմությունը,  խոսեց  նրա  հիմնադիրների  մասին:  Այնուհետև  աշակերտները  երգեցին  և  ունկնդրեցին  հայենասիրական  երգեր:


2018թ.  հունվարի 22-ին   VIIբ  դասարանում  << Հայոց   պատմություն >>  առարկայից  տեղի  ունեցավ   բաց  դաս  /ուսուցիչ՝  Ա.  Մկրտչյան,  թեման՝  Անիի  թագավորության  անկումը/:  Աշակերտները  ներկայացրին  Բագրատունյաց  թագավորներին,  նրանց  գահակալման  թվերը,  ենթակա  թագավորությունները  և  Բագրատունյաց  թագավորության  անկման  պատճառները:  Այնուհետև  ուսուցիչը  համակարգչի  օգնությամբ  ցուցադրեց  Բագրատունյաց  թագավորության  վերաբերյալ  սահիկահանդես:  Վերջում  գծապատկերի  միջոցով  ներկայացրեց  նոր  նյութը՝  Բագրատունյաց  Հայաստանի  տնտեսությունը:  Դասը  հագեցած  էր  և  արդյունավետ:


<<Մարդկային  գործերի  մեջ հայրենիքի  պաշտպանությունն է ամենասրբազանը>>

Գ.Նժդեհ

 

Ոչ  ոք  չպետք  է  մոռանա  այն  սպաներին, ֆիդայիներին,զինվորներին,ովքեր  զենքը     ձեռքներին պաշտպանեցին  ու  ազատագրեցին  հայոց  հողը:

Շատ  ծանր  պայմաններում  կերտվեցին  մեր  հաղթանակները,ստեղծվեց  հայոց  բանակը:

Գեներալ-լեյտենանտ  Մուրազ  Սարգսյանի  <<Զանգեզուրի  պաշտպանությունը>>  գրքի  քննարկումն  էր  XIբ  դասարանում/դասղեկ՝ Ս.Ասատրյան/:

Նպատակը  սերունդներին  փոխանցել  մերօրյա  հայոց  ազատամարտի  առանձնապես  Զանգեզուրի  ինքնապաշտպանության  կազմակերպման  պատմությունը՝ ներկայացնելով  այդ  պաշտպանության  իրական  հերոսներին:Աշակերտներն,անշուշտ,կառաջնորդվեն  հմուտ  զորապետների  խորհուրդներով  և  դասեր  կքաղեն  նրանց  մարտական  ուղուց:

 


VIա,բ դասարաններում դասղեկների՝ /Գ.Մկրտչյան և Ա.Հայրապետյան/ նախաձեռնությամբ  անցկացվեց  <<Ես  եմ>>  ֆիլմի  դիտում՝  նվիրված  բանակի  կազմավորման  տարեդարձին: Ֆիլմում  անդրադարձ  էր  կատարվում  արտագաղթի, զորամասում  ինքնահաստատվելու  ու  ինքնադրսևորվեու  խնդիրներին: Առկա  էր  նաև  որոշ  հետաքրքիր  և ուսուցանող  ազդակ-ուղերձներ՝

1.<<Երևան  տանող  ճամփեն  միակողմանի  է>>

2.<<Սահմանից  այս  կողմ  ես  թշնամի  չունեմ>>

3.<<Հայրենիքը  սկսվում  է  սահմանից>>

Դասը  ուսուցողական  էր ՝ հագեցած  հարուստ  տպավորություններով…


Հունվարի  23-ին  Vա  դասարանում  տեղի  ունեցավ  բաց  դաս  մաթեմատիկա  առարկայից/ուսուցիչ՝ Հ.Առաքելյան/:

Դասի  թեման  էր՝ <<Բաժանելիության  հայտանիշները>>:

Նպատակն  էր՝ամբողջացնել  գիտելիքները  թեմայի  վերաբերյալ  և  այն կիրառել  գործնականում:

Դասի  ընթացքում  ուսուցման  նոր  մեթոդների  կիրառմամբ  ուսուցիչը  ամփոփեց  և  ամրապնդեց  աշակերտների  գիտելիքները  թեմայի  շուրջ:Աշակերտներն  ակտիվ  էին:Դասն  ուսանելի  էր  և  հետաքրքիր:


Հունվարի  24-ին  դպրոցը  հյուրընկալել  էր  Ագարակի  N  զորամասի  բուժսպասարկման  ծառայողներին:Այցի  նպատակն  էր  հանգամանորեն  ներկայացնել  պատերազմական  իրավիճակում   I  բուժօգնության  ձևերն  ու  միջոցները:

Ցուցապաստառների  և  անհրաժեշտ  գործիք-սարքավորումների  միջոցով  մատչելի ներկայացվեց,թե  ինչպես  ցույց տալ  առաջին  բուժօգնություն  թունավորումների, շնչառական  համակարգի  խնդիրների, կոտրվածքների, այրվածքների  դեպքում:

Աշակերտները  սովորեցին  գրագետ  անշարժացնել  կոտրված  վերջույթը, սարքի  միջոցով  ախտորոշել  շնչուղիներում  օտար  մարմնի  առկայությունը, ճիշտ  օգնություն  ցույց  տալ  թեթև  և  միջին  աստիճանի  այրվածքների  ժամանակ:

 


Հունվարի 24-ին VIIբ դասարանում տեղի ունեցավ բաց դաս մաթեմատիկա առարկայից/ուսուցիչ՝ Գ.Մկրտչյան/:
Դասի թեման էր՝ <<Կրճատ բազմապատկման բանաձևերի կիրառությունը>>:

Նպատակն էր՝ամբողջացնել  գիտելիքները  կրճատ  բազմապատկման  բանաձևերի վերաբերյալ  և  կարողանալ  դրանք  կիրառել  գործնականում:

Դասի կարգախոսն է՝<<Քիչ  է  ունենալ  լավ  գիտելիքներ,կարևոր է  կարողանալ  այն  լավ  կիրառել>>:

Աշակերտները  բաժանվեցին  վեց  խմբի: Յուրաքանչյուր  խմբին   տրվեց  առաջադրանքների  քարտեր, որոնցում  առկա  հարցերի  լուծումները  աշակերտները  ներկայացրին  պաստառների  վրա ՝ ստեղծելով  պատկերասրահ: Յուրաքանչյուր խմբի անդամ, ով  մասնակցել  է  այդ  ցուցանմուշի  ստեղծմանը , մանրամասն  ներկայացրեց  աշխատանքը՝ պատասխանելով  հարցերին: Դասը հագեցած էր , հետաքրքիր և ուսանելի:

 


23.01.2018թ Ագարակի միջնակարգ  դպրոցի  XI-րդ  դասարանցիների  հետ  անցկացվեց  նախնական զինվորական պատրաստության  դաս  Ագարակի  թիվ N զորամասից  հրավիրված  զինվորների  և  սպաների  մասնակցությամբ:

Դասի  թեման  էր  զինվորական  փոխհարաբերությունները  զորամասում:Դասն  անցավ  հագեցած  մթնոլորտում:Զինվորները  պարզաբանեցին  աշակերտների  կողմից  առաջադրված  հարցերը, և  ստացան  բավարար  պատասխաններ:


Նոր տարին իր ողջ հմայքով և հեքիաթային հրաշքներով հյուր էր եկել Ագարակի միջնակարգ դպրոցի VIա դասարանցիներին/դասղեկ Գ.Մկրտչյան/:

Սրահում տոնական տրամադրություն էր:Միջոցառումը  սկսվեց  դասղեկի բարեմաղթանքով,որին հաջորդեց ուրախ  ժամանցը:Հրավիրված  էին  նաև  ծնողներ,որոնք նույնպես  ակտիվ  մասնակցեցին միջոցառմանը:

Թող  2018 թվականը լինի խաղաղության,երջանկության և ուրախ մանկության տարի:


Ավանդույթը շարունակվում է…
Շնորհավոր տոնդ, ՀԱ՛Յ ԶԻՆՎՈՐ։


Դեկտեմբերի 22-ին ԵՊՀ Արևելագիտության ֆակուլտետի Իրանագիտության ամբիոնի վարիչ պարոն Vardan Voskanyan-ը skype-ի օգնությամբ Ագարակի միջնակարգ դպրոցի աշակերտներին ներկայացրեց իրենց ամբիոնի ուսումնական գործընթացին, կրթական ծրագրերին, իրանագիտության ամբիոնում ուսումնասիրվող արևելյան լեզուներին և արդիական մեթոդներով կազմակերպվող բարձրագույն կրթության բոլոր առավելությունններին, ինչպես նաև Իրանագիտության ամբիոն ընդունվելու ընթացակարգին: Խոսվեց նաև ուսումն ավարտելուց հետո աշխատաշուկայում աշխատանք գտնելու իրանագետի լայն հնարավորությունների մասին:
Հանդիպման վերջում պարոն Ոսկանյանը պատասխանեց մեր աշակերտների հուզող հարցերին և պատրաստակամություն հայտնեց Մեղրի համայնքում պարսկերեն լեզու սովորող, իրանական մշակույթով հետաքրքրված աշակերտներին ԵՊՀ Իրանագիտության ամբիոնում հյուրընկալելու, և կազմակերպելու նրանց շրջայցը Երևանի Կապույտ մզկիթում` իրանական մշակույթին ավելի մոտիկից ծանոթանալու նպատակով:
Ես էլ իմ կողմից պարոն Ոսկանյանին հրավիրեցի Մեղրի համայնք` ծանոթանալու պարսից լեզվի և իրանական մշակույթի մեր կենտրոնում կատարվող աշխատանքներին:


Նկարների ցուցահանդես

<<Ճերմակած  Հայաստան>>  վերնագրով /VIIա  և  VIIբ  դասարաններ,ուսուցիչ՝ Ն.Գասպարյան/:

Աշակերտները  ընտրել  էին  տարվա  եղանակ՝ ձմեռը  և  փորձել  էին  նկարել  իրենց  ամենասիրելի   ձմեռային  պահերը:  Նկարներում  ներկայացվել  էր  առավելապես  ճերմակը՝ փորձելով  գույնի  միջոցով  տրամադրություն   ստեղծել:

Ցուցահանդեսը  ուներ  ուսուցողական  բնույթ, որը  նպաստեց  աշակերտների  ստեղծագործական   մտածողության  զարգացմանը, ինքնաարտահայտմանը: Բոլոր  նկարները  ունեին  ասելիք, բովանադակություն  և  համահունչ  էին  իրենց  ընտրած  թեմաներին:


Ագարակի միջնակարգ դպրոցում այսօր տոնական տրամադրություն էր։ Ծնողական խորհրդի նախագահ Արփինե Ասատրյանի նախաձեռնությամբ տարրական դասարանների աշակերտներին այցի էին եկել Ձմեռ Պապն ու Ձյունանուշը։ Աշակերտները երգեցին և արտասանեցին, իսկ Ձմեռ Պապը շնորհավորեց բոլորին և հանձնեց Ագարակի ՊՄԿ֊ի կողմից տրամադրված ամանորյա նվերները։
Շնորհակալություն ենք հայտնում բոլոր նրանց, ովքեր երեխաների այս օրը տոն դարձրեցին։


20.12.2017թ-ին  Մեղրիի  սահմանապահ  ջոկատի  ակումբում  կայացավ  Ռուսաստանի  դաշնության  ազգային  անվտանգության  աշխատակիցների  օրվան  նվիրված  միջոցառում:

Միջոցառմանը  հրավիրված  էին  Ագարակի  միջնակարգ  դպրոցի  <<Սահմանապահի  պատանի  ընկեր>>  ակումբի  ներքոհիշյալ  աշակերտները.

  1. Կարապետյան Նարեկ  Արմենի
  2. Կարապետյան Վալերի Արմենի
  3. Գևորգյան Լևոն Արմենի
  4. Օհանյան Արման Անդրանիկի
  5. Սարգսյան Գեորգի Ավետիկի
  6. Համբարձումյան Ռոբերտ Արսենի
  7. Հարությունյան Ժորա Վահեի
  8. Գրիգորյան Սուրեն Գարիկի

Աշակերտները  միջոցառմանը  ներկա  գտնվեցին  դպրոցի  զինղեկ  ավագ լեյտենանտ  Արմեն Ղուկասյանի, աշխատակիցներ Էմիլ Ադամյանի  և  Արմեն  Կարապետյանի  ուղեկցությամբ:Միջոցառումն  անցավ  ջերմ  բարեկամական  մթնոլորտում:Շքանշաններով,մեդալներով և  հուշանվերներով  պարգևատրվեցին  սահմանապահ  զորքերի   մի  շարք  աշխատակիցներ,իսկ  մեր  դպրոցի  <<Սահմանապահի  պատանի  ընկեր>>  ակումբի   սաները  պարգևատրվեցին  նշաններով:


Դեկտեմբերի  18-ին  VIIIբ  դասարանում  տեղի  ունեցավ  բաց դաս  գրականություն  առարկայից/ուսուցիչ՝ Լ.Ղարիբյան/:

Դասի  թեման  էր՝  Նար-Դոսի  <<Ես  և  նա>>  նորավեպը:Նպատակն էր՝ամփոփել  և  ամրապնդել  աշակերտների  գիտելիքները   նովելի  շուրջ, զարգացնել   ինքնուրույն  մտածելու, դատողություններ  անելու, համապատասխան  վերաբերմունք  դրսևորելու, գեղեցիկն  ընկալելու  և  գնահատելու կարողությունները:Դասը  հագեցած  էր  դիդակտիկ  նյութերով:Կառուցված  էր արվեստի,աշխարհագրության ,բուսաբանության  հետ  միջառարկայական  կապով, ինչն  էլ  դասը  դարձրեց  առավել  հետաքրքիր և  բովանդակալից:Օգտագործվեցին  նորագույն  տեխնոլոգիաներ  և  ուսուցման  ժամանակակից  մեթոդներ:

Դասի  ընթացքում  աշակերտները  ներկայացրին  Նար-Դոսին՝ որպես  իրավապաշտ  գրող, նովելի  կառուցվածքը,բովանդակությունը,դատողություններ  արեցին  դեպքերի  ու  իրադարձությունների , հերոսների  բնավորության  ու  վարքագծի  վերաբերյալ՝վերաարժևորելով  ձգտելու, պայքարելու  ու  <<վեր բարձրանալու >>  գաղափարը:

Դաը  հագեցած  էր , հետաքրքիր  և  ուսանելի:


Առարկան՝ Մայրենի

Դասարանը՝ 6-րդ

Բաժինը՝ Իմ տունը Հայաստանն է

Թեման՝ Մ.Խորենացի <<Հայկ և Բել>>

Բառակազմություն

Գտնում  եմ ,որ  դասն  ընդհանուր  առմամբ  հաջողված  էր, քանի որ  դասի  առջև  դրված  հիմնական խնդիրները  հասան  իրենց  նպատակին.աշակերտները  լիովին  ընկալեցին  <<Հայկ  և  Բել>>  առասպելի  գաղափարական  բովանդակությունը,դասի ընթացքում  ամրապնդվեցին  հայրենասիրության  և  ազատասիրության  գաղափարները:Հայկի  հերոսական կերպարի  մանրամասն  վերլուծությունը  երեխաների  մոտ  ավելի  խորացրեց ազգային  արժանապատվության  զգացումը:Դասը  նաև  ուներ  խիստ  ճանաչողական  բնույթ.երեխաները  հարստացրին  իրենց  գիտելիքները  հայոց  պատմությունից,նորից  վերհիշեցին  հայ  ժողովրդի  հերոսական  անցյալի  դրվագները,ծանոթացան  հայ  հեթանոսական  շրջանի  կուլտուրային:


Դեկտեմբերի 8-ին Ագարակի միջնակարգ դպրոցի գրադարանում տեղի ունեցավ ինտելեկտուալ խաղ-մրցույթի եզրափակիչ փուլը:Այն անցավ լարված պայքարում:Արդյունքում հաղթող ճանաչվեց 3-րդ խումբը:


Ասմունքը  պոեզիայի  գեղեցիկ  դրսևորումներից  է, որին  տիրապետելու  կամ  հաղորդակից  լինելու  համար  շունչդ, հոգիդ  ու  ապրումներդ  ես  ներդնում՝ զգացմունքի ոչ մի  բեկոր չխնայելով:

Դեկտեմբերի  7-ին  տեղի  ունեցավ  ասմունքի  խմբակի  դաս-միջոցառումը՝ <<Մեծերը  հայրենիքի  մասին>>  խորագրով: VI-VIII  դասարանի  աշակերտները  հետաքրքիր ու  բազմաբովանդակ  խոսքով  ներկայացրին  Սահյանի ,Չարենցի, Իսահակյանի և Թումանյանի՝ Հայաստանին  նվիրված  բանաստեղծությունները՝ համեմված  հայրենասիրական երգերով:Միջոցառման  ընթացքում  VIIIբ  դասարանի  աշակերտուհի  Նարինե  Գասպարյանը  գունավոր  մատիտներով  թղթի  վրա  պատկերեց  Ե.Չարենցի  <<Ես  իմ  անուշ  Հայաստանի…>>  բանաստեղծությունը՝  հիացնելով  բոլորին  և  հայրենասիրական  շունչ  հաղորդելով  միջոցառմանը:

Ասմունքի  խմբակի  դաս-միջոցառումը  կատարված  աշխատանքների  յուրօրինակ  հաշվետվություն էր:


Природа-это книга,которую надо прочитать и понять

М.Л.Налбандян

 

Դեկտեմբերի   6-ին  VIIIա  դասարանում  տեղի  ունեցավ  <<Ռուսաց լեզու>>  առարկայից  հերթական բաց-դասը/ուսուցչուհի  Ա.Մկրտչյան/:

Դասի  նպատակն  էր  Յուրի Նագիբինի  <<Зимний  сад>> պատմվածքի վերլուծման  միջոցով  դիտարկել  մարդ-բնություն կապը, սովորեցնել  աշակերտներին տեսնել գեղեցիկը,  անսովորը,յուրահատուկը  թե՛ բնության  մեջ, թե՛ առհասարակ  կյանքում:

Դասի  ընթացքում  կիրառվեցին  տարբեր մեթոդներ,հնարքներ:Դասը հաջողված  էր և  ուսանելի:


Դեկտեմբերի 1-ին Ագարակի միջնակարգ դպրոցի VIIIբ դասարանում <<Ռուսաց լեզու>> առարկայից անցկացվեց բաց-դաս/ուսուցչուհի Գ.Հարությունյան/:Դասապրոցեսում կիրառվեց ուսուցման նոր մեթոդներ:Դասը հագեցված էր դիդակտիկ նկութերով:Աշակերտները ցուցաբերում էին մեծ ակտիվություն:Դասը անցնում էր հարց ու պատասխանի ակտիվ ընթացքով:Իր առջև դրված խնդիրները ուսուցչուհին կատարեց:Բաց-դասը կարելի է համարել հաջողված:


Նոյեմբերի 20-24-ը Ագարակի միջնակարգ դպրոցում<<Կենսաբանություն>> առարկայի առարկայական շաբաթն էր:Անցկացվեց   դասալսումներ: Առարկայական շաբաթն ավարտվեց  <<Կենսաբազմազանություն >> վահանակի ձևավորմամբ:

Առարկայական շաբաթն   անցկացվեց   բազմազան զննական դիդակտիկ նյութերով:  Դասապրոցեսը  ընդգրկում  էր գործնական  վարժություններ   ու  առաջադրանքներ, որոնք  հետաքրքիր  ու  բովանդակալից  էին: Գործնական աշխատանքները հետազոտական բնույթի էին՝ դիտարկումներ,փորձեր:


Նոյեմբերի 24-ին Ագարակի միջնակարգ դպրոցում տեղի ունեցավ Մոնթե Մելքոնյանի/Ավոյի/ ծննդյան 60-ամյակին նվիրված բաց դաս՝ X ա դասարանի աշակերտների և պատմության ուսուցչուհի Անուշ Համբարձումյանի նախաձեռնությամբ ու ջանքերով:Ուսուցչուհին նպատակ ուներ Արցախյան ազատամարտի ամենավառ հերոսի՝ Ավոյի օրինակով ձևավորել և բորբոքել ջերմ հայրենասիրություն:
Աշակերտների ջանքերով պատրաստվել էր տեսաֆիլմ/Սմբատ Հովակիմյան/, Ավոյի դիմանկարը/Անուշ Մկրտչյան/:Ներկայացվեց նաև լեգենդար հերոսի մասին հետաքրքրաշարժ, ուսանելի պատմություններ և հուշեր/Լարիսա Միքայելյան, Սյունե Դավթյան, Անահիտ Բունիաթյան, Սաթենիկ Խալաթյան,Արաքսյա Մարգարյան,Հայկ Համբարձումյան/:
Պատմաաշխարհագրական մեթոդմիավորման նախաձեռնությամբ և XIբ դասարանի ակտիվ մասնակցությամբ /ուսուցչուհի Ա.Մկրտչյան/ պատրաստվեց վահանակ՝նվիրված Մոնթե Մելքոնյանի 60-ամյակին:Այն իր մեջ ներառում էր Մոնթեի կյանքը ,մարտական ուղին, նրա թևավոր խոսքերն ու նրա մասին ընկերների թողած հուշերը:Վահանակի մեջ ընդգրկված էին նաև ձեռքի աշխատանքներ/ Ա.Մկրտչյան- Xա դասարան, Լ.Գալստյան- IXբ դասարան/:


Ինտելեկտուալ  խաղը  հրաշալի  միջոց  է  ժամանցն  ու  գիտելիքի  ձեռքբերումը  համատեղելու  ,միտքը  մարզելու, այլընտրանքներ  գտնելու ,առողջ  մրցակցելու և արգելքներ հաղթահարելու  համար:

Նոյեմբերի   24-ին Ագարակի  միջնակարգ  դպրոցի  գրադարանում  տեղի ունեցավ  ինտելեկտուալ  խաղ-մրցույթ, որին մասնակցում  էր  ավագ  դպրոցի  աշակերտներից  ընտրված  երեք  խումբ:Խաղ-մրցույթը  կազմակերպվել  էր  առարկայական մասնախմբի  կողմից:

Երեք  խմբերն  էլ  փայլուն  մասնակցություն  ունեցան  և  տնօրենության  կողմից  պարգևատրվեցին  պատվոգրերով:

Հաջորդ  փուլին  կմասնակցեն  I և II տեղերը  զբաղեցրած  խմբերը:


Լեզուն   է  ամեն  մի  ժողովրդի  ազգային  գոյության  և  էության  ամենախոշոր  փաստը,ինքնուրույնության  ու  հանճարի  ամենախոշոր  դրոշմը, պատմության  ու  հեռավոր  անցյալի  կախարդական  բանալին, հոգեկան  կարողությունների  ամենաճոխ  գանձարանը,հոգին  ու  հոգեբանությունը:

Թումանյանական  այս  խոսքերով  սկսվեց  խաղ-վիկտորինան մայրենիից՝ ոգևորություն առաջացնելով  աշակերտների  շրջանում:Մասնակիցները  V և VI դասարանների  աշակերտներն  էին:Նպատակն  էր՝ մեկ  անգամ  ևս  արժևորել,սեր հոգատարություն  և  հետաքրքություն  դրսևորել  մայրենիի  նկատմամբ:

Տրվում  էին  հնչյունաբանությանն  ու  բառագիտությանն  ուղղված  առաջադրանքներ:Աշակերտներն  աչքի  էին  ընկնում  իրենց  ակտիվությամբ , հատուկ  մտածողությամբ, դատողությամբ  ու  միմյանց հարգելու  կարողությամբ:

Խաղ-վիկտորինան  անցավ  հետաքրքիր  պայքարում:Արդյունքում  Vա  և  VIա  դասարանների  աշակերտները  զբաղեցրեցին  պատվավոր  I  տեղը,  իսկ  Vբ  և  VIբ  դասարանները՝  II  տեղը:


Ամփոփիչ դաս VIIա  դասարանում/հայոց լեզվի  և  գրականության ուսուցիչ՝ Ա.Հովհաննիսյան/

Թեման՝ Ակսել Բակունց:<<Սպիտակ ձին>>  պատմվածքը

նպատակները՝

ա/ հիշել  և  վերարտադրել  Ա.Բակունցի  կենսագրության  կարևոր  դրվագները,

բ/բնութագրել հերոսին, մեկնաբանել նրա արարքի շարժառիթները,

գ/ներկայացնել, հիմնավորել ,պաշտպանել  սեփական  կարծիքն  ու  վերաբերմունքը  կյանքի  երկու  հակադիր  կողմերի՝ պայծառության , անարդարության  նկատմամբ,

դ/գնահատել  հեղինակի  մտքերի  զարգացման  ընթացքը,լեզուն,ոճը:

 

…Ուզում  եմ, որ  այս  անզարդ  տողերը  մնան  այնքան, որքան  կմնա  մեր  քարափը:

…Ուզում  եմ  գտնել  մի  այնպիսի  ձև, որը  լինի  ավելի  քան  պարզ, հակիրճ  ու  հասկանալի:

 

Աշակերտները  ներկայացրին  Բակունցին՝որպես  գրող՝ հիշելով  նրա կյանքի  և  ստեղծագործության  կարևոր  փաստերը:Նրանք  հասկացան, որ  Բակունցը  զգացմունքային  արձակագիր  է:Բակունցի  կյանքի  ուսուցումը  նրանց  մեջ  դաստիարակեց  հայրենսաիրություն և  ստեղծագործական  կամք, սեր    բնաշխարհի  հանդեպ :

Բակունցն  ասես  բնաշխարհի  ծնունդ  լինի:Ընդ  որում՝ այդ  բնաշխարհը  շատ  տեղային է  և  իր ծննդավայրն  է:

<<Սպիտակ  ձին>>   պատմվածքի  ամբողջական  վերլուծությունը  կատարվեց  ըստ  սյուժեի  բաղկացուցիչ  մասերի:Պատմվածքի  հիմնական  գաղափարն  ընդգծելու  համար  աշակերտները  համեմատեցին  նրա  սկիզբն  ու  վերջը. հոգեկան   անդորրով  սկսվող  նկարագրությունը  վերջանում  է  գեղջկուհու  հավատի  կորստով, հոգեկան  խռովքով, իրականության , մարդկանց  նկատմամբ  խախտված  հավատի  պատկերով:

Բակունցի  պատմվածքը  գրված  էր  շատ  բարձր  վարպետությամբ:Պարզ  ու  հստակ  երևում  են  ոչ  միայն  հերոսները, ձիերը,այլև  բնաշխարհը:Բակունցը  բնաշխարհիկ  գրող  էր, ինչը  երևում  է  թե՛  գլխավոր ու  երկրորդական  հերոսների  պատկերաշարի  և  թե՛  բնաշխարհի  նկարագրությունների  մեջ:Աշակերտները  անկրկնելի  ներկայացրին  հատկապես  երեք  ձիերի  նկարագրությունները:

Դասի  ընթացքում  կիրառվեց  տարբեր  մեթոդներ,հնարներ և  միջոցներ:Դասը  արդյունավետ  էր  և  նպատակային:


Նոյեմբերի 13-17-ը Ագարակի միջնակարգ դպրոցում<<Ֆիզիկա>> և <<Քիմիա>>առարկաների առարկայական շաբաթն էր:Անցկացվեցին փոխադարձ դասալսումներ: Առարկայական շաբաթի պատասխանատու ուսուցիչները ձևավորեցին վահանակ՝ նվիրված հայ հայտնի գյուտարար ֆիզիկոսներին և քիմիկոսներին:

Առարկայական շաբաթի անցկացումն ուղեկցվեց դպրոցի տարբեր անկյուններում բազմազան զննական տեղեկատվությունների տեղադրումով/խաչբառներ, տրամաբանական խնդիրներ,ռեբուսներ և այլ նյութեր/:Դասապրոցեսներն կազմակերպվում էին այնպես, որ որքան հնարավոր է շատ սովորողներ ընդգրկվեն ստեղծագործական գործունեության մեջ, ընտրվում էին ռազմամակարդակ առաջադրանքներ,որոնք հետաքրքիր և ուշագրավ էին:Գործնական աշխատանքները հետազոտական բնույթի էին՝ դիտարկումներ,փորձեր,հետազոտություններ:Ֆիզիկայի և քիմիայի դասերի գլխավոր խնդիրն էր՝ձևավորել դիտումներ կատարելու,փորձեր ծրագրելու և իրականացնելու, հիպոթեզներ առաջադրելու, մոդելներ կառուցելու, ինֆորմատիկայի տարբեր աղբյուրներից օգտվելու , որոշումներ կայացնելու սեփական գործունեության հետևանքները կանխատեսելու կարողություններ և հմտություններ:


Նոյեմբերի  17-ին  Ագարակի  միջնակարգ  դպրոցի   Vա դասարանում տեղի  ունեցավ  բաց- դաս  բնագիտություն  առարկայից՝ <<Տիեզերք>>  թեմայի  ամփոփում  խորագրով:Ուսուցչուհի  Լ.Հակոբյանը նպատակ  ուներ  սովորողների  տարրական  պատկերացումներն  ամրապնդել  արեգակնային  համակարգի , Արեգակի  և  մոլորակների,գիսավորների,ասուպների  և  երկնաքարերի մասին:

Աշակերտների  մեջ դասի նկատմամբ հետաքրքրություն  և  շահագրգռվածություն առաջացնելու  նպատակով  ճիշտ  էին  ընտրված  ուսուցման  մեթոդները, մեթոդական  հնարները,ռազմավարությունները,տեխնոլոգիաները,ցուցադրական  նյութերը:Ուսուցչուհու կողմից  նախապատրաստված  <<Տիեզերքի մասին>>  տեսաֆիլմի  միջոցով  աշակերտները  կարողացան  լրացուցիչ  շոշափելի  գիտելիքներ  ձեռք  բերել:Ամփոփման  յուրաքանչյուր  մաս  ուղեկցվում  էր  կարևոր  գաղափարներն ամրապնդող  հարցադրումներով:

Դասը  տպավորիչ  էր  և  ուսանելի:


Նոյեմբերի 13-ին Ագարակի միջնակարգ դպրոցում /VIբ դասարան/ տեղի  ունեցավ  բաց-դաս հայոց պատմություն առարկայից՝ <<Ալեքսանդր Մակեդոնացու արշավանքները  և  Հայաստանը>>  խորագրով:Ուսուցչուհին՝  Ա.Համբարձումյանը,նպատակ  ուներ  բացահայտելու  համաշխարհային պատմության  մեծագույն  գործիչներից  մեկի  կյանքն  ու  գործը,նրա դերը  համամարդկային  ձգտումների  և  իդեալների  իրագործման  ճանապարհին:

Սովորողների  ճանաչողական  ակտիվությունը,մտածողության  ինքնուրույնությունը,սեփական  գիտելիքները  ինքնուրույն  լրացնելու  և  հարստացնելու  կարողությունները  խթանելու  նպատակով  ուսուցչուհին  օգտագործեց  ուսուցման  և՛ ավանդական  և ժամանակակից  մեթոդներ  և  հնարներ՝ <<Հասկացությունների  քարտեզ>>, <<Կմախք>>, սահիկահանդես:

Դասն  ունեցավ  տպավորիչ  ավարտ.աշակերտների  ջանքերով  պատրաստված  սահիկահանդեսն  ու  տեսաֆիլմը  ամրապնդեցին  աշակերտների  գիտելիքները:


Հոկտեմբերի 26-ին Ագարակի միջնակարգ դպրոցում անցկացվեց միջդասարանական սպորտլանդիա Vաբ , VIաբ դաարաններում :
Vաբ դասարանները I հորիզոնականը կիսեցին հավասար, իսկ Vա դասարանը զբաղեցրեց I տեղը:

<<Տեխնոլոգիա>> առարկայից կոմպոզիցիայի հավաքում՝աշնանային մրգերով ու տերևներով:
Vա դասարան/ուսուցիչ Ն.Գասպարյան/:

 Հոկտեմբերի 25-ին միմյանց հետ մաթեմատիկա և բնագիտություն առարկաներից մրցում էին VIIա և VIIբ դասարանի աշակերտները:Հաղթող ճանաչվեց VIIբ դասարանը:


Մեղու -2017

2017թ  հոկտեմբերի 26-ին  մեկնարկեց  <<Մեղու. հայերենը  բոլորի  համար>>  մրցույթը:

Մրցույթի  հիմնական  նպատակը  դպրոցականների  ամենալայն  շրջանում  հայերենի    հանդեպ  հետաքրքրության  խթանումն  է:

Ագարակի  միջնակարգ  դպրոցի  89  աշակերտ  մասնակցեց  մրցույթին:

Մրցույթի  սկզբում  բոլոր  մասնակիցներին  բաժանվեցին  հուշանվերներ  և  պատասխանների  թերթիկները(պատասխանատու՝ հայոց լեզվի  և  գրականության  մասնախմբի  նախագահ  Ա.Ասատրյան):

Մասնակից  աշակերտները  ծանոթացան  մրցույթի  կանոններին:

Այն  անցկացվեց  պատշաճ  մակարդակով:

Հուսանք, որ  տարվա  բոլոր  մասնակիցների  արդյունքների  ընդհանուր  հաշվետվության  արդյունքում  մեր  դպրոցի  աշակերտներից  կլինեն  մրցանակակիրներ:

 


Հոկտեմբերի 25-ին միմյանց հետ օտար լեզուներից մրցում էին VIա և VIբ դասարանները:
Գերմաներեն առարկայից հաղթող ճանաչվեց VIա դասարանը, իսկ անգլերեն և ռուսերեն լեզուներից VIբ դասարանը:VIա և VIբ դասարանների մրցույթով ավարտվեց նաև օտար լեզուների առարկայական շաբաթը:

Հոկտեմբերի 25-ին Ագարակի միջնակարգ դպրոցում անցկացվեց միջդասարանական սպորտլանդիա IVա, IVբ, դաարաններում և վոլեյբոլ Xա, Xբ դասարաններում:
IVաբ դասարանները I հորիզոնականը կիսեցին հավասար, իսկ Xա դասարանը զբաղեցրեց I տեղը:

 


Հոկտեմբերի  23-ին  Ագարակի  միջնակարգ  դպրոցի  VIIա  դասարանի  աշակերտները    բնության  գրկում  անցկացրեցին   դաս-միջոցառում  <<Կերպարվեստ>> առարկայից/ուսուցիչ՝ Նարինե  Գասպարյան/,որը տարբերվում  էր  իր  յուրօրինակ  կառուցվածքով :

Դասի  թեման  էր՝  <<Աշնան  գույները  իմ  ծննդավայրում>>:

Դասի նպատակն էր՝ երեք  հիմնական  գույների՝ կապույտ,կարմիր,դեղին գունային զուգորդումների  ստեղծման  հնարները,հակադիր գույների  զուգորդումը  և  շրջապատի իրականության  մեջ  գծեր  նկարելու  կարողության  զարգացումը:

Դասն  սկսվեց  Վ.Տերյանի  <<Աշնան>> բանաստեղծությամբ:

Նորից անձրև՜, մշո՜ւշ, ա՜մպ,
Թախի՜ծ անհուն, տխրա՜նք հեզ,
Աշո՛ւն, քեզ ի՛նչ քնքշությամբ,
Ի՞նչ խոսքերով երգեմ քեզ…

Աշնան  երանգները  խտացնում  են  նրանց  տրամադրությունը, մթնոլորտ  ստեղծում  աշխատելու  համար:Նկարներում  աշունը  պատկերվում  է  որպես  ոսկե  տեսիլք՝ դեղին  ու  դալուկ  գույներով:Երեխաները  ձուլվելու աշնան գուներին՝ ստեղծում  են  հոգու  և  բնության  զուգորդում:

Յուրաքանչյուր  նկարի  մեջ  ինչ-որ  առանձնահատուկ  գեղեցկություն  կա, ինչ-որ  տարօրինակ  հմայք…Ասես  պատմություն  կա՝  արտահայտված  սիմվոլիկ պատկերներով:

Բնության  գրկում  գտնվելով  նրանք  կարողացան  բնությունը  բաշխել  հազարավոր  երանգների:Գույները  ոչ  միայն  հարստացրեց  նրանց  հոգին, այլ  նրանց  մեջ  ձևավորեց  գեղագիտական  ընկալում  և  ճաշակ:


Ես  սիրում  եմ  իմ  քաղաքը

Հոկտեմբերի  25-ին  Ագարակի  միջնակարգ  դպրոցում  կազմակերպվեց  քաղաքի  օրվան  նվիրված  ցուցահանդես , որտեղ  իրենց  աշխատանքներն  են  ներկայացրել  II-V դասարանների  աշակերտները:

Կազմակերպվել  է  նաև  <<Ես  սիրում  եմ  իմ  քաղաքը>>  վերնագրով  շարադրությունների  մրցույթ/հայերեն  և  ռուսերեն/:

Մրցանակային  տեղեր  են  զբաղեցրել  IVբ  դասարանի  աշակերտուհի  Լիա  Սաիլյանը/հայերեն/  և  Vա  դասարանի    աշակերտուհի Մերի  Աղասյանը/ռուսերեն/:

 

Հոկտեմբերի 24-ին միմյանց հետ մաթեմատիկա և բնագիտություն առարկաներից մրցում էին VIա և VIբ դասարանի աշակերտները:Բնագիտություն առարկայից հաղթող ճանաչվեց VIբ դասարանը ,իսկ մաթեմատիկայից ՝ VIա դասարանը:

 


Հոկտեմբերի 24-ին VIIբ դասարանը/դասղեկ Ա.Մկրտչյան/ դասղեկի ժամին անցկացրեց դաս-միջոցառում <<Ծխախոտի և ալկոհոլի վնասակար ազդեցությունը>> թեմայով:Երեխաները դիտեցին մուլտֆիլմ ծխախոտի և տեսաֆիլմ ալկոհոլի վնասակար ազդեցության մասին,կարդացին զեկուցումներ վերոնշյալ թեմաներով:


Հոկտեմբերի  24-ին  Ագարակի  միջնակարգ  դպրոցում  անցկացվեց  միջդասարանական սպորտլանդիա IIIաբ,  VIIաբ,  VIIIաբ  դաարաններում:

VIIաբ  և  VIIIաբ  դասարանները  I  հորիզոնականը  կիսեցին  հավասար, իսկ  IIIա  դասարանը զբաղեցրեց  I  տեղը:


2017թ հոկտեմբերի  23-ին տրվեց միջդասարանական առարկայական մրցույթի մեկնարկը

Միմյանց հետ մաթեմատիկա և բնագիտություն առարկաներից մրցում էին Vա և Vբ դասարանի աշակերտները:
Երկու առարկաների դեպքում էլ առկա էին ինչպես տեսական հարցեր, այնպես էլ գործնական աշխատանքներ:
Մրցույթը անցավ բավականին հետաքրքիր և ջերմ մթնոլորտում :
Բնագիտություն  առարկայից հաղթող  ճանաչվեց  Vա դասարանը ,իսկ  մաթեմատիկայից ՝ Vբ դասարանը:

 


Մասնագիտական  կողմնորոշման  դաս

Ագարակի  միջնակարգ  դպրոց  էին  այցելել  Հայաստանի  ազգային  ագրարային  համալսարանի  դասախոսներ ՝ Գ.Սանթրոսյանը, Մ.Գալստյանը  և  Հ.Տեր-Մովսեսյանը:

Ագրոտեխնոլոգիական հոսքի  դասարաններում  անցկացվեցին  դասախոսություններ  և  գործնական  պարապմունքներ,որն  էլ  նպաստեց  աշակերտների  մասնագիտական  կողմնորոշմանը:

Հատկանշական  է,  որ այցելության  ընթացքում  վերապատրաստվեցին  նաև  ագրոտեխնոլոգիական  հոսքի  դասարաններում  դասավանդող  ուսուցիչները:


Հոկտեմբերի  21-ին  Ագարակի  միջնակարգ  դպրոցի  VIբ դասարանի  աշակերտները/դասղեկ Ա.Հայրապետյան/  անմոռանալի  և  բազմաբովանդակ  օր  անցկացրեցին  Մեղրու  օդկայանում: Այցելեցին  նաև  Սուրբ Հովհաննես  և  Սուրբ  Աստվածածին  եկեղեցիներ , զրույց  ունեցան  Մեղրու քահանա տեր Ռաֆայել Խաչիկյանի  հետ:

Օրը  լի  էր  բացահայտումներով:


<<Հայ զինվորը…>>

 

Հոկտեմբերի  23-ին  Ագարակի  միջնակարգ  դպրոցում  անցկացվեց   <<Հայ զինվորը…>> խորագրով  ցուցահանդես,որի  ընթացքում  դպրոցի  բոլոր  մասնակից  անհատները , խմբերը  ներկայացրին  և  մեկնաբանեցին  իրենց  աշխատանքները :

Ցուցահանդեսի  վերջում  դպրոցի  նախաձեռնող  խումբը  տնօրեն  Է.Բարխուդարյանի  նախաձեռնությամբ  ամփոփեց  մրցույթի  արդյունքները , ընտրվեց  դպրոցը  ներկայացնող  լավագույն  մեկ  պաստառ  և  մեկ  ձեռքի  աշխատանք: Դպրոցը  պատրաստ  է  մասնակցելու  մրցույթի  հաջորդ  փուլին:

 


2017թ  Հոկտեմբերի  20-ին  Ագարակի  միջնակարգ  դպրոցում   տրվեց սպորտային միջոցառումների մեկնարկը

 

Հաշվի  առնելով  ֆիզիկական դաստիարակության  առանձնահատուկ տեղն  ու  նշանակությունը  անձի  ֆիզիկական  ներդաշնակ  զարգացման, մտավոր առաջընթացի և  արժեքային  համակարգի  ձևավորման  գործում՝ աշակերտական  խորհուրդը  նախաձեռնեց  միջդասարանական  սպորտային  մրցույթներ:

Iա,բ,գ  դասարանների  միջև  անցկացվեց  սպորտլանդիա:

Iա —  19  միավոր/ 1-ին տեղ/

Iբ —  17  միավոր/ 2-րդ տեղ/

Iգ —  14  միավոր/ 3-րդ  տեղ/

Դասարանները  տնօրենության կողմից  պարգևատրվեցին  պատվոգրերով:


Հոկտեմբերի  16-ին IXբ դասարանում  տեղի  ունեցավ  բաց  դաս՝ անգլերեն  լեզվից /ուսուցիչ՝ Գայանե Սարգսյան/:

Դասի  թեման  էր՝« Appreciating art  and music».

Դասավանդման  մթնոլորտը  ակտիվ  համագործակցային  ուղղվածություն  ուներ, և  դասի  փուլերը  տրամաբանորեն  շաղկապված  էին:Դասաժամը հագեցած  էր տարբեր  ուսուցման  մեթոդներով,որոնք  համապատասխանում  էին  դասանյութի  բովանդակությանը, նպատակներին  և  աշակերտների   ընկալման  առանձնահատկություններին:

Գ.Սարգսյանը  դասագրքից  դուրս  օգտվեց  նաև  այլ  նյութերից  և  գրականությունից ՝ ծանոթացնելով հայ  և  արտասահմանյան ականավոր  նկարիչների  կյանքին  ու գործունեությանը:Դասի  ընթացքում  կիրառվեց  ՏՀՏ ,ցուցադրվեց Գուստավ Կուրբետի ,Մոնեի, Վան Գոգի, Պաբլո Պիկասոյի Մարկ Շագալի, Սալվադոր Դալիի  և  Անդրյու Վարհոլի ստեղծագործությունները:Ուսուցիչը դասի ընթացքում  նաև  օգտագործեց դիտակտիկ  նյութեր:Դասի  վերջում   որպես  արվեստի  ճյուղեր  նշվեց  նաև  թատրոնը, երաժշտությունը : Դասն  ավարտվեց  մեծն  անգլիացի  գրող  Շեքսպիրի  մեջբերումներով:


Բաց դաս «Աշխարհագրություն» առարկայից

 

Թեման.«Ի՞նչ  է  ուսումնասիրում  մայրցամաքների  և  օվկիանոսների  աշխարհագրությունը»:

Դասի  նպատակը  և  խնդիրները.

Գաղափար  կազմել  մայրցամաքների  և  օվկիանոսների  մասին:Ուսումնասիրել  առանձին  մայրցամաքների  բնության  առանձնահատկությունները, բնական ներքին  տարբերությունները:

Դասավանդման  ավանդական  մեթոդների  և  եղանակների  հետ  համատեղ  ուսուցիչ Բ.Մանուկյանը  կիրառեց  դասավանդման  ժամանակակից  փոխգործուն  մեթոդներ,որոնք  հնարավորություն  ընձեռեցին   նրան  դասապրոցեսը  առավել  հետաքրքիր  դարձնել  /ԽԻԿ-մեթոդ,T-աձև  աղյուսակ,գլոբուսով  և  քարտեզով  զանազան  աշխատանքներ/:Բ.Մանուկյանը աշակերտների  համար  ընթերցեց  հատվածներ  Կ.Ավետիսյանի «Պատանի  աշխարհագրագետ»  գրքից:

Զարմանահրաշ  ու  անսահման  տիեզերական  անհունությունում  իր  հավերժական  պտույտն  է  կատարում  Երկիր  մոլորակը:

Դասը  ունեցավ  տպավորիչ  ավարտ:

Ուսուցչի   շնորհիվ  աշակերտները  ոչ  միայն  բացահայտեցին  մայրցամաքների  գաղտնիքները  ,այլև  սիրեցին  աշխարհագրությունը:


Հոկտեմբերի  18-ին  Ագարակի  միջնակարգ  դպրոցի  VIբ դասարանում  տեղի  ունեցավ  դասարանական  միջոցառում/ դասղեկ՝Ա.Հայրապետյան/: Հրավիրված  էր  հոգեբան Հեղինե  Գևորգյանը:Միջոցառումը  սկսվեց  «Կոնֆլիկտ»  թեմայի  շուրջ  բանավեճով,ցուցադրվեց   տեսանյութ՝  «Կոնֆլիկտներ  երեխաների  համար» թեմայով:Մեկնաբանվեցին  կոնֆլիկտների  առաջացման  պատճառները,քննարկվեցին  դրական և  բացասական  կողմերը:

Միջոցառման  նպատակն  էր աշակերտների մոտ  ձևավորել  հանդուրժողականություն  միմյանց  նկատմամբ:


Ինչպե°ս կարելի  է  պատկերացնել  ուրախության  որևէ  առիթ  առանց  ալկոհոլի,տխրության  մի  առիթ  առանց  ալկոհոլի:

Պետք  է  մշտապես  հիշել, որ  ալկոհոլը  լուրջ  վնասակար  գործոն  է, որը էապես  վտանգում  է  մարդու  առողջությունը:

Ալկոհոլի  և  նրա վնասների   մասին  էր  զրույցը,որը  անցկացվեց  XIբ դասարանում/դասղեկ ՝ Ս.Ասատրյան/:Ցուցադրվեց  տեսանյութ «Ալկոհոլի  չարաշահման  ծանր  հետևանքները»  թեմայով:

Խուսափեք  ալկոհոլիզմից,ինչպես  նաև  այլ  վատ  սովորություններից, սա  կլինի  ձեր  ներդրումը  առողջ  կյանքի  ապահովման  գործում:


Հոկտեմբերի 14- ին Ագարակի միջնակարգ դպրոցում անցկացվեց ՀՀ դպրոցականների շախմատի 12-րդ օլիմպիադայի 1-ին փուլը — ներդպրոցական մրցումներ,որին մասնակցում էին դպրոցի 32 աշակերտ:Մրցումների արդյունքում 4 աշակերտ իրավունք ստացան մասնակցելու օլիմպիադայի 2 փուլին ,որը տեղի կունենա Մեղրի քաղաքում,նոյեմբեր ամսին:.Թիմի կազմը.Մանուկյան Արթուր,Սարգսյան Սլավիկ,Համբարձումյան Էրիկ,Հարությունյան Մելիտա.


Առարկայական  շաբաթ

/պատմա-աշխարհագրական մեթոդմիավորում/

 

      Մեթոդմիավորման ձևերից մեկն էլ առարկայական շաբաթի կազմակերպումն է, որը անցկացվեց հոկտեմբերի 9-13-ն ընկած ժամանակահատվածում:

Այն հետապնդում էր հետևյալ նպատակները՝ սովորողների մտավոր գործունեության ակտիվացումը, առարկաների նկատմամբ հետաքրքրության, ստեղծագործական ունակությունների ձևավորումը: Առարկայական շաբաթվա ընթացքում ուսուցիչները իրենց առջև դրել էին մի շարք խնդիրներ՝ զարգացնել խոսքը, երևակայությունն ու հետաքրքրությունը պատմություն և աշխարհագրություն առարկաների նկատմամբ, դաստիարակել ինքնուրույն մտածելու, իրենց նպատակներն իրականացնելու համար կամք, ինչպես նաև, որն ամենակարևորն է՝ հայրենասիրություն և վերաբերմունք շրջակա միջավայրի նկատմամբ:

ՈՒսուցիչները դասերի ընթացքում կիրառում էին և ավանդական, և նոր մեթոդներ, որոնք օգնում էին աշակերտներին առարկաների նկատմամբ հետաքրքրությունն էլ ավելի բարձրացնեն:

Առարկայական շաբաթի շրջանակում ձևավորվել է նաև վահանակ, որտեղ ընդգրկված են խնդիրներ և խաչբառեր պատմություն և աշխարհագրություն առարկաներից:


2017թ  հոկտեմբերի  13-ին VIIIբ դասարանում /դասղեկ՝ Լ.Ղարիբյան/ տեղի  ունեցավ  <<Դարի  կործանարար  սովորույթ>>  խորագրով    դասարանական  միջոցառում,որի  նպատակն  էր  իրազեկել  աշակերտներին ծխախոտի վնասակար հետևանքների  մասին՝ զերծ  պահելով  նրանց  այդ  կործանարար  սովորույթից,ձևավորելով առողջ ապրելակերպ: Միջոցառումն   սկսվեց  ծխախոտի  վնասակար  հետևանքների  մասին  պատմող  տեսաֆիլմի  ցուցադրությամբ ,որից  հետո աշակերտները  ներկայացրին ծխախոտի քիմիական և կենսաբանական վտանգավոր երևույթները:


«Ճանաչել  զիմաստութիւն  և  զխրատ, իմանալ  զբանս  հանճարոյ»

 

Թարգմանչաց  տոնը  հայ  հոգու  պանծացման  տոնն  է:Առաջին  թարգմանիչների  շնորհիվ  հիմք  դրվեց  ազգային  ինքնուրույն  գրականության, ճարտարապետության, պատմագրության,երաժշտության:Դրա  շնորհիվ  մենք՝ հայերս, քաղաքակիրթ  աշխարհի  լիիրավ  անդամը  դարձանք:

Միջոցառումը,  որ  տեղի  ունեցավ  Ագարակի  միջնակարգ  դպրոցի  գրադարանում/Vբ դասարան,հայոց լեզվի  և  գրականության  ուսուցչուհի  Է.Գյուլասարյան/  տոնի  խորհուրդն  էր  ներկայացնում:Շնորհալի  աշակերտները  ասմունքեցին, շարական  երգեցին  և  դրեցին  V դարի  մատենագիր  թարգմանիչների  «մասնակցությամբ»  դրվագներ  բեմադրեցին:


 

Հոկտեմբերի  10-ին  ամփոփվեց  մաթեմատիկայի  առարկայական  շաբաթը, որի  մեկնարկը տրվել  էր  հոկտեմբերի  2-ին:

Անցկացման  նպատակը  սովորողների  իմացական  գործունեության  ակտիվացումն  ու  տրամաբանված  դատողություններ  անելու  հմտությունների  զարգացումն  էր, առարկայի  նկատմամբ  տրամաբանական  մտածողության  ,երևակայության  ,տարածական  պատկերացումների  , խմբում  աշխատելու   համար  անհրաժեշտ  կարողությունների  ձևավորումը:

Ուսուցման  գործընթացում  ուսուցիչները  կիրառում  էին  դասավանդման  և ՛ ավանդական  և՛  նոր  մեթոդներ:Յուրաքանչուր  դասալսում  ավարտվում  էր  քննարկումով : Ուսուցիչները  պատրաստել  էին  նաև  առարկայական  անկյուն՝ «Փորձի՛ր  ուժերդ»  խորագրով:Այնտեղ  տեղ  էին  գտել  խաչբառեր,  ռեբուսներ , ինչպես  նաև  հետաքրքրաշարժ  ու  տրամաբանական  խնդիրներ:

Շաբաթն  ամփոփվեց  VIա  դասարանում/ ուսուցիչ՝ Գ.Մկրտչյան/  կազմակերպված  դաս-վիկտորինայով:

Վիկտորինայի  նպատակն  էր  խմբային  աշխատանքի  միջոցով  խթանել  աշակերտների  ինքնուրույն  մտածողությունը,դաստիարակել  համագործակցելու  կուլտուրա,մեծացնել  հետաքրքրությունը  առարկայի  նկատմամբ:


Գրադարանավարի  օր

 

Մեծագույն  գանձը՝լավ գրադարանն է:

Տոնական  տրամադրություն  էր  դպրոցի  գրադարանում:Աշակերտները  մեծ  խանդավառությամբ  այցելում  էին  գրադարան, շնորհավորում  գրադարանավար  տիկին  Վիկտորիային մասնագիտական տոնի  առթիվ:

Ցերեկույթ  էր  կազմակերպված  գրադարանում/IVբ  դասարան, դասվար  Ա.Գրիգորյան/:Աշակերտները  իրենց  ասմունքով  , երգով ,«Անահիտ»  հեքիաթի  բեմադրությամբ  հանդես  եկան  և  հիացրեցին  ուսուցիչներին:VIIIաբ,VIIա,VIա,բ,IVբ, Xբ դասարանների  կողմից  դպրոցի  գրադարանին  նվիրվեցին  գեղարվեստական  գրքեր:

Միջոցառման  ավարտին  դպրոցի  տնօրեն  Է.Բարխուդարյանը  շնորհակալություն  հայտնեց  IVբ  դասարանի  դասվար  Ա.Գրիգորյանին բարձր  մակարդակով  միջոցառում  կազմակերպելու  համար, իսկ  աշակերտներին  հորդորեց շատ ընթերցել,լինել բանիմաց  և  խելացի:

 

Գրադարանի  այսօրվա  մանուկ  ընթերցողը  , Հայաստանի  վաղվա  գրողն  է  , գիտնականը, բժիշկը:


Դպրոցի  տնօրենությունը  շնորհավորում  է Ագարակի  միջնակարգ  դպրոցի  Vա  դասարանի  աշակերտ  Սլավիկ Սարգսյանին  ՀՀ  մարզերում  և  ԼՂՀ-ում  մարզական  փառատոնի  ծրագրով  «շախմատ»  մարզաձևից  երկրորդ  տեղը  գրավելու  համար:

Մաղթում  ենք  նորանոր  հաջողություններ:


Դպրոցի  տնօրենությունը  շնորհավորում  է Ագարակի  միջնակարգ  դպրոցի    VIա  դասարանի  աշակերտ  Արթուր Մանուկյանին  ՀՀ  մարզերում  և  ԼՂՀ-ում  մարզական  փառատոնի  ծրագրով  «շախմատ»  մարզաձևից  առաջին  տեղը  գրավելու  համար:

Մաղթում  ենք  նորանոր  հաջողություններ:


Մեր  մասնագիտությունը  հայրենիքը  պաշտպանելն  է

Հոկտեմբերի  9-ին  Ագարակի  միջնակարգ  դպրոցում  տեղի  ունեցավ  հանդիպում  XI-XII դասարանների  աշակերտների  և  ՀՀ  ՊՆ  Արմենակ Խամփերյանցի անվան ռազմական ավիացիոն համալսարանի դասախոս, գնդապետ Սահակ Իսկանդարյանի, ՀՀ  ՊՆ Վազգեն Սարգսյանի  անվան ռազմական համալսարանի  դասախոս, փոխգնդապետ  Մարատ  Բաղդասարյանի , Մեղրիի  զինկոմիսարիատի  զորակոչի  բաժանմունքի  պետ, կապիտան  Դավիթ  Զաքարյանի  հետ:

Հանդիպման  նպատակն էր  աշակերտներին  ծանոթացնել  ՀՀ  ՊՆ  ռազմակրթական  ծրագրերին, ռազմական  կրթության  առավելություններին և  ընդունելության  կարգին:


Աշակերտ –զինվոր-ոստիկան-հայրենիք

Հոկտեմբերի  6-ին  Ագարակի  միջնակարգ  դպրոցում  տեղի  ունեցավ  հանդիպում  ավագ  դպրոցի  աշակերտների  և  Մեղրիի  զինվորական  կոմիսարիատի  զորակոչային  բաժանմունքի  ՆԶՊ  տեսուչ,  կրտսեր  սերժանտ  Վարդան  Վարդանյանի,ոստիկանության Մեղրիի  բաժնի  ԱԳԽ տեսուչ, ոստիկանության  լեյտենանտ  Անդրանիկ  Դադայանի  հետ:

Հանդիպման  նպատակն  էր  աշակերտներին  զեղծ  պահել  փողոցային  արատավոր  բարքերից:

 


Տոնդ  շնորհավոր, սիրելի՛  ուսուցիչ

Տոն  էր  դպրոցում:Աշակերտները  ոգևորված  շնորհավորում  էին  ուսուցիչներին, ջերմ  խոսքեր,  բարի  մաղթանքներ, ժպիտներ, ծաղիկներ…

Հոկտեմբերի  5-ին  Ագարակի   միջնակարգ  դպրոցում  տեղի  ունեցավ  ուսուցիչների  մեծարման  ցերեկույթ:

Միջոցառումը  կազմակերպել   էին  IVա  դասարանի  աշակերտները/դասվար Զ.Ղուկասյան/:

Տնօրեն  Է.Բարխուդարյանը  շնորհակալություն  հայտնեց   դասվարին բարձր  մակարդակով  միջոցառում  կազմակերպելու  համար:


 

Ագարակի  միջնակարգ  դպրոցում  տրվեց  առարկայական շաբաթների  մեկնարկը

Հայոց  լեզու  և  գրականություն

 

Իբրև   մոր   նայել  և   իբրև  մոր  են  պահել  իրենց  մայրենի

լեզուն  հայ  ժողովրդի  մայրասեր  ու  մայրախնամ զավակները՝

սկսած    Մաշտոցից   ու   մեր  առաջին    թարգմանիչներից

մինչև… Վարուժան  ու  Չարենց

Պ.Սևակ

 

Հոկտեմբերի 3-ին  ամփոփվեց  հայոց  լեզվի և  գրականության  առարկայական  շաբաթը, որի  մեկնարկը  տրվել  էր  սեպտեմբերի   25-ին:Ինչ  խոսք, կատարված  աշխատանքները  գոհացուցիչ  էին:

Անցկացման  նպատակը  սովորողների  մտավոր  գործունեության  ակտիվացումն  ու  անձնային  որակների  զարգացումն  էր, հայոց  լեզվի  և  գրականության  նկատմամբ  հետաքրքրության,ստեղծագործական  ունակությունների  ձևավորումը:

Ճիշտ  է, ուսուցիչները  ծանրաբեռնված   էին,  բայց  մասնախմբի  բոլոր  անդամները  ճիգերի  գերլարումով  աշխատեցին:Այդ  են  վկայում  նրանց  վարած  բազմաբնույթ  դասերը: Յուրաքանչյուր  դասալսում  ավարտվում  էր  քննարկումով:Անշուշտ  քննարկումների  ժամանակ  միշտ  էլ  ինչ-որ  բան ես  սովորում, ծնվում է  նոր  մեթոդ:

Ուսուցիչները  պատրաստել  էին  առարկայական  անկյուն՝ Խորհել,խոսել,քայլել հայերեն խորագրով:Այնտեղ  զետեղված  էին  գլուխկոտրուկներ, խաչբառ, բառախաղեր, ռեբուսներ:Պաստառը  առավել  գեղեցիկ  էր  դարձնում  աշակերտների  ստեղծագործական  արվեստանոցը   /առած-ասացվածքների  նկարազարդումներ, գրականության  դասերին  ուսումնասիրվող  թեմաներով  նկարներ/:

 



«Հայ  զինվորը…»

Հայրենիքներն  ապրում  են  հայրենասիրությամբ,ընկնում՝ դրա  պակասից:

Գարեգին  Նժդեհ

 

Սեպտեմբերի  28-ին  Ագարակի  միջնակարգ  դպրոցում / IX-X դասարաններ/ անցկացվեց  դաս-միջոցառում  «Հայ  զինվորը…»  խորագրով:Միջոցառման  նպատակն  էր  նպաստել  աշակերտների  շրջանում  ռազմահայրենասիրական  ոգու  դաստիարակությանը, հայրենիքի  պաշտպանության  հանդեպ  պատասխանատվության   զգացումի  բարձրացմանը, հայոց  ազգային  բանակի  և  հայ  զինվորի  կերպարի  արժեքի , դերի  ու  նշանակության  կարևորմանը:

Միջոցառմանը  հրավիրված  էին  համագործակցային զորամասից  զինծառայողներ , սպաներ:Վերջնարդյունքում  աշակերտները  հիմնավորեցին  բանակի կարևորությունը  Հայաստանի Հանրապետության  և  Արցախի  բնականոն  կյանքի  ռիթմը  պահպանելու  գործում, վերլուծեցին  հասարակություն –բանակ  փոխգործակցության  կարևորությունը, ներկայացրին  յուրաքանչյուր  քաղաքացու  և  իրենց  ներդրումը  ՀՀ  բանակի  և  ի վերջո ՝ պետականության  հզորացման  գործընթացում:

Դպրոցի  տնօրենությունը  շնորհակալություն  է  հայտնում  դասղեկներ Բ.Մանուկյանին/Xա դասարան/, Ա.Մկրտչյանին/Xբ դասարան/, Ն.Սիմոնյանին/ IXա դասարան/, Գ.Սարգսյանին/IXբ դասարան/ միջոցառումը  բարձր  մակարդակով  կազմակերպելու համար:


Արիության դաս

Սեպտեմբերի  27-ին Ագարակի  միջնակարգ  դպրոցի  XI դասարանում  տեղի  ունեցավ  հանդիպում  Մեղրի համայնքի  վետերանների  խորհրդի  նախագահ Վիգեն  Ներսիսյանի և  ոստիկանության  Մեղրիի  բաժնի  ԱԳԽ-ի  տեսուչ  ոստիկանության  լեյտենանտ  Անդրանիկ  Դադայանի  հետ:Հանդիպման  նպատակն  էր  նպաստել աշակերտների  շրջանում  բարձրացնել հայրենասիրական  դաստիարակության  դերն ու նշանակաությունը:

Խոսվեց  նաև  ապրիլյան  քառօրյա  պատերազմի  մասին:

Բարձունքը  մերն  է,

Տղերքը  չկան,

Տղերքն  ավելի

Բարձրում  մնացին…

 


Մեղրու թիվ 2 միջնակարգ դպրոցում անցկացվեց անկախության օրվան նվիրված շախմատի մրցաշար:Մրցաշարին մասնակցում էին 3 ական շախմատիստներ Մեղրու թիվ 1, Մեղրու թիվ 2 և Ագարակի միջնակարգ դպրոցի աշակերտները:Իրենց բոլոր 7 խաղերը  հաղթանակով ավարտեցին Ագարակի միջնակարգ  դպրոցի աշակերտներ Սլավիկ Սարգսյանը ու Արթուր Մանուկյանը:8-րդ տուրում նրանց միջև կայացած հանդիպումը անցավ անզիջում պայքարում և ավարտվեց ոչ քի:Հավաքելով 7.5 ական միավոր նրանք բավականին առաջ անցան մրցաշարի մասնակիցներից:Մրցաշարի հաղթող ճանաչվեց Արթուր Մանուկյանը:2-րդ տեղը գրավեց Սլավիկ Սարգսյանը ,իսկ 3-րդ տեղը՝Մեղրու թիվ 1 դպրոցի աշակերտ Մուրազ Սարգսյանը:

 


Հայաստանը  իմ  հայրենիքն  է

Սեպտեմբերի  21-ին  Ագարակի միջնակարգ  դպրոցի  հրապարակում  տեղի  ունեցավ  միջոցառում՝  նվիրված  Հայաստանի  անկախության  26-րդ  տարեդարձին:

Աշակերտները  իրենց  երգ  ու  պարով,ասմունքով  հիացրել  էին  բոլորին:Նրանց  ուրախ,  բարձր  տրամադրությունը  փոխանցվել  էր  հյուրերին:

Միջոցառման  ընթացքում  աշակերտները  երդվեցին՝  լինել   հայ  հողի  ու  ջրի  արժանի  զավակ, պահել  ու  պաշտպանել  իրենց  հասած  ժառանգությունը  և  պատվով  փոխանցել  գալիք  սերունդներին:

Միջոցառմանը  մասնակցում  էին   Vա /դասղեկ  Լ.Մկրտչյան/,VIա /դասղեկ Գ.Մկրտչյան/ ,VIբ /դասղեկ Ա.Հայրապետյան/  և VIIա /դասղեկ Ա.Հովհաննիսյան/ դասարանների  աշակերտները:

Դպրոցի  տնօրենությունը  շնորհակալություն  է  հայտնում   միջոցառման  կազմակերպիչներին՝  բարձր  մարկարդակով  կազմակերպելու  համար:

 


Վահանակի ձևավորում


 

Անկախություն-26

Մատաղ սերնդի դաստիարակությունը

համայնքի     ուշադրության  կենտրոնում  է

Սեպտեմբերի   20-ին  Ագարակի  միջնակարգ  դպրոցում  տեղի  ունեցավ  հանդիպում  Մեղրիի  համայնքապետարանի  աշխատակազմի  քարտուղար  Ա.Ավետիսյանի  և  կրթության  բաժնի  գլխավոր  մասնագետ  Ն.Համբարձումյանի  հետ:

Միջոցառումը  սկսվեց  Մեղրի համայնքի  ղեկավար  Մ.Զաքարյանի  ուղերձի  ընթերցմամբ:

Հանդիպման  նպատակն  էր  աշակերտներին  ներկայացնել  անկախության  սեղծման  պատմությունը՝ նշելով  նաև  ձեռքբերումները:

Անուն առ անուն  հիշատակվեցին  մեղրեցի  ազատամարտիկները:

Միջոցառման  ավարտին  բոլորին մաղթեցին    խաղաղություն ,  բարեկեցիկ  ու  հզոր  հայրենիք:

Չ՞է   որ  մատաղ  սերնդին  է  վստահված  անկախ  Հայաստանի  ապագան:

 


Սեպտեմբերի 18֊ին Ագարակի միջնակարգ դպրոցի մի խումբ աշակերտներ Աստղիկ Հայրապետյանի և Էլյա Ղուկասյանի ուղեկցությամբ այցելեցին ՀՀ կենտրոնական բանկի կողմից Կապան քաղաքում կազմակերպված 《Հայաստանի դրամաշրջանառության պատմությունը. ֆինանսներ բոլորի համար》ցուցահանդեսը։
Տունդարձին այցելեցին Վահանավանք։


Սեպտեմբերի  7-ին Ագարակի  միջնակարգ  դպրոցում  <<Փրկարարների օրվան >> նվիրված  անցկացվեց  հանդիպում  Մեղրիի ՀՓՋ –ի փրկարար  ծառայողներ  ենթասպաներ  Գ.Համբարձումյանի,Ս.Հայրապետյանի, ավագ Ս.Բրեյանի  հետ:Հանդիպման  ընթացում  աշակերտներին  ներկայացվեց  փրկարար ծառայության  կազմավորումից  մինչև  օրս անցած  ճանապարհը :Խոսվեց  բնածին  և  տեխնածին  աղետների ,փրկարար  ծառայողների  պարտականությունների  մասին՝  նշելով  նաև  առաջին  բուժօգնության  կարևորությունը:

 


Զգուշացեք  երեխաներ

Սեպտեմբերի  6-ին  ոստիկանության Մեղրիի բաժնի անչափահասների գործերով խմբի ավագ  տեսուչ ոստիկանության  մայոր  Աննա Մկրտչյանը հանդիպում  ունեցավ  Ագարակի  միջնակարգ  դպրոցի  առաջին  դասարանցիների  հետ:Հանդիպման  նպատակը  աշակերտներին երթևեկության  կանոններին  ծանոթացնելն  էր:


 Համապետական շաբաթօրյակին միացավ նաև Ագարակի միջնակարգ դպրոցը։ Հարկ է նշել, որ 9֊րդ դասարանի աշակերտները, որպես քննական դասարան ազատված լինելով շաբաթօրյակից, կամավոր մասնակցեցին շաբաթօրյակին և տեղափոխեցին արձանի հարակից տարածքի անորակ հողը։

Спасибо тебе букварь
Բաց դաս IIա դասարանում/ուսուցիչ՝ Ն.Խաչատրյան/:Դասին կիրառվեց մի շարք նորարար մեթոդներ:
II դասարանի աշակերտները ամփոփեցին և գեղեցիկ ներկայացրեցին տարվա ընթացքում յուրացրած իրենց գիտելիքները ռուսաց լեզու առարկայից:

Ռուս բանաստեղծ, մանկագիր, թատերագիր, թարգմանիչ Ս.Մարշակի ծննդյան 130-ամյակի առթիվ կազմակերպվեց գրական ցերեկույթ IIբ, IVբ դասարանի աշակերտների և ռուսաց լեզվի ուսուցչուհի Ա.Մկրտչյանի կողմից:
Աշակերտները արտասանեցին, ներկայացրեցին գրողի կյանքը և գեղեցիկ բեմադրեցին <<Ուղեբեռը>>, <<Հիմար մկնիկը>>,<<Ուգոմոնը>> և <<Կետադրական նշաններ>> աշխատանքները:
Միջոցառման նպատակն էր ներկայացնել Ս.Մարշակի ստեղծագործությունները և սերմանել սեր ու հետաքրքրություն նրանց նկատմամբ:

Ես  եմ  հիմա  մի  պոետ,

Եվ  իմ անունը՝  Չարենց…

 

Հայ  մեծանուն  բանաստեղծ  Ե.Չարենցի  120-ամյակի  առթիվ  գրական-երաժշտական  միջոցառում  էր  կազմակերպվել  Ագարակի  միջնակարգ  դպրոցում(նախաձեռնող՝ հայոց լեզվի  և  գրականության  մասնախմբի  նախագահ  Ս.Ասատրյան, IXա  դասարան): Միջոցառումը նպատակ  ուներ  աշակերտներին  ծանոթացնելու  գրական  արժեքներին, զարգացնելու  նրանց  արժեհամակարգը, արժևորելու  Չարենցի  գործունեությունը:

Շնորհալի  աշակերտները  ներկայացրին  մեծ  պոետի  կյանքը, գործունեությունը, բանաստեղծական  անցած  ուղին:Այնքա՜ն  նվիրում  կար  աշակերտների  ասմունքի մեջ, այնքա՜ն  կյանք՝ նրանց  աչքերում  <<Տաղարան>>  շարքից  բանաստեղծություններ  արտասանելիս:

Միջոցառումն  առավել տպավորիչ  ու  հուզական   դարձրին  երգերն  ու  բեմադրությունները: Չարենցի  կնոջ՝  Իզաբելայի  հուշերը՝ ֆիլմի  ցուցադրումով:

Միջոցառման  ավարտին  դպրոցի  տնօրեն  Է.Բարխուդարյանը  շնորհավորեց  աշակերտներին:Իրենց  իմաստուն  պատգամն  ու  խորհուրդը  հղեցին  վաստակաշատ  ուսուցչուհիներ  Զ.Գրիգորյանը  և  Ա.Մկրտչյանը:Մասնակիցները  տպավորված  էին:


                                                                 <<Նավի ճամփորդությունը>>
Մայիսի 24-ին դպրոցի դահլիճում տեղի ունեցավ Iբ դասարանի միջոցառումը՝ նվիրված <<Այբբենարանի>> հանդեսին:Աշակերտները հանդես եկան երգով, պարով, ասմունքով:Միջոցառման մասնակիցներն էին Նավապետը, Նավաստին, Ծովաստղը, Ջրահարսը, Ուստիանը, Քաջ Նազարը, Կարմիր գլխարկը…
Միջոցառման հերոս Նավապետը իր շուրջը հավաքեց բոլոր մասնակիցներին և սկսվեց գիտելիքների ստուգում:Հարցերն առաջադրում էր Գիտունիկը, և բոլոր հարցերը վերաբերում էին ոսկետառ այբբուբենին:
Ամենախելացին, ով բոլոր հարցերին ճիշտ պատասխանեց, Նավապետն էր, և նա էլ ստացավ միջոցառման գանձը՝<<Այբբենարանը>>:
Միջոցառման ավարտին աշակերտներին շնորհավորեցին տնօրեն՝ Է.Բարխուդարյանը, փոխտնօրեն՝ Ա.Ավետիսյանը և ծնողներ:

Մեր  հիմքն  ամուր  է

Յուրաքանչյուր  կառույց, գործ, անգամ  մտահղացում  իր  հիմքն  ունի  և  այն  պետք  է  ամուր  լինի:

Մայիսի  20-ին  դպրոցի  դահլիճում  տեղի  ունեցավ  Iա  դասարանի  միջոցառումը՝  նվիրված  <<Այբբենարանի>>  ավարտին:Աշակերտները  հանդես  եկան  երգով, պարով, ասմունքով:Միջոցառման  հերոս  պապիկը  իր  թոռներին  խորհուրդ  տվեց  լավ  սովորել, հիմնավոր  գիտելիքներ  ստանալ, որ  չշեղվեն  շիտակ  ճամփից:

Միջոցառման  ավարտին  աշակերտներին  շնորհավորեցին  տնօրեն  Է.Բարխուդարյանը, փոխտնօրեն  Ա.Ավետիսյանը և ծնողները:Դ ասվար  Շ.Ավետիսյանը  սաներին  նվիրեց  խորհրդանշական  գրքեր :


Մրցույթ-վիկտորինա IVա և IVբ դասարանների միջև:


Կենսաբանության ուսուցչուհի Ծ.Հովհաննիսյանի կողմից կազմակերպված մրցույթ-հանդեսը , որին մասնակցում էին դպրոցի VIIա և VIIբ դասարանի աշակերտները, նպատակ ուներ աշակերտների մեջ ձևավորել բնապահպանական կրթությանը ուղղված հմտություններ:Աշակերտները ոչ միայն տեղեկացան շրջակա միջավայրի խնդիրների մասին, այլև նրանց մեջ ձևավորվեց միջավայրի խնդիրների ճանաչման և ուսումնասիրման համար անհրաժեշտ հմտություններ:


2017թ. ապրիլի 26-ին և 28-ին Ագարակի միջնակարգ դպրոցում IVա և IVբ դասարաններում անցկացվեցին առարկայական օլիմպիադաներ մայրենի և մաթեմատիկա առարկաներից:Լավագույն արդյունքներ ցուցաբերած աշակերտները պարգևատրվեցին պատվոգրերով:

 


Վերջին  միջդասարանական միջոցառում <<Տեխնոլոգիա>> առարկայից

Մրցույթ-վիկտորինային  մասնակցում  էին  VIIա,բ  դասարանների  ամենաշնորհալի  աշակերտները:Աշակերտները  կարողացան  ճիշտ  և  արագ  ներկայացնեն  իրենց  ձեռք  բերած  գիտելիքները  <<Տեխնոլոգիա>> առարկայից:Խաղ-մրցույթը հագեցած  էր  մի  շարք հարցերով, որոնք  ուսուցողական  բնույթ  էին  կրում:Հարցերը  բազմատեսակ  էին, բովանդակալից, կար  միջառարկայական  կապ <<Կերպարվեստ>>    առարկայի  հետ:

Խաղ-մրցույթի  ընթացքում  մեծ  էր  աշակերտների  ստեղծագործաբար  աշխատելու  հնարավորությունները, յուրաքանչյուր  թիմ  կարողացավ  ներկայանալ  իր  ողջ  տաղանդով  ու  օժտվածությամբ:


Հեքիաթը աշակերտների մեջ դաստիարակում է աշխատասիրություն, ընկերասիրություն և բարություն:

IIIբ /ռուսաց լեզվի ուսուցչուհի Լ.Մկրտչյան/ դասարանի աշակերտների կողմից բեմադրվեց <<Теремок>> հեքիաթը: Այն արժևորում էր դրանց նշանակությունը և ռուսաց լեզվի գիտելիքների ուսումնասիրումը  դպրոցում:


Եվ  կամուրջ  չհանդուրժող  Արաքս…

Վիրգիլիոս

 

Ագարակի  միջնակարգ  դպրոցում  մեծ  ուշադրություն  են  դարձնում  մատաղ  սերնդի  հայեցի  դաստիարակությանը:Լինել  ավելի  մոտ  բնությանն ու  գեղեցիկին:Ճանաչել  իսկականը  և  գնահատել  այն:

Գրականության  դաս  է  բաց  երկնքի  տակ՝ Արաքսի ափին/հայոց  լեզվի  և  գրականության  ուսուցչուհի  Ս.Ասատրյան,IXա դասարան,դասղեկ ՝Բ.Մանուկյան/:Թեման  Ռ.Պատկանյանի  <<Արաքսի  արտասուքը>>-ն  է:

Հնարավորինս  մոտ  լինել  մեր  սրբազան  գետին, զգալ  նրա  շառաչը,  ալիքների  խայտանքն    ու  հորձանքը:

<<Հայ  պոեզիայի  թագուհի>>,-  ահա  այսպես  է  կոչել  մեծ  պատմավիպասան  Րաֆֆին  Ռ.Պատկանյանի  <<Արաքսի  արտասուքը>>  բանաստեղծությունը:Արաքսը  հայերի  համար  նույն  է, ինչ  Գանգեսը՝ հնդիկների, Նեղոսը՝ եգիպտացիների, Հռենոսը՝ գերմանացիների  համար: Այն բովանդակում  է  իր  մեջ  մայրական  սկզբունքի  խորհրդանիշը:

Քանի  որ  իմ  զավանկունք

Այսպես  կու  մընան պանդուխտ,-

Ինձ  միշտ  սըգվոր  կըտեսնեք,

Այս   է  անխաբ  իմ սուրբ  ուխտ:

Գետք սուրբ  ուխտը  հայկական  ոգու  տոկունության  խորհրդանիշն  է:

Հիշողություն, տխրություն, մոռացում, խորհուրդ, խրատ, խռովք, համակերպվածություն, անցյալի  քաղցր  հուշեր, ցավ , ափսոսանք, օտարություն, նվիրվածություն, վիշտ, կորուստ, հայրենի  բնության  պարգև, ուխտ. ահա ինչ  զգացին  աշակերտները՝արտասանելով  բանաստեղծությունը:

 

   


Դաս — միջոցառում 6բ դասարանում ՀԵՊ առարկայից` նվիրված Սբ. Զատիկին, /ուսուցչուհի Գ. Սարգսյան/
Դաս — միջոցառումը անց է կացվել դպրոցի գրադարանում, որը նախօրոք զարդարված էր տոնին համապատասխան` երեխաների ձեռքերով պատրասված խորհրդանիշներով: Ուսուցչուհին և երեխաները ներկայացրին Զատկի տոնի, նրան նախորդող  <<Ծաղկազարդի>> և  Պահքի խորհուրդները: Այնուհետև հանգամանորեն բացատրեցին Զատկի տոնի հետ կապված ժողովրդական ընկալումները /աճեցրած ածիկ, ձվի ներկում, գինի, համայնական մատաղ, զատկական խաղեր/: Լսեցին Ռ. Հախվերդյանի <<Զատիկ>> երգը, ներկայացրին ասույթներ, քրիստոնյա մյուս երկրներում Զատկի տոնի հետ կապված սովորույթները /Ֆրանսիա, Գերմանիա, Անգլիա, ԱՄՆ և այլն/:
Վերջում երեխաները երգեցին <<Շնորհավոր Սբ. Զատիկ>> երգը, արտասանեցին բանաստեղծություններ:
Գ. Սարգսյանի ճիշտ ուղղորդմամբ դաս-միջոցառումը ստացավ ուսանելի ու դաստիարակչական ուղղություն, այն հայեցի դաստիարակության վառ օրինակ է:

 


<<Մամփրեն  արքա է ,  իսկ  սուրբ Մաշտոցի  գրերը  զինվորներ  են>>

Ահա  այս  կարգախոսն  էր  իշխողը  VIIա  դասարանում/ուսուցիչ՝  Ա.Հովհաննիսյան/:Բաց  դասի  թեման Մուշեղ  Գալշոյանի  <<Մամփրե  արքան>> պատմվածքն  էր:

Աշակերտները  մեծ  խանդավառությամբ  ներկայացրին  գրողի  կյանքն  ու  ստեղծագործական  ուղին:Հնչեցին  ասույթներ   նրա   մասին,ինչպես  նաև  նրա մտքերից:Բեմադրվեց  մի հատված պատմվածքից/պապիկի  նամակը  թոռնուհուն/:

Իմաստի  ընկալման  փուլում  հանձնարարվեց  խմբային  աշխատանք:Վերջում  պատմվածքի  ոգին  ու  տրամադրությունը  վերարտադրվեց  պաստառներով՝ պատկերների,գծագրերի  միջոցով:Դասն  ավարտվեց  այբուբենի  խմբակային  արտասանությամբ՝այբ, բեն, գիմ…


Տրվեց   միջդասարանական առարկայական մրցույթի  մեկնարկը

 

Միմյանց  հետ  մաթեմատիկա  և  բնագիտություն առարկաներից մրցում  էին  Vա և  Vբ  դասարանի  աշակերտները:

Երկու  առարկաների  դեպքում  էլ  առկա  էին  ինչպես  տեսական հարցեր, այնպես  էլ  գործնական  աշխատանքներ:

Մրցույթը  անցավ  բավականին  հետաքրքիր  և  ջերմ  մթնոլորտում :

Մաթեմատիկայից  երկու  դասարաններն  էլ  ունեցան  հավասար  միավորներ , իսկ  բնագիտությունից Vբ  դասարանը /35 միավոր/  երկու  միավորով  գերազանցեց  Vա դասարանին/33 միավոր/:


Բաց  դաս  VIIIա  դասարանում  ֆիզիկա  առարկայից/ուսուցչուհի  Ա.Աղայան/

Սովորական  դասը  բոլորովին  այլ  ընթացք  ստացավ:Ավանդական մեթոդներին զուգահեռ ուսուցչուհին  կիրառեց ժամանակակից մեթոդներ՝փորձի միջոցով նոր նյութը առավել հասանելի դարձնելով: Յուրաքանչյուր  խմբից  մեկ  աշակերտ  մեկնաբանում  էր  փորձի  ընթացքը: Աշակերտների  պատասխանները  հստակ  էին:Առկա  էր  միջառարկայական  կապ,խնդրահարույց իրավիճակներ,համապատասխան տեսանյութ,խնդիրները  արագ  և  ճիշտ  լուծելու կարողություն:Ուսուցման  ընթացքում  ուսուցչուհին  կարևորեց  արժեքային  համակարգի ձևավորումը  և  շերտավորված  աշխատանքը: Աշակերտների  գնահատումը  իրականացվեց  ինքնագնահատմամբ:


Եկեղեցու մեղմ  զանգերի  ներքո Vա դասարանի  գերմաներենի    ուսուցչուհի  Աստղիկ  Հայրապետյանը   աշակերտների  հետ  գերմանական  աղոթքով  սկսեցին  դաս-միջոցառումը  նվիրված  Սուրբ Զատիկին:

Տոնին  համապատասխան  բարձր  մակարդակով  ձևավորված  դասասենյակում,որի  ամեն  անկյունը  խորհրդանշում  էր  տոնի  մի  մասնիկը, աշակերտները  ներկայացրին  Գերմանիայում  Սուրբ  Զատիկի  նախապատրաստական    աշխատանքները:

Աշակերտները  արտասանեցին,երգեցին և պարեցին,խոսեցին Գերմանիայում<<զատիկի ձուն>> բերող նապաստակի  մասին,որը  համարվում  է  խորհրդանիշ:

 


<<Հացը  սուրբ է>> ,<<Հացը  կյանք  է>>…

Դաս-միջոցառման  սկզբից  մինչև  վերջ  այդ  իմաստուն  միտքն  էր  տարբեր  ձևերով  և  հանգամանքներում  հնչում  Vբ  դասարանցիների  շուրթերից:Սկսնակ  ուսուցչուհի  Տ.Մելքոնյանը  դասը  վերածեց   մի  ուսանելի  և  դաստիարակչական  միջոցառման:Դասի  ընթացքում  աշակերտներն  իրենց  ակտիվ  մասնակցությամբ  ներկայացրին  հացի  ստեղծման  ընթացքը,դերն  ու  կարևորությունը  մեր  կյանքում:

Բեմադրեցին  հաց  թխելու  արարողությունը:Մեջբերեցին  թևավոր  խոսքեր  և  ասույթներ  հացի  մասին:

Իսկ վերջում  բացատրեցին  աղ  ու  հացի խորհուրդը:


Մաթեմատիկան  ՏՀՏ-ում

Հետաքրքիր  և  ուսանելի  էր  VIIIբ  դասարանում  ուսուցչուհի  ընկ.Մկրտչյանի  կազմակերպած  դասը՝  նոր  տեխնոլոգիաների  կիրառմամբ  երկրաչափություն  առարկայից:

Դասի  բոլոր  փուլերը  կազմակերպվել  էր  համակարգչով:Խթանման  փուլում  հնչող  հարցերը  աշակերտները  ընթերցում  էին  և  անմիջապես  պատասխանում:Բավականին  ռացիոնալ  էր  հինգ  խմբերին բաժանված  խնդիրների  լուծմանը  տրամադրված  ժամանակը  և  ստուգման  եղանակը:Հինգերորդ  խնդիրը  ստեղծեց  խնդրահարույց  իրավիճակ, որը  լծակ  հանդիսացավ  նոր  նյութի՝ Պյութագորասի  թեորեմի  բացատրմանը:

Ներկայացվեց  թեորեմի  ապացուցման  եղանակ,  որը  առավել  տեսանելի  էր  համակարգչային  ցուցադրումով: Հաղորդվեց  լրացուցիչ  տեղեկություններ  մեծ  մաթեմատիկոսի  մասին ,որին անմասն  չմնացին  նաև  աշակերտները:

 


Ինչ  են  խոսում  մետաղները

Հերթական  ինտեգրված  դասը  IXբ  դասարանում  քիմիա առարկայից  էր/ուսուցչուհի Լ.Հովակիմյան/:Աշակերտները  կատարել  էին  ինքնուրույն հետազոտական  աշխատանք,ներկայացրին  ազնիվ  մետաղների  մասին  պատմական  ակնարկ,խոսեցին  քիմիական հատկությունների  մասին՝ գիտելիքները  ամրապնդելով  փորձարարական  խնդիրների  միջոցով:

Նոր  նյութը  ուսուցչուհու  կողմից  մատուցվեց  փորձ-դիտարկում-վերլուծության  սկզբունքի  հիման  վրա:

Հետաքրքիր  և  բովանդակալից  էր  քիմիայի  դասը  փորձերի  զարմանահրաշ  աշխարհում:


Ճանաչե’ք,սիրե’նք  պահպանենք  թռչուններին

 

Դու  կապուտակ  ծովով  արի,

Թեթև, թեթև  թևով  արի,

Ծովի  փրփուր  լանջով  արի,

Գարնան  երգով, կանչով արի:

Արի’,արի’  սիրուն  ծիծեռ,

Արի’, արի’,  գարուն  դու  բեր…

 

Ապրիլի  6-ին  Ագարակի  միջնակարգ  դպրոցի  IIIբ/դասվար Ա.Գրիգորյան/  և  VIա/դասղեկ Լ.Մկրտչյան/  դասարաններում  անցկացվեց   միջոցառում    նվիրված  <<Թռչունների պաշտպանության  միջազգային օրվան>> :

Միջոցառման  ընթացքում  աշակերտները  ներկայացրին  օրվա  խորհուրդը  , խոսեցին  բնության   մեջ՝ թռչունների  դերի  մասին, արտասանեցին բանաստեղծություններ, պատասխանեցին  հանելուկներին,երգեցին  երգեր:

Ծնողների  օգնությամբ  պատրաստել  էին  թռչնաբներ,որոնք  աշակերտական  խորհրդի  անդամների  աջակցությամբ  տեղադրվեցին  քաղաքի  զբոսայգում:


Կյանքի հիմքը  ջուրն  է

Ջրի  համաշխարհային  օրվան  նվիրված  դաս-միջոցառումը  VIIIա  դասարանում (ուսուցչուհի  Լ.Հովակիմյան)  իր  կառուցվածքով  և  բնույթով  հետաքրքիր  և  ուսանելի  էր:

Դասի  սկզբում  դպրոցի  աշակերտական խորհրդի  նախագահ  (XII  դասարանի  աշակերտուհի) Ստելա Եգորյանը և առողջապահական  հանձնախմբի  նախագահ (XIա  դասարանի  աշակերտուհի)  Արփի  Պողոսյանը (ապագա  բժիշկներ)  ներկայացրին  <<Ջուրը>>  իր  ամենատարբեր   հատկություններով:Խոսեցին  ջրի  բաղադրության,վիճակների ,բուսական  և  կենդանական  աշխարհում  ունեցած  օգտակար  հատկությունների  մասին:

Դաս-միջոցման  երկրորդ  մասում աշակերտները  դիտեցին  ջրին  նվիրված  ֆիլմ ,որում աշխարհի  գիտնականները  մանրամասն  տեղեկություններ  էին  տալիս  ջրի մասին:Հատկապես  աշակերտներին  հետաքրքրեց  ամերիկացի  գիտնական  Մարտին  Շապլինի  կողմից  ջրի  հիշողության  մասին  ներկայացված  տեղեկությունը:


Արևը  վրձնի վրա

<<Կանգնեցե~ք>>,-գոչեց  վրձինը  ձեռքին

Կախարդ ծերունին  հուզված  տարերքին.

Ու լուռ,հնազանդ  հանճարի  ձայնին՝

Գոռ  ալիքները  փոթորկի  համին,

Կտավի  վրա

Կանգնած  են  ահա:

2017թ մարտի 17-ին  Ագարակի  միջնակարգ  դպրոցում  տեղի  ունեցավ միջոցառում ՝ նվիրված  ծովանկարիչ Հովհաննես Այվազովսկու-200 ամյակին:Միջոցառումը  սկսվեց  ծովանկարչի  կտավների  ցուցադրմամբ:Այնուհետև  աշակերտները  ներկայացրին նրա  կյանքն ու  գործունեությունը,տոհմի  ծագումը,սիրո պատմությունը,խոսվեց  նաև   Բեռլինի ցուցահանդեսում  ներկայացված  նկարների  մասին:

Ըստ  մասնագետների Այվազովսկու գեղանկարչության  ազդեցության ուժը  բացատրվում է  գույնի  զարմանալի զգացողությամբ, որը  սովորական մարդկանց համար անհասկանալի է…

VIIա  դասարանի  աշակերտ  Լյովա  Մինասյանը  միջոցառման  ընթացքում  նկարեց  Այվազովսկու  <<9-րդ  ալիք>> կտավը՝ խոստովանելով, որ  երազում  է  նմանվել  ծովանկարչին:

Միջոցառումը  նպաստեց  աշակերտների  գեղագիտական   դաստիարակության  և  ճանաչողական  գիտելիքների  զարգացմանը:

Այն  կազմակերպել  էր    կերպարվեստի  և  տեխնոլոգիայի   ուսուցչուհի  Ն.Գասպարյանը:


Ագարակի  միջնակարգ  դպրոցում  իր  հերթական  պրակտիկան  է  անցկացնում  դպրոցի  նախկին  շրջանավարտ  Վ.Բրյուսովի  անվան  լեզվաբանական  համալսարանի  անգլերեն  լեզվի  բաժնի  ուսանողուհի  Ռիմա  Սարգսյանը:Սահմանափակ  էր  ժամանակահատվածը:Ապագա  ուսուցչուհին  սիրով  վարում  էր  դասեր,որտեղ  կիրառում  էր  ուսուցման  նոր  մեթոդներ  և  ՏՀՏ-ներ:Նրան  օգնում  և  առաջավորում  էր   դպրոցի  անգլերեն  լեզվի  հմուտ  ուսուցչուհի  Գ.Սարգսյանը:

Ապագա  ուսուցչուհին   իր  աշխատանքները  եզրափակեց՝VIIIբ  դասարանում  կազմակերպելով  մի  շարք  հետաքրքիր  դաս՝նվիրված  Լոնդոնին:Աշակերտները  պատրաստ  էին  և  սահուն  անգլերենով  տալիս  էին  հստակ  և  գեղեցիկ  պատասխաններ:

 


VIIբ  դասարանի  <<Հանրահաշիվ>> առարկայի  հերթական դասը  գծային  հավասարումների  օգնությամբ  խնդիրների   լուծման  վերաբերյալ  էր:Կարևորելով  միջառարկայական կապը՝ ընկ.Զաքարյանը  նախատեսած  բոլոր  խնդիրների  հիմքում դրել էր Հ.Թումանյանի  հեքիաթների  հերոսների  գործողությունները: Մաթեմատիկական  շունչ  տրվեցին  և  գծային հավասարումներով լուծվեցին  հետևյալ  հեքիաթները <<Խոսող  ձուկը>>,<<Կացին  ախպերը>>,<<Սուտլիկ  Ոսկանը>>:

Առավել  հետաքրքիր  և  նպատակային էին  աշակերտների  կողմից  պատրաստած  վարժություններն  ու  խնդիրները, որոնք  նպաստեցին  աշակերտների  ունակությունների  և  հմտությունների  ամրապնդմանը  տվյալ  թեմայի  շրջանակում:

Դասի  ընթացքում  կիրառվեցին  նոր  մեթոդներ, որոնք  հերթական  անգամ  զարգացրեցին  աշակերտների  տրամաբանական  մտածողությունը:


Վահան Թեքեյան-139

…Մրգաստանի մը նման կը սիրեմ քեզ, Հայ լեզո’ւ…

Մեր  հայրենի  պալատեն, պարտեզներեն մնացորդ՝

Դալարագեղ դուն պուրակ,որ դիմացար դարերու

Եվ կը մնաս միշտ առույգ,հին ավիշովդ կենսահորդ…

Վ.Թեքեյանը  քնարերգու բանաստեղծ է:Նրա բանաստեղծությունը  մեղմ,հանդարտ զրույց է իր սրտի, իր Աստծո, իր սերերի ու երազների հետ, որ իր Հայրենիքն է ՝Հայն ու Հայաստանը,իր սրտում հոգին է, իր երազի էակը, կյանքն է ՝ իր գեղեցկությամբ և մահը՝իր անըմբռնելի  խորհուրդով:

Xբ  դասարանի  աշակերտները /դասղեկ՝ Ս.Ասատրյան/ ներկայացրին մեծ հայի կյանքը, ստեղծագործությունները:Դաս-միջոցառումն ավարտվեց   Վ.Թեքեյանի   գործունեությանը   նվիրված  ֆիլմի  ցուցադրմամբ:


Մայրս հուրն է հավերժության

 2017թ մարտի 7-ին Ագարակի միջնակարգ դպրոցի Vբ դասարանի աշակերտները դասղեկ Տ.Մելքոնյանի գլխավորությամբ կազմակերպել էին Կանանց միջազգային օրվան նվիրված միջոցառում :Միջոցառման ընթացքում աշակերտներն իրենց երգ ու պարով, ջերմ բարեմաղթանքներով շնորհավորեցին ուսուցիչներին և մայրիկներին, մաղթելով անսահման ներողամտություն, կանացի երջանկություն և ամուր առողջություն:

Թող Ձեր կյանքում հավերժ գարուն լինի…


Քո  տոնն է  այսօր, մայր իմ  թանկագին

Գալիս   եմ  գիրկդ կարոտով անգին

Որ նվիրեմ քեզ սերն իմ անարատ…

Խստաշունչ  ձմռան  դպրոցական  միանման առօրյային  փոխարինեցին  գարնանային շունչն  ու  աշխուժությունը:

Հատկապես   ուրախ  էին  դպրոցի  Vա  դասարանի  աշակերտները, քանի  որ  քիչ  հետո  պետք  է  սկսվեր  մյուս  աշխատանքներից խիստ  տարբերվող, իր  բովանդակությամբ  և  նպատակով յուրահատուկ  դասղեկի  ժամը:

<<Ոչ  միայն  մեծարել  մայրիկներին  և  խոնարհվել  նրանց  առջև,  այլ  նաև  գեղեցիկ  և  ճիշտ  հայերենով  կարողանալ  շնորհավորել  նրանց>>- նշում  է  ընկ.Մկրտչյանը:Առկա  էին  ձեռքի  գեղեցիկ  աշխատանքներ՝բացիկների  տեսքով:Անսահման  էին  բարի  մաղթանքների  ջերմ  խոսքերը, գեղեցիկ  ցանկությունները:Յուրաքանչյուր  աշակերտ  կարողացավ  յուրովի    գրել  շնորհավորանքի    տողեր՝ ուղղված  մայրիկներին,ուսուցիչներին, տատիկներին,քույրիկներին:

Սիրելի′ մայրիկներ,շնորհավորում  ենք Ձեզ Կանանց միջազգային  օրվա  Մարտի 8-ի առթիվ՝մաղթելով  առողջություն,երջանկություն և բարձր տրամադրություն:Ցանկանում  ենք  գարնան բուրավետ  ծաղիկների  պես  լինեք  քնքուշ, գեղեցիկ,հմայիչ:

Թող,որ Ձեր  կյանքում այս  գեղեցիկ տոնը  հարատևի…

 


ԱԼԵՔՍԱՆԴՐ ՄԱՆԹԱՇՅԱՆՑ 175-ԱՄՅԱԿ

<<Թող ամեն մարդ իր ժողովրդի համար անի այն, ինչ արել եմ ես…>>

Մարտի 3-ին Ագարակի միջնակարգ դպրոցում անցկացվեց միջոցառում՝ նվիրված նշանավոր գործարար ու բարեգործ, <<նավթային արքա>> Ալեքսանդր Մանթաշյանցի 175-ամյակին:Միջոցառման ընթացքում աշակերտները /VIIIբ դասարան, դասղեկ՝ Գ.Սարգսյան/ ներկայացրին նրա կյանքն ու գործունեությունը,կատարած բարեգործական աշխատանքները:Ցուցադրվեց <<Թիֆլիսի մեծ հայը >> տեսաֆիլմը:Միջոցառման նպատակը աշակերտների մեջ հայրենասիրություն սերմանելն էր:
ՄԿԱ փոխտնօրեն Ն.Սարգսյանը միջոցառման ավարտին աշակերտներին հորդորեց առաջնորդվել Բենիկ Վարդապետ Տեր-Դանիելյանի կարգախոսով.<<Մտե’ք Ալեքսանդր Մանթաշյանցի բռնած ճանապարհը,այդ և ձե’ր փառքի ճանապարհն է և եթե հարգել եք ուզում նրան, մի’ թողեք որ նրա ոսկեղեն երազները մեռնի>>:

 


Շնորհավոր  տոնդ, անկախ Հայաստանի հայ զինվոր

 Շնորհավոր տոնդ, էպոս ու հերոս ծնած իմ հայ ժողովուրդ:

Խոնարհվում եմ նրանց առաջ, որ պատերազմ գնացին:
Խոնարհվում եմ նրանց առաջ, որ փառավո՜ր հաղթեցին:
Խոնարհվում են նրանց առաջ, որ վիրավոր ետ դարձան:
Խոնարհվում եմ նրանց առաջ, որ այլևս չդարձան:
Խոնարհվում եմ նրանց առաջ, որ զավակներ կորցրին:
Խոնարհվում եմ նրանց առաջ, որ ծնողներ կորցրին:
Խոնարհվում եմ նրանց առաջ, որ չունեցան ամուսին:
Խոնարհվում եմ նրանց առաջ, որ ունեցան — կորցրին:
Խոնարհվում եմ նրանց առաջ, որ կորցրին եղբայրներ:
Խոնարհվում եմ նրանց առաջ, որ կորցրին ընկերներ:
Խոնարհվում եմ նրանց առաջ, որ կորցրին մանկություն:
Խոնարհվում եմ նրանց առաջ, որ փրկեցին մանկություն:
Խոնարհվում եմ նրանց առաջ, որ ճակատում եղան քաջ:
Խոնարհվում եմ նրանց առաջ, որ թիկունքում եղան քաջ:
Խոնարհվում եմ ես վերջապես՝ նրա՛նց առաջ աշխարհում,
Որ փրկեցին մեր անունը, բայց մնացին անանուն…

    


<<Սիրիր բնությունը>>

<<Էկո լաբ >> հասարակական կազմակերպության անդամներ Դիաննա Դանիելյանը և Շուշան Մարգարյանը հունվարի 19-ին Ագարակի միջնակարգ դպրոցի IXա դասարանում անցկացրեցին <<Սիրիր բնությունը>> խորագրով դասընթաց:

Դասընթացի ընթացքում խոսվեց շրջակա միջավայրի մարդահարույց և բնածին աղտոտման, մթնոլորտի աղտոտման հիմնական աղբյուրների ,ինչպես նաև անտառների միջավայրաստեղծ նշանակության մասին:Դասընթացի ընթացքում աշակերտները տնկեցին սենյակային բույսեր, ձևավորելով ծաղկասերների խմբեր:

Միջոցառումը ամփոփվեց <<էկոլոգիական խնդիրներ>> խաղի միջոցով:

Աշակերտները շնորհակալություն հայտնեցին դասընթացի կազմակերպիչներին և ցանկություն հայտնեցին շարունակել համագործակցությունը:


   Ծնողների  ամանորյա  անակնկալը Ագարակի միջնակարգ  դպրոցի  աշակերտներին

    Ագարակի  միջնակարգ  դպրոցի  ծնողներն  Ամանորին  ընդառաջ  գեղեցիկ  անակնկալ  էին  պատրաստել  աշակերտների  համար՝ նվիրելով  նրանց  նոր  տոնածառ՝ գունեղ  խաղալիքներով:Ամանորը  խորհրդանշող  տոնածառն  իր  շուրջն  էր  հավաքել  ծնողներին, աշակերտներին, նույնիսկ  ուսուցիչներին՝  տոնական  տրամադրություն,վառ  տպավորություններ  պարգևելով  բոլորին:

Ծնողները  ցանկություն  հայտնեցին `  մասնակցելու  դպրոցում   կազմակերպվող    ամանորյա  միջոցառումներին, ինչպես  նաև  դպրոցի  արտաքին  և  ներքին  ձևավորման   աշխատանքներին:

Դպրոցի   տնօրենությունը  շնորհակալություն  է  հայտնում  ծնողներին  ակտիվ  համագործակցության  համար:


Ինչպես  դիմակայել  երկրաշարժերին

Դեկտեմբերի  7-ին  Ագարակի  միջնակարգ  դպրոցում  կազմակերպվեց  հանդիպում  Մեղրու  ՀՓՋ-ի  հրշեջ  փրկարարների  հետ:     Հանդիպման  նպատակն  էր  բարձրացնել  աշակերտների  պատրաստվածությունը,իրազեկել  երկրաշարժից պաշտպանվելու   կանոնները: Ագարակի  միջնակարգ  դպրոցի տնօրենությունը  շնորհակալություն է հայտնում  Մեղրու ՀՓՋ-ի  հրամանատար՝ Վահե  Հովհաննիսյանին, ենթասպա՝Սաթենիկ Հայրապետյանին, ավագ սերժանտ՝ Արուս Հարությունյանին,ավագ սերժանտ՝ Օնիկ Օհանյանին և  սերժանտ՝ Ռաֆայել Հովհաննիսյանին  միջոցառումը  պատշաճ մակարդակով կազմակերպելու  համար:


Դերենիկ Դեմիրճյան- 140

     Դ.Դեմիրճյանը  խոստովանում  է . <<Թեև Հովհաննես Թումանյանին  չկարողացա գերազանցել,մտածում էի կգերազանցեմ Ավետիք Իսահակյանին, բայց Ավետիքին  ժողովուրդը  անմիջապես սիրեց,ինձ մոռացավ:Ավելի  ոգևորված   ուզեցի  բանաստեղծություններ գրել՝ Վահան Տերյանը եկավ,ճանապարհս փակեց ,հետո էլ եկավ Չարենցը և սառը ջուր  լցրեց  իմ  բանաստեղծական ոգևորության  գլխին>>:                                                                                                                            VIIբ  դասարանում  դաս-միջոցառում էր՝ նվիրված  Դ.Դեմիրճյանի 140-ամյակին /հայոց  լ.  և  գրականության  ուսուցչուհի՝ Ս.Պողոսյան/:                                                                                                                                                                   Աշակերտները բեմադրեցին  <<Ավելորդը>> պատմվածքը՝ հետմահու  դատապարտելով  Հաճի  աղային:                                   Դաս –միջոցառումը   ավարտվեց  <<Հայը>>  ստեղծագործության   ցուցադրմամբ:

   image-0-02-05-f00b390659ae736eb380c03013dac97c803aaeaaa0a311934c1007eb3faa910a-v


Դեկտեմբերի 3-ին Ագարակի միջնակարգ դպրոցում տեղի ունեցավ Ռոբոտաշինության խմբակի անդրանիկ դասը / խմբակի ղեկավար՝ Ջուլիետա Դավթյան/: Մասնակիցների թիվը  47-ն է: Ձևավորվել է երեք խումբ(ըստ դասարանների), յուրաքանչյուր պարապմունք՝ 90րոպե տևողությամբ: Առաջին իսկ պարապմունքից զգացվեց երեխաների հետաքրքրվածությունը և ոգևորվածությունը նորագույն տեխնոլոգիաների հանդեպ:

 


 <<Մենք  սիրում  ենք  Ձեզ>>

   Ագարակի  միջնակարգ  դպրոցի  աշակերտական  խորհուրդը  կազմակերպել  էր  <<Հաշմանդամների  միջազգային  օրվան>>  նվիրված միջոցառում  :Միջոցառման  նպատակն  էր   աշակերտներին  ներկայացնել  հաշմանդամություն  ունեցող  մարդկանց  իրավունքները:    Ցուցադրվեց՝ <<Աչքերով  լսել  սովորեք>> տեսանյութը:

  img_20161202_124849 img_20161202_124916 img_20161202_125304


Բոլորս   ընդդեմ  << ՁԻԱՀ>>-ի

Երիտասարդ  սերնդին համապատասխան գիտելիքներով  զինելու,առողջ  ապրելակերպին միտված ճիշտ  դիրքորոշում  և  ապահով  վարքագիծ  ձևավորելու  նպատակով, դեկտեմբերի  1-ին  Ագարակի  միջնակարգ  դպրոցի  XI և XII  դասարանների աշակերտները  այցելեցին <<Մեղրու  տարածաշրջանային բժշկական  կենտրոն>>  ՓԲԸ:Հանդիպման  ընթացքում  բժիշկները  խոսեցին  <<ՄԻԱՎ/ՁԻԱՀ>>-ի դեմ  պայքարի  և  կանխարգելման  միջոցների  մասին:

Դպրոցի  տնօրենությունը    շնորհակալություն է  հայտնում  <<Մեղրու  տարածաշրջանային բժշկական  կենտրոն>>  ՓԲԸ-ի  բժիշկներ՝ Ս.Պողոսյանին, Ա.Օհանջանյանին և Մ.Աբրահամյանին:

   


       Նոյեմբերի 30-ին Ագարակի  միջնակարգ  դպրոցում  կազմակերպվեց  հանդիպում ոստիկանության  Մեղրիի  բաժնի անչափահասների  գործերով խմբի  տեսուչ,  ոստիկանության  ավագ  լեյտենանտ  Գուրգեն  Առաքելյանի  և  Ագարակի  բաժանմունքի  ՊՊԾ  ջոկի  ոստիկան  Դավիթ  Մկրտչյանի  հետ:Տեսուչները  ներկայացրին  <<Թմրամիջոցների  և  հոգեմետ  նյութերի  մասին >> ՀՀ  օրենքը , ընթերցեցին  <<Անչափահասը  և  թմրամոլությունը>> թեմայով  զեկուցումը:


<<Ամենախելացին>>

Կրկին ուրախություն է ապրում Ագարակի միջնակարգ դպրոցը:Այս անգամ առիթը VIIIբ դասարանի աշակերտ Րաֆֆի Ստեփանյանն էր, որը մասնակցել և կիսաեզրափակիչ փուլ է հասել Հայաստանի Հանրապետության մասշտաբով կազմակերպված ինտելեկտուալ <<Ամենախելացին>> խաղում:
Հետաքրքիր ուղի է անցել Րաֆֆին մինչև կիսաեզրափակիչ փուլ:Նա կարգախոս ընտրեց իր համար ֆրանսիացի փիլիսոփա Հելվիցիոսի նշանավոր խոսքը — <<Աշխարհում չկա մի բան, որն ավելի արժանի լինի հարգանքի,քան խելքը>>:
Մրցույթի յուրաքանչյուր փուլում նա դա ապացուցեց /Գորիսից մինչև Երևան/:
<<Ես զգացի, որ ինձնից ավելի խելացի աշակերտներ էլ կան և դա իմ մեջ ավելացրեց նոր գիտելիքներ ձեռք բերելու և ավելին իմանալու ցանկությունը>>-ասում է նա և հավելում,որ ամեն ինչ կանի դեկտեմբերի 2-ին կիսաեզրափակիչ փուլում հաղթանակի հասնելու համար:
Բոլորս անհամբերությամբ սպասում ենք նոյեմբերի 19-ին ժամը 18 –ին Րաֆֆիի հերթական խաղը դիտելու:
Հաջողություններ քեզ, սիրելի Րաֆֆի:

Ագարակի միջնակարգ դպրոցի տնօրեն և ուսուցիչներ: