Միջոցառումներ


                         «Ընթերցանություն,ահա ամենալավ ուսուցիչը»

Աշակերտական  խորհուրդը  դասվարների  աջակցությամբ / III-IV դասարաններ/  անցկացրեց  Հովհաննես  Թումանյանի  «Սուտլիկ  որսկանը»,«Բարեկենդանը», «Անբան Հուռին»,«Քաջ Նազարը» հեքիաթների  քննարկումներ՝ զուգակցելով  ցուցադրությամբ:

Աշակերտները  դերային  խաղով  ներկայացրին  հեքիաթները , հարց  ու  պատասխանի  միջոցով  վերհանեցին  հեքիաթում  տեղ  գտած  իրականն  ու  երևակայականը:

Միջոցառումը  նպաստեց  աշակերտների  բանավոր  խոսքի, ինքնուրույն  վերլուծելու  հմտությունների  զարգացմանը:

 

 

 


Նոյեմբերի 14 -ին  IXա դասարանում/ուսուցչուհի Լ.Հովակիմյան/  տեղի  ունեցավ  դաս-միջոցառում՝ «Քիմիան գույներով»  խորագրով:Նպատակն  էր՝  տեսանելի  և  շոշափելի  դարձնել  առարկան, զարգացնել  սովորողների  վերլուծական  մտածողությունը:

Աշակերտները  կատարեցին  քիմիական  փորձեր, մեկնաբանեցին  և  ներկայացրին  համապատասխան  վերլուծություններ:

Դասը  հետաքրքիր  էր  և  ուսանելի:

 


Ագարակի միջնակարգ դպրոցում նոյեմբերի 15-ին անցկացվեց «Ռուսական արջուկ» ռուսերենի մրցույթը: Այս մրցույթը, ինչպես «Կենգուրուն» և «Մեղուն» նպատակ ունի խթանելու մեր աշակերտների մասնակցությունը միջազգային առարկայական մրցույթներին: Ագարակի միջնակարգ դպրոցի 41 աշակերտ մասնակցեց մրցույթին(պատասխանատու՝ օտար լեզվի մասնախմբի նախագահ Գ.Սարգսյան):
Մրցույթի սկզբում բոլոր մասնակիցներին բաժանվեցին հուշանվերներ:Մասնակից աշակերտները ծանոթացան մրցույթի կանոններին:Այն անցկացվեց պատշաճ մակարդակով:
Հուսանք, որ տարվա բոլոր մասնակիցների արդյունքների ընդհանուր հաշվետվության արդյունքում մեր դպրոցի աշակերտներից կլինեն մրցանակակիրներ:


Նոյեմբերի  13-ին  IIIա  դասարանում  /դասվար Զ.Ղուկասյան/  անցկացվեց բաց դաս մաթեմատիկա առարկայից:Ուսուցանվող  թեման էր  «Բազմապատկման  զուգորդական հատկությունը»:

Դասարանը ցուցաբերեց  ակտիվություն ,յուրացրեցին  նոր  նյութը:

Ուսուցչուհին  օգտագործել էր  դիդակտիկ  նյութեր:

Դասը նպատակային էր և ուսանելի:

 


Բաց   դաս   «Մայրենի»  առարկայից

 

«Բառը  մի  աշխարհ է»,- սիրում էր  ասել  մեծն  Հովհաննես Թումանյանը:

Սակայն  ամեն  բառ  նաև … կենդանի արարած  է: Բառն  էլ  ունի  իր  հարուստ ներաշխարհն  ու  բարդ  կերտվածքը:

 

2018թ  նոյեմբերի  13-ին  Ագարակի  միջնակարգ  դպրոցի    VIա դասարանում  կազմակերպվեց  բաց դաս  «Մայրենի»  առարկայից/ուսուցչուհի՝ Սաթիկ Ասատրյան/:Նպատակը  «Բառ  և  դարձվածք»  նյութի  ամրապնդումն  էր: Գեղեցիկ  կահավորված  դասարան, նպատակային  ցուցապաստառներ, տեսադաս:

Սրանց  միջոցով  ուսուցչուհին  կարողացավ  բացահայտել  իր  սաների  գիտելիքները, կարողությունները, հմտությունները:

Իրենց  հղկված, արտահայտիչ , տրամաբանված  խոսքով, վարժ  ընթերցանությամբ  աշակերտները  փորձեցին  ներկայացնել  ուսումնասիրած նյութի  գաղափարական բովանդակությունը, դաստիարակչական  նշանակությունը:

Աշակերտները  կատարեցին  խմբային  աշխատանք:Կիրառվեցին  «Խմբային  հետազոտություն»  , «Tաձև  աղյուսակ», «Քարտեզագրում»,  «2 աստղիկ, 1 դրոշակ»  մեթոդները:Դասը  օրինակելի  էր, բովանդակալից:

 

 


2018թ նոյեմբերի 5-9-ը ՀՀ Կրթության և գիտության նախարարության և Մեդիա նախաձեռնությունների կենտրոնի կողմից հայտարարվել էր Մեդիագրագիտության կրթական շաբաթ Հայաստանի բոլոր դպրոցներում:Մեդիագրագիտությունը հարց տալու մշակույթն է , որը սկսվում է դպրոցից:Ագարակի միջնակարգ դպրոցում նույնպես անցկացվեցին մեդիագրագիտության թեմաներով բաց դասեր, դիտումներ, քննարկումներ, կրթական խաղերի ժամեր/մեդիամարտեր/:
VIII-XII դասարանների աշակերտները դիտեցին տեսադասեր և քննարկեցին մեդիայի կարևորությունն ու մատչելիությունը:Նպատակը՝ սովորեցնել մեդիագրագիտության, տեղեկությունների ստուգման, թվային անվտանգության սկզբունքները:
Դպրոցի տնօրենությունը շնորհակալություն է հայտնում ինֆորմատիկայի ուսուցչուհի Հ.Սահակյանին և դասղեկ Ս.Ասատրյանին դասընթացը բարձր մակարդակով կազմակերպելու համար:


Նոյեմբերի 7- ին Մեղրու թիվ 2 դպրոցում տեղի ունեցավ դպրոցականների շախմատի 13-րդ օլիմպիադայի 2-րդ փուլը.Մասնակցում էին համայնքի 8 դպրոցների հավաքական թիմերը.Ագարակի միջնակարգ դպրոցի թիմը ՝Արթուր Մանուկյան,Սլավիկ Սարգսյան.Էրիկ Համբարձումյան .Լուիզա Սարգսյան հաղթելով Մեղրու թիվ 1.դպրոցին՝ 4-0 Մեղրու.թիվ 2..դպրոցին՝4-0.Շվանիձորի դպրոցի՝4-0..Ալվանքի դպրոցին 4-0. Վարդանիձորի դպրոցին՝ 3-1.Լեհվազի դպրոցին 3-1.Կարճևանի դպրոցին՝3-1դարձավ մրցաշարի հաղթող և իրավունք ստացավ մասնակցելու օլիմպիադայի 3-րդ փուլին.
ՄՐՑԱՇԱՐԻ ԱՂՅՈՒՍԱԸ. 1.Ագարակ ՝ 14 միավոր 2.Վարդանիձոր՝ 9 միավոր 3.Լեհվազ ՝ 9 միավոր 4.Մեղրի -1՝ 8 միավոր 5.Մեղրի -2 ՝ 5 միավոր 6.Կարճևան ՝ 4 միավոր 7.Շվանիձոր՝ 4 միավոր .8.Ալվանք ՝ 3 միավոր
Տնօրենությունը շնորհավորում է աշակերտներին և մաղթում նորանոր հաջողություններ:


Նոյեմբերի  5-ին  Ագարակի  միջնակարգ  դպրոցի  դահլիճում  տեղի  ունեցավ հանդիպում  Ռազմաավիացիոն համալսարանի գնդապետ Ս.Իսկանդարյանի, Վազգեն Սարգսյան ռազմական համալսարանի գնդապետ Հ.Մարգարյանի և 12-րդ դասարանների աշակերտների միջև: Գնդապետները  աշակերտներին  ներկայացրին  ռազմական բուհերում ուսանելու  պայմանները, զինծառայողի  կարգավիճակից  բխող իրավունքներն ու  արտոնությունները:Միջոցառման  ավարտին  տնօրենությունը  շնորհակալություն  հայտնեց  հյուրերին  դպրոց  այցելելու  և   մասնագիտական կողմնորոշմանը նպաստելու  համար:


2018թ հոկտեմբերի 26-ին Ագարակի միջնակարգ դպրոցում տեղի ունեցավ (Սրբոց Թարգմանչաց) տոնին նվիրված ներդպրոցական միջոցառում` 5-րդ բ դասարանի սաների մասնակցությամբ։ Հայ ժողովրդի կյանքի մեջ գրքի ծննդյան տոնին, սաները վերստին խոսեցին այդ գրքի` Աստվածաշունչ մատյանի կարևորության, հայ Գրի երկնքից ստացված լինելու մեսրոպյան հանճարի մասին։ Հայ Գիրքն անվանեցին` մշակույթի ամենազոր կորիզ, հայ մարդու ընկեր, շեփորաձայն հուշարձան, խղճի զարթման և ուղղման մշտահունչ զողանջ։ Անսակարկ սիրո ուխտ արեցին հավատարիմ նմալ հայ ժողովրդի դարագնա պատմության մեջ Սուրբ Սահայկ Պարթևի և Սուրբ Մեսրոպ Մաշտոցի ավանդած հավերժական ժառանգությանը։ Միջոցառմանը ներկա էին դպրոցի տնօրեն մեծազնիվ Տիկին Ա. Աղայանը, Ագարակի Զորամասի հոգևոր սպասավոր Բարեշնորհ Դավիթ Սարկավագ Հովհանիսյանը, ուսուցիչներ,տարբեր դասարանների սաներ, միջոցառման մասնակիցների ծնողներ և հյուրեր։


Մեղու -2018

2018թ հոկտեմբերի 25-ին մեկնարկեց <<Մեղու. հայերենը բոլորի համար>> մրցույթը:

Մրցույթի նպատակն է  հետաքրքրություն առաջացնել հայոց լեզու առարկայի հանդեպ, այն առավել գրավիչ ու սիրելի դարձնել երեխաների համար, նորովի մատուցել հայոց լեզուն և զարգացնել երեխաների լեզվամտածողական ու լեզվագիտական ունակությունները:

Ագարակի միջնակարգ դպրոցի 84 աշակերտ մասնակցեց մրցույթին:
Մրցույթի սկզբում բոլոր մասնակիցներին բաժանվեցին հուշանվերներ և պատասխանների թերթիկները(պատասխանատու՝ հայոց լեզվի և գրականության մասնախմբի նախագահ Ս.Ասատրյան):
Մասնակից աշակերտները ծանոթացան մրցույթի կանոններին:
Այն անցկացվեց պատշաճ մակարդակով:
Հուսանք, որ տարվա բոլոր մասնակիցների արդյունքների ընդհանուր հաշվետվության արդյունքում մեր դպրոցի աշակերտներից կլինեն մրցանակակիրներ:


2018թ հոկտեմբերի 26-ին Ագարակի միջն. դպրոցում տեղի ունեցավ (Սրբոց Թարգմանչաց) տոնին նվիրված ներդպրոցական միջոցառում` 5-րդ Բ դասարանի սաների մասնակցությամբ։ Հայ ժողովրդի կյանքի մեջ գրքի ծննդյան տոնին, սաները վերստին խոսեցին այդ գրքի` Աստվածաշունչ մատյանի կարևորության, հայ Գրի երկնքից ստացված լինելու մեսրոպյան հանճարի մասին։ Հայ Գիրքն անվանեցին` մշակույթի ամենազոր կորիզ, հայ մարդու ընկեր, շեփորաձայն հուշարձան, խղճի զարթման և ուղղման մշտահունչ զողանջ։ Անսակարկ սիրո ուխտ արեցին հավատարիմ նմալ հայ ժողովրդի դարագնա պատմության մեջ Սուրբ Սահայկ Պարթևի և Սուրբ Մեսրոպ Մաշտոցի ավանդած հավերժական ժառանգությանը։ Միջոցառմանը ներկա էին դպրոցի տնօրեն մեծազնիվ Տիկին Ա. Աղայանը, Ագարակի Զորամասի հոգևոր սպասավոր Բարեշնորհ Դավիթ Սարկավագ Հովհանիսյանը, ուսուցիչներ,տարբեր դասարանների սաներ, միջոցառման մասնակիցների ծնողներ և հյուրեր։


2018թ  հոկտեմբերի  25-ին  Ագարակի  միջնակարգ  դպրոցում  տեղի  ունեցավ  միջոցառում՝ նվիրված  Գերմանիայի ազգային  տոնին:Միջոցառմանը  մասնակցում  էին  VIIա,բ, VIIIբ, IXա, XIբ  դասարանների  աշակերտները:Նպատակն  էր՝ հարգալից  վերաբերմունքի դաստիարակում Գերմանիայի  ժողովրդի  լեզվի, մշակույթի  նկատմամբ:Աշակերտները գերմաներենով  գեղեցիկ  ներկայացրեցին  Գերմանիա պետությունը,նրա երկրամասերը,, մեծ քաղաքներն ու մշակույթը:

Երգով,ասմունքով և երաժշտական կատարումով հանդես  եկան  մի  շարք  շնորհալի  աշակերտներ:Միջոցառումն  ավարտվեց  հանճարեղ  գերմանացի  կոմպոզիտոր  Բեթհովենի <<Լուսնի  սոնատի>>  դյութիչ  ելևէջներով:

 


Փորձ-դիտարկում-վերլուծություն

Յուրօրինակ  էր  կազմակերպված  դասղեկի  բաց ժամը VIIIա դասարանում/ դասղեկ՝ Լ.Հակոբյան/:Այն  սկսվեց  փորձի  ցուցադրությամբ՝ 400 գլանակ ծխախոտի  ազդեցությունը  հեղուկի  վրա:Տեսանյութը  դիտելուց  հետո  կազմակերպվեց  քննարկում, որի  արդյունքում  աշակերտները  վեր  հանեցին  ծխախոտի  վնասակար  ազդեցությունը  օրգան-համակարգերի  վրա:Դասի  ավարտին  միասնաբար <<Ոչ>>  ասեցին  ծխախոտին  և  ալկոհոլին:

Միջոցառման  ավարտին  ՄԿԱ փոխտնօրեն՝  Ն.Սարգսյանը   շնորհակալություն  հայտնեց դասղեկին  հետաքրքիր  դաս  կազմակերպելու  համար:


        Հոկտեմբերի  25-ին  Ագարակի  միջնակարգ  դպրոցի  IXա  դասարանում /դասղեկ՝Լ.Հովակիմյան/  անցկացվեց ցերեկույթ Կարինի Սանասարյան դպրոցի  հիմնադիր  Մկրտիչ  Սանասարյանի  200-ամյակի  հիշատակին:

Միջոցառման  ընթացքում  աշակերտները  ներկայացրին  հայ մեծահարուստ բարերար Մկրտիչ Սանասարյանի կյանքն ու  գործունեությունը:

Մկրտիչ  Սանասարյանի  բազում  բարեգործություններից,ինչ խոսք, գլխավորը  1881թ  Կարինում բացված Սանասարյան վարժարանն է:Լինելով  ուսյալ  անձնավորություն՝  մեծ  բարեգործը  հասկանում  էր  ազգի  առաջընթացի  գործում  ուսման  կարևորությունը:

Նա  կարևորում  էր  հատկապես  Արևմտյան  Հայաստանում  երիտասարդ  սերնդի  կրթության  գործը՝  համարելով, որ  միայն  ուսման  ու  կրթության  միջոցով  հայությունը  կբարելավի  իր  սոցիալական  վիճակը, բացի  այդ, կրթությունը  կնպաստի  ազգային, ինքնագիտակցության  բարձրացմանն  ու ազգային-ազատագրական  շարժմանը:

Կազմակերպվեց   ցուցադրում  , ընթերցեցին  որոշակի  հատվածներ Կարին վարժարանի  պատմությունից:

Միջոցառման  վերջում  ՄԿԱ փոխտնօրեն  Ն.Սարգսյանը  շնորհակալություն  հայտնեց Լ.Հովակիմյանին  միջոցառումը բարձր  մակարդակով   միջոցառումը  կազմակերպելու  համար:


Ծխախոտը  անգութ  մարդասպան է

Հոկտեմբերի  25-ին  Xա դասարանում /դասղկ՝ Ա.Հովհաննիսյան/  ցուցադրվեց  տեսանյութ՝ <<Ալկոհոլի,ծխախոտի  և  թմրամիջոցների  կանխարգելման միջոցները>>  վերնագրով: Տեսանյութի  միջոցով  տեսանելի  դարձվեց  ալկոհոլի,ծխախոտի  վատ  ազդեցությունը  օրգանիզմի  վրա:

Միջոցառման  նպատակն  էր  նպաստել-առողջ  ապրելակերպի   պահպանմանն ու  զարգացմանը:


Հայաստանը սքանչելի է:

Հոկտեմբերի 23-ին Ագարակի միջնակարգ դպրոցի Vա դասարանում /դասղեկ՝ Զ.Գյուլասարյան/ անցկացվեց <<Հայաստանի տեսարժան վայրերը>> թեմայով դասղեկի ժամ:
Դասի նպատակն էր՝ ծանոթացնել աշակերտներին Հայաստանի գեղատեսիլ վայրերին և պատմամշակութային հուշարձաններին:
Աշակերտները ակտիվ մասնակցություն ունեցան դասին:
Դասը նպատակային էր և ուսանելի:


Հոկտեմբերի 22-ին տեղի ունեցավ VIIIա և VIIIբ դասարանների միջև սպորտլանդիա, որի արդյունքում հաղթեց VIIIբ դասարանը:


Հոկտեմբերի 22-ից տրվեց <<Ոսկեծամիկ աշուն>> խորագրով միջոցառումների մեկնարկը:Միջոցառումները անց են կացվում II-IV դասարաններում:
IVա,բ դասարանների աշակերտները գրեցին <<Աշուն>> վերնագրով շարադրություն:Լավագույն աշխատանքները կխրախուսվեն տնօրենության կողմից:
IIIա,բ դասարանների աշակերտները ստեղծեցին աշնանային պատկերասրահ:
IIգ դասարանում/դասվար՝ Ա.Հովակիմյան/ անցկացվեց դաս-միջոցառում <<Ոսկեծամիկ աշուն>> թեմայով: Աշունն իր գույներով, բերք ու բարիքով տեղափոխվել էր դասասենյակ:
Բնության ճանաչման նպատակին ծառայող դասին երեխաները դրսևորեցին տարվա եղանակների,համապատասխան ամիսների, եղանակային փոփոխությունների և առանձնահատկությունների իմացություն:Դասը համեմված էր աշնանը, նվիրված երգերով, հանելուկներով, ասմունքով:


Հոկտեմբերի  22-ին  Ագարակի  միջնակարգ  դպրոցի  VIIա  դասարանում/դասղեկ՝ Գ.Մկրտչյան/  անցկացվեց <<Ծխելը    և  նրա  հետևանքները>>  թեմայով  դասղեկի  բաց ժամ:

Դասը  սկսվեց  սահիկահանդեսի  ցուցադրությամբ,այնուհետև  հաջորդեց քննարկում:

Դասղեկը  ներկայացրեց  <<Գիտեք,որ  ծխելը  հիմարեցնում  է>>  թերթոնը, աշակերտները  ընթերցեցին  և  կազմակերպվեց  խմբային  քննարկում:

Այնուհետև  Էդիտան,Սվետլանան,Մարին,Լաուրան և Ալիտան  ներկայացրին  իրենց  հետազոտական աշխատանքը:Աշակերտները  միասնաբար  ընդունեցին  կարգախոս ընդդեմ ծխելու  վնասակարությանը. <<Մի ծխեք և մի վտանգեք  Ձեր  և  Ձեր  հարազատների  առողջությունը>>:

 


Հոկտեմբերի  18-ին   Iա  դասարանում/ դասվար՝ Օ.Ստեփանյան/  և  հոկտեմբերի  19-ին  Iբ դասարանում/դասվար՝ Ա.Գրիգորյան/ տեղի  ունեցան  բաց-դասեր՝ նվիրված <<Ա>>  տառի  ուսուցմանը:

Նպատակն  էր.

  1. Ամրապնդել պատմության,նախադասության,բառի,վանկի,հնչյունների  մասին  ունեցած  գիտելիքները:
  2. Զարգացնել բանավոր  խոսք  կառուցելու, վերլուծելու  կարողությունները:
  3. Բառի մեջ  առանձնացնել  ա  հնչյունը,նրա  տեղը  բառի  մեջ:
  4. Ճանաչել Ա  տառը:
  5. Սովորեցնել ձեռագիր Ա  տառի գրությունը:

Բաց-դասերի  ավարտին  <<Ա>>  տառն  աշակերտներին  հյուրասիրեց  իր  տեսքով  թխվածքաբլիթներ,որպեսզի  աշակերտները  ոչ  միայն  լավ  յուրացնեն  ու  հիշեն  Ա  տառը, այլ  նաև  ճաշակեն  նրա  քաղցրությունը:


Հոկտեմբերի  22-ին  VIIIբ և  Xա դասարանները Հայոց պատմության դասին դիտեցին փաստագրական ֆիլմ’ նվիրված մեր մայրաքաղաք Երևանի 2800-ամյակին: Նրանք ևս մեկ անգամ վերհիշեցին մեր ժողովրդի պատմությունը, Երևանի մասին իմացան հետաքրքիր փաստեր ։


Հոկտեմբերի  22-ին  Ագարակի  միջնակարգ  դպրոցում   տեղի  ունեցավ  ցերեկույթ՝ <<Վնասակար սովորություններ>>  թեմայով:Ցերեկույթի  մասնակիցները IXա/դասղեկ՝ Լ.Հովակիմյան/  և IXբ/դասղեկ՝ Լ.Ղարիբյան/  դասարանների  աշակերտներն էին:

Միջոցառման  հիմնական  նպատակն էր՝ բարձրացնել  դեռահասների  իրազեկվածության  մակարդակը  ծխախոտի  և  ալկոհոլի  վնասակար  հետևանքների  վերաբերյալ, զերծ  պահել  վտանգավոր  նյութերից,ձևավորել առողջ ապրելակերպ:Միջոցառման  ընթացքում  ներկայացվեց  մարդու  օրգանիզմը  քայքայող  վնասակար  նյութերի  ազդեցության  պատկերը:

Ծավալվեց  քննարկում  ՝<<Ինչպես  զերծ  մնալ  ծխախոտից>>  թեմայով,որի  ընթացքում  աշակերտներն  անկաշկանդ  արտահայտեցին  իրենց  մտքերը, հնչեցրին  կարծիքներ՝տալով հիմնավորումներ:Ապա անցկացվեց  մրցույթ՝ <<Ծխելու  դեմ  լավագույն  հակագովազդ>>  թեմայով:Աշակերտները խմբերով  կատարեցին  աշխատանքը՝ մեկնաբանելով  այն:

 


«Ամեն ծխախոտ երկու ծայր ունի. մեկ ծայրում կրակ է, մյուս ծայրում մի տխմար»

Հոկտեմբերի 18-ին VIIբ դասարանում (դասղեկ Ա. Հայրապետյան) տեղի ունեցավ դասղեկի բաց դաս՝ «Ծխախոտը սև մահ է՝ ճերմակ գլանակի մեջ փաթաթված» խորագրով: Դասի նպատակն էր ձևավորել և խորացնել աշակերտների գիտելիքները ծխախոտի, նրա քիմիական բաղադրության վերաբերյալ,ինչպես նաև զարգացնել օրգանիզմի վրա ծխախոտի բացասական ազդեցության վերաբերյալ դիտարկումներ կատարելու կարողություններ:Դասղեկը աշակերտներին ծանոթացրեց ծխախոտի վնասակար ազդեցության մասին,ներկայացրեց համաշխարհային ցուցանիշները:
Աշակերտները ակտիվ մասնակցություն ունեցան դասին:
Դասը նպատակային էր ու ուսանելի:


Հոկտեմբերի  18-ին  Vա դասարանում տեղի  ունեցավ  <<Մենք  սիրում  ենք  մաթեմատիկան>>  դաս-միջոցառումը/ուսուցիչ՝ Գ.Մկրտչյան/, որի  նպատակն  էր  դաստիարակել  համագործակցելու  կուլտուրա, խթանել  աշակերտների  ինքնուրույն  մտածողությանը, ինչպես նաև  մեծացնել  հետաքրքրությունը  առարկայի  նկատմամբ:

Աշակերտները  ներկայացրին,թե ինչպե˚ս  են  մարդիկ  հաշվել  սովորել, ծանոթացրին  թվագրության  հռոմեական  և  հայկական համակարգերին:Լուծեցին  հետաքրքրաշարժ  և  տրամաբանական խնդիրներ,պատասխանեցին  մրցակից  թիմի  տված  հարցերին:

Դասը  հագեցած  էր  և  ուսանելի:


Հոկտեմբերի 18-ին տեղի ունեցավ VIIա և VIIբ դասարանների միջև սպորտլանդիա, որի արդյունքում 13:14 հաշվով հաղթեց <<Առյուծներ>> թիմը /VIIբ դասարան/:


Հոկտեմբերի  18-ին  Ագարակի  միջնակարգ  դպրոցում  տեղի  ունեցավ  հանդիպում Հայաստանի  Ֆրանսիական համալսարանի դասախոսների,ուսանողների  և  X-XII դասարանի աշակերտների  միջև:

Հանդիպման  նպատակն  էր  նպաստել  մասնագիտական  կողմնորոշմանը:Միջոցառման  ընթացքում  դասախոսները  և  ուսանողները  պատասխանեցին  աշակերտներին հետաքրքրող հարցերին:


Լեզուն ազգային բարձրագույն արժեք է, աշակերտները պետք է ավելի սիրեն և արժևորեն, լավ սովորեն,ճիշտ խոսեն, անաղարտ պահեն մեր ոսկեղենիկ ու քաղցրաբառ հայոց լեզուն:
Այս նպատակն էր հետապնդում VIա և VIբ միջդասարանական մրցույթ-վիկտորինան/ կազմակերպիչ՝ հայոց լեզվի և գրականության մասնախմբի նախագահ՝ Ա.Ասատրյան/:Յուրաքանչյուր խաղափուլ ընդմիջվեց գեղարվեստական համարներով/ասմունք, երգ, երաժշտություն,պար/:Վիկտորինան ավարտվեց VIա դասարանի հաղթանակով:Հաղթող դասարանը տնօրենության կողմից պարգևատրվեց պատվոգրով:

18.10.2018թ. տրվեց պատմության և աշխարհագրության առարկայական շաբաթի մեկնարկը։

Հոկտեմբերի 17-ին տեղի ունեցավ VIա և VIբ դասարանների միջև սպորտլանդիա, որի արդյունքում 21:24 հաշվով հաղթեց <<Անի>> թիմը /VIբ դասարան/:

Հոկտեմբերի 17-ին Vա/ուսուցիչ՝ Ա.Հովհաննիսյան/ և Vբ/ուսուցիչ՝ Է.Գյուլասարյան/ դասարանների միջև անցկացվեց մրցույթ-վիկտորնա <<Մայրենի>> առարկայից:Զուգահեռ դասարանները ողջույնի խոսքերով միմյանց մաղթեցին արդար խաղ ու հաղթանակ:Հարցերն ընտրված էին անցած թեմաներից:Խաղ-վիկտորինան անցավ հետաքրքիր, հավասար պայքարում:
Մթնոլորտը ջերմ ու տրամադրող էր:Հնչեցին ասույթներ և բանաստեղծություններ նվիրված մայրենի լեզվին:Վիկտորինա խաղ-մրցույթն ավարտվեց Vբ դասարանի հաղթանակով:
Ցանկացած մրցույթ-վիկտորինա ունի կրթական, դաստիարակչական և ուսուցողական բովանդակություն:

Տրվեց սպորտային միջոցառումների մեկնարկը
Աշակերտական խորհրդի նախաձեռնությամբ և ֆիզկուլտուրայի ուսուցիչների աջակցությամբ դպրոցում անց է կացվելու միջդասարանական սպորտային մրցույթներ:Հաղթող դասարանները տնօրենության կողմից կպարգևատրվեն պատվոգրերով:
Հոկտեմբերի 16-ին տեղի ունեցավ Vա և Vբ դասարանների միջև սպորտլանդիա, որի արդյունքում 19:15 հաշվով հաղթեց <<Բազե>> թիմը /Vա դասարան/:

Տրվեց հայոց լեզվի և գրականության առարկայական շաբաթի մեկնարկը:


ԳԴՀ դեսպանության մշակույթի բաժնի կցորդ Յակոբ Ցիգլերը, Գերմանիայի ակադեմիական փոխանակման ծրագրի /DAAD/ համակարգող Մերի Նավասարդյանն ու Գյոթե ինստիտուտի փորձագետ Դանա Շլուխթմանը տարածաշրջան այցի ընթացքում եղան նաև Ագարակի միջնակարգ դպրոցում: Քննարկվեցին մի շարք հարցեր՝ գերմաներեն լեզվի ուսումնասիրության, աշակերտների նախասիրությունների,փոխանակման ծրագրի կարևորության, Գերմանիայի բուհերում աշակերտների ուսանելու վերաբերյալ: Հետաքրքիր և բովանդակալից միջոցառում էր, որի արդյունքում դպրոցի գրադարանը կրկնակի անգամ համալրվեց գերմաներեն գրականությամբ:
Երախտագիտության մեր խոսքն ենք հղում մեր գերմանացի հյուրերին՝ աննախադեպ միջոցառման համար:


09.10.2018թ. 8բ դասարանում տեղի ունեցավ բաց դաս աշխարհագրություն առարկայից (դասի թեման_ ՌԴ_ի տնտեսությունը, ուսուցիչ Բ.Մանուկյան): Դասին առկա էին Ռուսաստանի ֆիզիկական քարտեզ, գլոբուս, ատլաս, դիդակտիկ այլ նյութեր։ Աշակերտները գրատախտակին ուսուցչի օգնությամբ գծապատկերով ներկայացրին Ռուսաստանի տնտեսությունը, նրա ճյուղերը։ Դասի ժամանակ կիրառվեցին նոր մեթոդներ, ամբողջ դասարանը ակտիվորեն մասնակցում էր դասին։ Դասընթացում ամփոփվեց անցած նյութը խմբային աշխատանքով, նոր նյութի հետ հանձնարարվեց նաև թեմայի վերաբերյալ ֆիլմի դիտում (“Պոմպեյի վերջին օրը”) ։ Դասը լիարժեք էր, հագեցած և ուսանելի։


Գրքերը լուսավորում են մարդու հոգին, նրա մեջ արթացնում լավագույն ձգտումները,սրում նրա միտքը և մեղմացնում սիրտը:Գրադարանավարի օրվա առթիվ IXբ դասարանի աշակերտները /դասղեկ՝Լ.Ղարիբյան/ այցելեցին գրադարան:Շնորհավորելով և մեծարանքի խոսքեր ուղղելով գրադարանավարուհուն ՝աշակերտները նվիրեցին գիրք:Նրանք ներկայացրին գրքերի դերն ու նշանակությունը ՝մեջբերելով ասույթներ գրքերի մասին և ևս մեկ անգամ փաստելով, որ աստվածային գրեր արարող և պաշտող ազգն ապրում է հավերժ:


Ուսուցչի օր

Опубликовано Ագարակի միջնակարգ դպրոց / Agaraki mijnakarg dproc Вторник, 9 октября 2018 г.


2018թ հոկտեմբերի 8-ին IIIա դասարանում/դասվար՝ Զ.Ղուկասյան/ տեղի ունեցավ դասարանական միջոցառում՝ <<Գիրքն է կյանքի ճամփի ոսկե բանալին>> խորագրով:
Նպատակն էր ՝ կարևորել գրքի արժեքը, ավելի սերտ կապվել գրքին ու գրականությանը:
Միջոցառումն սկսվեց գրքին նվիրված ասույթով:Միջոցառման ընթացքում աշակերտները հանդես եկան բանստեղծությունների ընթերցմամբ:Հնչեցին ասույթներ և աշխույժ հանելուկներ:Աշակերտները ևս մեկ անգամ գիտակցեցին,որ գիրքը մեծ դեր ու նշանակություն ունի , ճանաչեցին գրքի արժեքը:
Շնորհակալական խոսքով հանդես եկավ տնօրեն Ա.Աղայանը՝ հորդորելով հաճախ կազմակերպել ընթերցանության մրցույթ դրոշներին ճանաչելու, խոսքը զարգացնելու, բառապաշարը հարստացնելու նպատակով:


Գրադարանավարի օր

Опубликовано Ագարակի միջնակարգ դպրոց / Agaraki mijnakarg dproc Вторник, 9 октября 2018 г.


2018թ հոկտեմբերի 7-ին գրադարանում տեղի ունեցավ դասարանական միջոցառում՝ VIIա դասարանի աշակերտների մասնակցությամբ/դասղեկ՝ Գ.Մկրտչյան/:Աշակերտները սիրով շնորհավորեցին գրադարանավարուհուն մասնագիտական տոնի առթիվ՝ հանդես գալով ասմունքով,ներկայացրին նաև տոնի խորհուրդը՝ նշելով որ գրքերը մեր ամենալավ բարեկամներն են:
Ապահովելով ծնող-աշակերտ-ուսուցիչ սերտ համագործակցությունը՝ VIIա դասարանը, ձևավորել էր վահանակ՝ <<Շնորհավո՛ր տոնդ, գրադարանի աղջիկ>> խորագրով, որը հայերեն-անգլերեն բառարանի հետ նվիրեցին գրադարանին:
Շնորհակալական խոսքով հանդես եկավ ՄԿԱ փոխտնօրեն Ն.Սարգսյանը՝ շնորհակալություն հայտնելով նաև ծնող Գ.Մելքոնյանին գեղեցիկ ու բովանդակալից վահանակ ձևավորելու համար:


2018 թվականիի հոկտեմբերի 5-ին ԱԽ-ի նախաձեռնությամբ/նախագահ՝Ս.Գևորգյան/ Xա դասարանում /դասղեկ՝ Ա.Հովհաննիսյան/ տեղի ունեցավ Շառլ Ազնավուրի հիշատակին նվիրված ցերեկույթ:
Աշակերտները նախապես ձևավորել էին վահանակ՝ նվիրված աշխարհահռչակ երգչին:Տեսանյութի միջոցով աշակերտները ներկայացրին մեծ հայորդու կյանքն ու գործունեությունը:Հնչեցին նրա անզուգական երգերն ու գեղեցիկ բանաստեղծությունները:
Միջոցառման վերջում X ա դասարանն անվանակոչվեց աշխարհահռչակ շանսոնյե Շառլ Ազնավուրի անվամբ:Աշակերտները խոստացան միշտ պահել նրա պայծառ հիշատակը:
Դպրոցի տնօրենությունը շնորհակալություն հայտնեց ԱԽ-ին, Xա դասարանի աշակերտներին ու դասղեկ Ա.Հովհաննիսյանին միջոցառումը պատշաճ կազմակերպելու և դասարանն անվանակոչելու համար:


Վահանակի ձևավորում

 


 ԱԳԱՐԱԿԻ ՄԻՋՆԱԿԱՐԳ ԴՊՐՈՑԻ ՏՆՕՐԵՆ ԱՆԺԵԼԱ ԱՂԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՈՒՍՈՒՑՉԻ ՏՈՆԻ ԱՌԹԻՎ

  


Հոկտեմբերի 1-ին կյանքի 94-րդ տարում մեզանից հեռացել է հայ ժողովրդի մեծագույն զավակներից մեկը՝ Շ.Ազնավուրը:
Ագարակի միջնակարգ դպրոցում կազմակերպվել էր մոմավառություն՝ ի հիշատակ Հայաստանի ազգային հերոսի, մեծանուն երգչի,երգահանի,դերասանի:
Հանգչի՛ր խաղաղությամբ,Մե՛ծն հայ:

 

 


Սեպտեմբերի  27-ին  XIբ դասարանում կայացավ  բաց դաս Հայոց պատմությունից/ուսուցիչ՝ Լ.Միրզոյան/:

Դասի  նպատակն էր աշակերտներին  ներկայացնել  XVIII դ երկրորդ կեսի հայ ազատագրական պայքարի նշանավոր դեմքերից մեկի՝ Հովսեփ Էմինի կյանքն ու գործունեությունը և XVIII դ. վերջին  կազմված Հայաստանի ազատագրության ծրագրերին:

Աշակերտները  ընկալեցին  ու  հասկացան, որ հայության առջև ծառացած համազգային խնդիրները հնարավոր էր լուծել միայն հայկական պետականության վերականգնելու դեպքում և, որ հայկական վիթխարի կապիտալը օտար պետություններում ենթակա է փոշիացման, վերացման՝ առանց ազգային բանակի ու պետության աջակցության:


Արիության դաս

<<Ես եմ իմ երկրի տերը և ես Ձեզ չեմ տա իմ երկիրը>>,-Գարեգին Բագրատունու խոսքերով սկսվեց արիության դասը /VIII-IX դասարաններ/:
Դասը վարեցին ոստիկանության Մեղրիի բաժնի անչափահասների գործերով խմբի տեսուչ,ոստիկանության լեյտենանտ Ա.Դադայանը և ոստիկանության վետերան Բ.Խաչատրյանը՝ նպատակ ունենալով աշակերտների մեջ սերմանել հայրենասիրություն, բարձր պահել ռազմահայրենասիրական ոգին , դաստիարակել ազգային ու զինվորական ավանդույթներին հավատարիմ, բարոյական վսեմ հատկանիշներով ու պատասխանատվության մեծ զգացումով օժտված հայրենասեր քաղաքացի:Դասն ավարտվեց Գարեգին Նժդեհի թևավոր խոսքով. <<Հայրենիքն ապրում է հայրենասիրությամբ և կործանվում դրա պակասից>>:
Դպրոցի տնօրեն Ա.Աղայանը շնորհակալություն հայտնեց ոստիկաններին դաստիարակչական դաս վարելու համար:


Սեպտեմբերի 26-ին Ագարակի միջնակարգ դպրոցի I և II դասարաններում անցկացվեց զրույց ճանապարհային երթևեկության կանոնների մասին:Զրույցն անցկացրեց ոստիկանության Մեղրիի բաժնի անչափահասների գործերով խմբի տեսուչ , ոստիկանության լեյտենանտ Ա.Դադայանը:

Սեպտեմբերի  25-ին  Ագարակի  միջնակարգ  դպրոցում  տեղի  ունեցավ  ինտելեկտուալ  խաղ նվիրված  ՀՀ  անկախության  27-րդ տարեդարձին:Խաղը  կազմակերպել էր  պատմաաշխարհագրական մեթոդմիավորումը,որին  մասնակցում  էին  X  և XI  դասարանների  շնորհալի  աշակերտները:Աշակերտները  ցուցաբերեցին  գեղեցիկ  խաղ, ի ցույց դրեցին  իրենց  գիտելիքները  Հայաստանի  պատմությունից  և  աշխարհագրությունից:


Սեպտեմբերի 20-ին Ագարակի միջնակարգ դպրոցի հրապարակը, ինչպես ամեն տարի, այս տարի ևս, ավանդույթի համաձայն,երեխաներինն էր :
Այդ օրը հրապարակի ամբողջ տարածքում մանուկները կավճանկարչությամբ պատկերում էին իրենց գունագեղ երազանքները` անամպ երկինք ու փայլող արև, նաև պետական խորհրդանիշեր ու տարբեր պատկերներ :
«Ես եմ իմ երկրի տերը» խորագրով կավճանկարին մասնակցում էին II-IV դասարանի աշակերտները:
 

ՀՀ անկախության օրվա նախօրեին ՝ սեպտեմբերի 20 -ին, Ագարակ քաղաքի միջնակարգ դպրոցի IIբ դասարանում ( դասվար Լ. Խաչատրյան) տեղի ունեցավ փոքրիկ դաս- միջոցառում ՝ նվիրված ՀՀ- ան անկախության 27 -րդ տարեդարձին:
Միջոցառումը վարեց Լիլիյա Բաբայանը:
<<Եվս մեկ օր և մենք կտոնենք համայն հայության գեղեցիկ ու լուսավոր տոներից մեկը >>:
Անկախությունն արժեք է, երբ դու դրա տերն ես:Անկախությունը հայ ժողովրդի ամենօրյա համառ պայքարի արդյունքն էր, բաղձալի երազանքը, որը իր հանգուցալուծումը գտավ և դարձավ համայն հայության տոնը: Հայաստանի կերտած անկախությունն ուներ սևից սպիտակ ընկած բոլոր երանգները, մռայլ պարտությունից մինչև վառ հաղթանակներ:
Միջոցառման նպատակն էր` երեխաների մեջ արթնացնել հայրենասիրական ոգին, սերմանել նրանց մեջ ազգի նկատմամբ սեր և հավատ, որպեսզի ամեն մի երեխա ճիշտ արժևորի հայ ժողովրդի կերտած Ա Ն Կ Ա Խ ՈՒ Թ Յ ՈՒ Ն Ը:
Միջոցառմանը ներկա էին ` Ագարակի միջնակարգ դպրոցի տնօրեն Ա. Աղայանը,ՄԿԱ փոխտնօրեն Ն. Սարգսյանը:
Միջոցառման ներկա գտնվողները գոհ հեռացան:

Վիկտոր Համբարձումյան-110
VIIբ դասարանում /դասղեկ Ա.Հայրապետյան/ տեղի ունեցավ ցերեկույթ՝ նվիրված աստղերի դեսպան Վիկտոր Համբարձումյանի 110-ամյակին:Միջոցառումը սկսվեց Վիկտոր Համբարձումյանի կտակից մի փոքրիկ հատված ներկայացնելով:
<<Ինձ հաջորդող սերունդներին, թոռներիս, ծոռներիս կտակում եմ տիրապետել հայոց լեզվին: Ամեն մեկը պետք է իր պարտքը համարի ուսումնասիրել հայոց լեզուն, գրագետ լինի հայերենից, անկախ այն բանից, թե քանի տոկոս է նրա մեջ հայկական արյունը: Այդ տոկոսը ոչինչ չի նշանակում: Մենք փոխանցում ենք սերունդներին ոչ թե արյուն, այլ գաղափարներ եւ գաղափարների մեջ ինձ համար ամենաթանկը հայոց լեզուն է:
Այդ կապակցությամբ յուրաքանչյուր սերունդ պարտավոր է սովորեցնել հաջորդին հայոց լեզու:
Գիտցեք, որ իմ կյանքի ամենամեծ երջանկությունը եղել է ու կմնա, քանի ապրում եմ, հայոց լեզվին տիրապետելը:
Ցանկանում եմ երջանկություն բոլորիդ>>:
Աշակերտները ներկայացրին նրա կյանքն ու գործունեությունը, ցուցադրվեց սահիկահանդես:

 


Անկախության 27-րդ տարեդարձին նվիրված սեպտեմբերի 18-20-ը Ագարակի միջնակարգ դպրոցի VIII-XII դասարաններում տեղի ունեցավ <<Անկախության արահետով>> փաստավավերագրական ֆիլմի ցուցադրում:


Սպորտային մրցույթներ:


ՀՀ Անկախության 27-րդ տարեդարձին նվիրված վահանակի ձևավորում:


Սեպտեմբերի 18-ին Մեղրի քաղաքում տեղի ունեցավ անկախության օրվան նվիրված շախմատի մրցաշար:Մասնակցում էին Մեղրի համայնքի դպրոցներից 16 աշակերտներ :Մրցանակային 3 տեղերը գբաղեցրին Ագարակի միջնակարգ դպրոցի աշակերտները.
1ին տեղ -Սլավիկ Սարգսյան
2-րդ տեղ -Արթուր Մանուկյան
3-րդ տեղ Էրիկ Համբաձումյան


Սեպտեմբերի  17-ին  Ագարակի  միջնակարգ  դպրոցի  Xա և Xբ  դասարանների  աշակերտները  այցելեցին  Ագարակի  զորամաս:Աշակերտները  եղան զորամասի  նորակառույց  զինանոցներում  և  զորանոցներում,ծանոթացան վաշտի օրվա կարգացուցակին,օրապահի փաստաթղթերին և պարտականություններին,զինվորական առօրյային:Այցելեցին զորամասի թանգարան,մատուռ:

Այցելությունը նպատակային էր և բովանդակալից:


VIIIա  դասարանը/դասղեկ  Լ.Հակոբյան/  սեպտեմբերի  15-ին  այցելեց  տարածքային  զորամաս:Այցելության  նպատակն  էր  զարգացնել  ռազմահայրենասիրական  դաստիարակությունը, կարևորել  զինվորի  դերն  ու  նշանակությունը  հայրենիքի  պաշտպանության  սրբազան  գործում:Հանդիպեցին զորամասի  հոգևոր  առաջնորդ  սարկավագ տեր  Դավիթի  հետ, ներկայացվեց  Խաչվերաց  տոնի  խորհուրդը, նշանակությունը:Տեր  Դավիթը  աշակերտներին  նվիրեց  սրբապատկերով  էջանիշներ:Օրը  հագեցած  էր  և  ուրախությամբ  լի:

 

 


Սեպտեմբերի  14-ին  Մեղրիի  թիվ 1 միջնակարգ դպրոցում անց կացվեց <<Դիպուկ հրաձիգ>>  մրցույթ, որին  մասնակցում  էր  նաև  Ագարակի միջնակարգ դպրոցի թիմը:Առավել դրական արդյունք ցուցաբերեցին XIIա դասարանի աշակերտ Տարոն Հովակիմյանը  և  XIIբ դասարանի աշակերտ Նորիկ Հայրապետյանը:


Սեպտեմբերի  14-ին Ագարակի  միջնակարգ դպրոցում  տեղի  ունեցավ հանդիպում ոստիկանության Մեղրիի  բաժնի Ագարակի  բաժանմունքի ավագ օպերլիազոր Ն.Մայիլյանի և  VII-IX  դասարանի աշակերտների  միջև:Հանդիպման ընթացքում ընթերցվեց զեկուցում <<Անչափահասը և թմրամոլությունը>>  թեմայով,ինչպես  նաև  Ն.Մայիլյանը  պատասխանեց աշակերտներին  հուզող  հարցերին:


Արտադպրոցական միջոցառումների շրջանակում VIIIա դասարանը դասղեկ Լ.Հակոբյանի նախաձեռնությամբ կազմակերպեց ֆուտբոլի ներդասարանական մրցույթ:Օրը հետաքրքիր ու բովանադակալից դարձավ նաև ֆուտբոլի ընդմիջման ժամանակ անցկացրած ինտելեկտուալ խաղով:

 


Գեղեցկության համաշխարհային օրվան նվիրված Ագարակի միջնակարգ դպրոցում  սեպտեմբերի  11-ին  անցկացվեց բանավեճ՝ <<Ի՞նչն ենք համարում գեղեցիկ>>  թեմայով  X դասարանի  աշակերտների միջև:

Միջոցառման  նպատակն էր  խթանել աշակերտների  գեղագիտական դաստիարակությանը, գեղեցիկը ճիշտ ընկալելու,զգալու և տեսնելու  կարողությանը: Աշակերտները  ակտիվորեն մասնակցեցին բանավեճին,վերջնարդյունքում ստանալով՝

… Հոգու գեղեցկությունը բխում  է  արվեստի  տիեզերական ընկալումից:

…Մարդը   գեղեցկություն   է  բնության  մեջ:


<<Կրթություն առանց սահմանի>> ծրագրի շրջանակներում Ագարակի միջնակարգ դպրոցի վերապատրաստված ուսուցիչ Ա.Մկրտչյանը սեպտեմբերի 6-ին անցկացրեց փորձի փոխանակման դասընթաց մ/մ նախագահների հետ:

 


Սեպտեմբերի 5-ին Ագարակի միջնակարգ դպրոցում տեղի ունեցավ սովորողների ընդհանուր ժողով:Որից հետո անցկացվեց ընտրական հանձնախմբի անդրանիկ նիստը:Ընտրական հանձնախմբի նախագահ ընտրվեց Xա դասարանի աշակերտ Վարդան Գալստյանը,իսկ քարտուղար ընտրվեց Xբ դասարանի աշակերտուհի Լիլյա Գալստյանը:


Դպրոցի տնօրենությունը շնորհակալություն է հայտնում «ՖԻՆՔԱ» ունիվերսալ վարկային կազմակերպությանը 3-րդ դասարանցիներին նոր ուսումնական տարվա առիթով նվերներ հանձնելու համար:


Գիտելիքի,գրի և դպրության օրվա առթիվ, մասնագիտական կողմնորոշման համար  ավագ դպրոցի աշակերտների և գործունեության տարբեր ոլորտների բարձրակարգ մասնագետների հետ հանդիպում էր կազմակերպվել:

Հրավիրված մասնագետները (տնտեսագետ,իրավաբան, զինվորական, հոգևորական, երաժիշտ) շնորհավորեցին դպրոցականներին և հանդես եկան ուղերձով.‹‹Գիտելիքն  անգնահատելի արժեք է:Միայն սովորելով, գիտելիքների լուրջ պաշար ձեռք բերելով հնարավոր կլինի դառնալ լավ մասնագետ››:

Նրանք հորդորեցին աշակերտներին նոր  ուսումնական տարում առավել հագեցած  և արդյունավետ աշխատել, քանզի որակյալ կրթությունը հայ ժողովրդի կյանքում միշտ եղել է, կա ու կլինի գերակա նպատակ:


Առաջին զանգ,

Նոր հույսեր, նոր հույզեր և սպասումներ…

Ագարակի  միջնակարգ դպրոցում  անցկացվեց տոնական հանդիսություն՝ նվիրված Գիտելիքի,գրի և դպրության օրվան: Սյունիքի  մարզպետի ուղերձը ներկայացրեց Սյունիքի մարզպետարանի զինվորական պատրաստության բաժնի գլխավոր մասնագետ Մարատ Պետրոսյանը,ապա աշակերտներին իրենց ողջույնի խոսքով շնորհավորեցին դպրոցի  տնօրեն Ա.Աղայանը,Ագարակ քաղաքի վարչական ղեկավար Գ.Խաչատրյանը,ՄԿԱ փոխտնօրեն Ն.Սարգսյանը,սարկավագ Դավիթը,ծնողական խորհրդի անդամ Հայկ Հայրապետյանը:

Դպրոցի շեմին առաջին անգամ ոտք դնող Արփին և Ռուզանը իրենց յուրօրինակ պարով  շնորհավորեցին իրենց համադասարանցիներին:Մեկը մյուսից հետաքրքիր պարային համարներով ողջունեցին արվեստի դպրոցի սաները/պարուսույց Ելենա Քառյան/:

Երգով շնորհավորեց նաև VIբ դասարանի աշակերտուհի Անահիտ Գևորգյանը:

Ուսումնական տարին գերազանցությամբ  ավարտած 114 աշակերտ ծափերի ուղեկցությամբ պարգևատրվեց գովասանագրերով,իսկ 7 աշակերտ ստացան գերազանցության  վկայական:

Թող նոր ուսումնական տարում  կրթության լույսը տարածվի մեր երկրի բոլոր անկյուններում՝ընձեռելով որակյալ կրթության հնարավորություն բոլոր հայ երեխաներին:

 


                Ագարակի  միջնակարգ դպրոցի  տնօրեն Է.Բարխուդարյանի  ուղերձը

Հարգելի′ հյուրեր, պատվելի′ մանկավարժներ,ծնողնե′ր և աշակերտնե′ր, շնորհավորում  եմ  բոլորիս այս  գեղեցիկ և հիշարժան  օրվա  կապակցությամբ:

Սիրելի′ աշակերտներ, այսօր  վերջին  անգամ  կհնչի  դպրոցական վերջին  զանգը` ազդարարելով նոր կյանքի, նոր նվաճումների  սկիզբ:Դուք  կյանքի նոր փուլ եք թևակոխում, որտեղ յուրաքանչյուրն  ինքն է որոշելու իր տեղը: Հաղթանակած  սերնդի  ժառանգորդը  լինելով  պարտավոր եք ոչ միայն պահպանելու, այլև հարստացնելու  և  նոր  որակ հաղորդելու  այն ամենին, ինչ ձեռք է բերվել փրկված  և  կորցրած  կյանքերի  գնով:

Տարիները  մեզ  սովորեցնում  են  էլ ավելի  գնահատել օրը, օրվա  մեջ  մարդկանց,ապրումները  և  ի  վերջո  հենց  նույն  տարիներն  էլ  խլում  են  մեզանից  ամեն ինչ:Գնահատեք  Ձեզ տրված  ժամանակը, քանզի  յուրաքանչյուր  անցնող  րոպե  մի  հնարավորություն  է, եթե  ոչ  ամեն  ինչ, ապա  գոնե  շատ  բան փոխելու  համար:

Ուժեղ,ինքնավստահ  մարդու  ֆենոմենն  է  պայքարի, թոհուբոհի  մեջ  անգամ  չենթարկվել  սադրանքների, հավասարակշռված  կեցվածքով  կռել  հաղթանակները` բարձր պահելով  սեփական  արժանապատվությունը:

Սիրելի′  շրջանավարտներ, մաղթում եմ Ձեզ հաստատակամություն, բաղձալիին հասնելու կատարյալ ձգտում, անհասանելին հասանելի դարձնելու  անհագ  ցանկություն, նպատակասլացություն, պիտանի մարդ, հպարտ քաղաքացի  դառնալու  վճռականություն:

Դպրոցական  վերջին  զանգն ինքնուրույն կյանքի մեկնարկն է:Ձեզ բարի երթ:


Մայիսի 24-ին Ագարակի միջնակարգ դպրոցի Vբ դասարանում կայացավ <<0-ի դատը>> ներկայացումը/ուսուցիչ՝ Ս.Զաքարյան/:
Ներկայացման նպատակն էր ևս մեկ անգամ վերհիշել 0-ի կարևոր հատկությունները և ամրապնդել անցած նյութը:
——————————————————————————————————————————————————
Ս.թ. մայիսի 23-ին Ագարակի միջնակարգ դպրոցի դահլիճում տեղի ունեցավ <<Սարդարապատից Արցախ>> միջոցառումը՝VIIբ դասարանի մասնակցությամբ/դասղեկ Ա.Մկրտչյան,ուսուցիչներ Ալ.Մկրտչյան և Ն.Սիմոնյան/:
Միջոցառումը հագեցած էր փաստագրական ֆիլմերով, հայրենասիրական երգերով ու պարերով:
Մայիսյան հերոսամարտերը հայ ժողովրդի պայքարի և պատմության հերոսական էջերից են:Միջոցառումը` նվիրված Մայիսյան հերոսամարտերին, ևս մեկ անգամ ապացուցեց, որ հայ ժողովրդի հիշողության մեջ վառ են մեր պատմական անցյալի հերոսական էջերը:Մեր ազգը իր դարավոր ճանապարհին միշտ էլ կերտել է փայլուն ապագա, անցել պատմության թոհուբոհի միջով:
Միջոցառումը նվիրված եռատոնին,ուներ հայրենասիրական, կրթադաստիարակչական մեծ նշանակություն, և մատաղ սերունդը մեկ անգամ ևս արժևորեց մեր ազգի հին ու նոր ձեռքբերումները, մեր նախնիների ավանդը հայոց պետականության ամրապնդման գործում:
Փա՜ռք մեր հերոսական ժողովրդին…

ԾԱՂԿԱՀԱՆԴԵՍ ԴՊՐՈՑՈՒՄ…
Սույն թվականի մայիսի 21-ին Ագարակի միջնակարգ դպրոցում տեղի ունեցավ III ա դասարանի ՝ դասվար Ա. Հովհաննիսյանի ու երաժշտության ուսուցչուհի Ն. Սիոմոնյանի կողմից կազմակերպված <<Ծաղկահանդես>> միջոցառումը:
Գարուն է : Արևը իր ջերմ շողերն է սփռում երկրի վրա : Արթնանում են պարտեզի բազմերանգ ծաղիկները և կազմակերպում են ծաղկահանդես: Ծաղիկներին հյուր էին եկել միջատները՝ զատիկը, ծղրիդը, մեղուն , թիթեռն ու թռչուններ՝ լորիկը, կաքավը, ծիտը, կկուն: Այդ պահին պարտեզ է գալիս մի փոքրիկ պատանի ու ցանկանում է իր ուսուցչուհու համար ծաղիկներ հավաքել: Տեսնելով այդ շատ ծաղիկները, նա չի կարողանում ընտրություն կատարել: Նա հարցնում է միջատներից, թռչուններից թե որ ծաղիկը քաղի, իսկ նրանք խորհուրդ են տալիս , որ բոլոր ծաղիկներից ծաղկեփունջ կազմի: Ներս է մտնում այգեգործը և թույլ չի տալիս , ործաղիկներ հավաքի, մինչև չպատասխանի իր հարցերին: Փոքրիկ տղան առանց դժվարանալու պատասխանում է հարցերին: Այգեպանը թույլ է տալիս քաղել բոլոր ծաղիկներից:
Միջոցառումը համեմված էր արևի, գարնան, ծաղիկների ու թռչունների մասին երգերով ու պարով:
Դպրոցի տնօրենությունը շնորհակալություն հայտնեց կազմակերպիչ ուսուցիչներին ու աշակերտներին ՝ անչափ գեղեցիկ, գունառատ և ուրախ միջոցառման համար, նրանց մաղթելով, որպեսզի աշակերտների սրտերում միշտ լինի գարուն:
Հանդիսատեսը անչափ տպավորված ու հիացած հեռացավ :


Քո 36 քաջ մարտիկներով

Արև բերեցին ոսկե տառերով.

Կործանման եզրին կանգնած հայ ազգին,

Քո այբ, բեն, գիմ-ը փրկեց թանկագին:

 

Աշխույժ ու մարդաշատ  էր ս.թ. մայիսի 14-ին,16-ին Ագարակի միջնակարգ դպրոցի դահլիճը:

Iա և Iգ դասարանի աշակերտները /դասվարներ՝ Լ.Ղազարյան,Ա.Հովակիմյան/անցկացրեցին <<Հրաժեշտ այբբենարանին>> խորագրով միջոցառում:Նրանք ցուցադրեցին ողջ ուսումնական  տարվա ընթացքում  ձեռք բերած կարողությունները՝ երգեցին,պարեցին,արտասանեցին,դերային խաղով ներկայացրին հայ գրերի գյուտից հատվածներ:

Օրվա <<հերոսները>>  խոստացան միշտ հավատարիմ մնալ սուրբ մայրենիին,լինել հայրենիքի արժանի զավակներ:


 

Բնապահպանական կրթության  նպատակն  է  ոչ  միայն  աշակերտներին  տեղեկացնել  շրջակա  միջավայրի խնդիրների մասին, այլև ձևավորել միջավայրի խնդիրների ճանաչման և ուսումնասիրման համար անհրաժեշտ հմտություններ,զարգացնել խնդրահարույց իրավիճակներում որոշում կայացնելու կարողություն:

Բնապահպանական կրթությանն էր նվիրված մայիսի 11-ին  Ագարակի միջնակարգ դպրոցում  կազմակերպված  հանդես-մրցույթը,որին մասնակցում  էին  դպրոցի  VIIա և VIIբ դասարանների  աշակերտները:

Միջոցառումը  վարում  էր  դպրոցի  կենսաբանության ուսուցչուհի  Ծ.Հովհաննիսյանը:

Աշակերտները  ներկայացրին

  1. <<Թռչունների զրույցը>>
  2. <<Ածխաթթու գազի  դատավարությունը>>
  3. <<Պահպանենք միջատներին  այսօր վաղվա սովից  խուսափելու  համար>>  խաղ-վարժությունը:

Միջոցառումը  հետաքրքիր էր և ուսանելի:


Մայիսի 15-ին Ագարակի միջնակարգ դպրոցում տեղի ունեցավ Iբ դասարանի <<Հրաժեշտ այբբենարանին>> խորագրով հանդեսը:Այն կազմակերպել էին դասվար Լ.Խաչատրյանը և երաժշտության ուսուցչուհի Ն.Սիմոնյանը:

Աշակերտները  ներկայացրին, որ իրենց փոքրիկ կյանքում հեղաշրջում է կատարվել, իրենք դարձել են գրաճանաչ:Կարողացան բոլորին ապացուցել, որ անցած ամիսներին շատ բան են սովորել:Կարողանում են մայրենի լեզվով կարդալ ու գրել, որ այն ապրի դարեր:

Ներկա գտնվողները տպավորված էին և գոհ:Նրանք հանդեսից հեռացան իրենց սրտում ինչ-որ բան տանելով:


<<Ինչ  արել եմ, արել եմ հօգուտ սիրելի ազգիս ու հայրենիքիս:Լավ է՝ վերցրեք ինչքան և ինչպես  կուզեք, վատի համար՝ ներեցեք>>:Ահա  այս  անդավաճան  սկզբունքով  էր    առաջնորդվում  Սկյուտարի  վերջալույսների  թագուհին՝ Զապել  Եսայանը:

Արևմտահայ  գրողի, թարգմանչուհու, հասարակական  գործչի  կյանքին  ու  գործունեությանը  ծանոթացան  Xա դասարանի  աշակերտները/հայոց լեզվի և գրականության  մասնախմբի  նախագահ՝ Ս.Ասատրյան/:

Վերջում  դիտեցին  ֆիլմ՝ <<Սկյուտարում՝ Զ.Եսայանի հետքերով>>:

Աշակերտները  ընթերցեցին  Զապել  Եսայանի  նամակը՝ ուղղված  դստերը:

Այն  գրվել   է  1914թ-ին, սակայն  այսօր  էլ  այն  ավելի  քան  արդիական  է…

Մեծանուն  հայուհին  ապրել  և  շարունակում  է  ապրել  իր  ստեղծագործություններով:


Մայիսի 10-ին Ագարակի  միջնակարգ  դպրոցի  VIբ  դասարանում  տեղի  ունեցավ  դաս-միջոցառում՝ <<Ֆիզկուլտուրա>>  առարկայից/ուսուցչուհի՝ Զ.Գյուլասարյան/:

Դասի  թեման  էր՝ <<Հայ օլիմպիականները>> :

Դասի նպատակն  էր աշակերտներին ծանոթացնել  հայ մարզիկների  մասնակցությունը  և  նվաճումները  օլիմպիական  խաղերում:Աշակերտները  ակտիվ  մասնակցություն  ունեցան  դասին:

Դաս-միջոցառումը  նպատակային  էր  ու  ուսանելի:


Հաղթանակի օր

Մայիսի 8-ին Ագարակի միջնակարգ դպրոցի VIա դասարանի աշակերտները/դասղեկ՝ Գ.Մկրտչյան/ հանդիպում ունեցան Հայրենական Մեծ պատերազմի վետերան Անուշավան Ադամյանի հետ:
Հանդիպման ընթացքում Անուշավան պապիկը աշակերտներին պատմեց անցած մարտական ուղղու և հաղթանակների մասին,պատասխանեց նրանց հուզող հարցերին: Նա աշակերտներին հորդորեց լավ սովորել և լինել արժանի զավակը հայրենիքի:
Դպրոցի տնօրենությունը շնորհակալություն է հայտնում Անուշավան պապիկին հրավերն ընդունելու և աշակերտներին արժեքավոր խորհուրդներ տալու համար:
 

 


<<Խաղաղություն աշխարհին>>
Կավճանկար ասֆալտին 1-4-րդ դասարանի աշակերտների մասնակցությամբ:


Վահանակի ձևավորում
<<Իմ ժողովրդի հաղթանակները>>

 


Գիտելիքը  ուժ  է

2018թ-ի  մայիսի 5-ին Ագարակի միջնակարգ դպրոցում անցկացվեց ինտելեկտուալ  խաղ:Մասնակիցներն էին  9-11-րդ դասարանի աշակերտները:

Խաղը  մրցանակային էր, յուրաքանչյուր թիմ ձգտում էր առավելագույնին:

Հաղթող թիմը պարգևատրվեց պատվոգրով:

Մրցույթը նպաստավոր էր աշակերտների նոր մտահորիզոնի ձևավորման գործում:

 


Մայիսի 4֊ին Ագարակի միջնակարգ դպրոցում տեղի ունեցավ Vա դասարանի 《Ընկերությունը սկսում է ժպիտից》(《Дружба начинается с улыбки》) խորագրով միջոցառումը։ Այն կազմակերպել էին օտար լեզվի մեթոդմիավորման նախագահ, Vա դասարանի դասղեկ Լ. Մկրտչյանը և երաժշտության ուսուցչուհի Ն. Սիմոնյանը։
Աշակերտները ռուսերենով ներկայացրեցին, թե ինչպես մի պարզ ու անկեղծ ժպիտ կարող է դառնալ ամուր ընկերության սկիզբ։
Ողջ միջոցառման ընթացքում երեխաները կարողացան իրենց բարձր տրամադրությունը փոխանցել ներկաներին` յուրաքանչյուրին ստիպելով հիշել ամենամտերիմ ընկերոջը։
Դպրոցի տնօրենությունը շնորհակալություն է հայտնում միջոցառման կազմակերպիչներին և Vա դասարանի աշակերտներին ու ծնողներին միջոցառումը պատշաճ մակարդակով անցկացնելու համար։

 

 


Մայիսի 4-ին  VIIIա  դասարանում  տեղի  ունեցավ  բաց դաս երկրաչափություն  առարկայից/ուսուցչուհի՝ Ա.Հակոբյան/:

Դասի թեման էր՝ <<Ուղղանկյուն  եռանկյան սուր անկյան սինուսը, կոսինուսը և տանգենսը>>:

Դասի  նպատակն  էր՝ ամրապնդել  սովորողների  ունակություններն  ու  հմտությունները  պատկերների մակերեսները  հաշվելիս, զարգացնել  ուշադրությունը,տեսողական հիշողությունը, տրամաբանական և  պատկերային մտածողությունը,գիտենան ուղղանկյուն եռանկյան սուր անկյան, sin, cos և tg-ը ինչի են հավասար, կարողանան կիրառել խնդիրների լուծման ժամանակ, ինչպես նաև մեծացնել հետաքրքրությունը առարկայի նկատմամբ:

Նախքան նոր նյութի  մատուցումը  կատարվեց  <<Բազմանկյունների մակերեսների>>  ընդհանրացում  և  ամփոփում:

Դասի  ընթացքում  կատարվեց  մտքի   մարզանք ,բանավոր հարցում, նոր նյութի հաղորդում, խնդիրների  լուծում, տեսասահիկների  ցուցադրում և անդրադարձ:

Դասն ուսանելի էր և բովանդակալից:

 


Քո <<Մթնաձոր>>-ում  թախիծ  է ծորում,

Ու կարոտ՝ մանկութ հարազատ ձորի,

Աշխատիր,սակայն,որ մութ այդ ձորում

Քո պայծառ ուղին անդարձ չկորի:

Ե.Չարենց

 

2018թ մայիսի 2-ին   Ագարակի  միջնակարգ դպրոցի  XIբ դասարանում   բաց դաս էր:Թեման՝ Ա.Բակունցի <<Ալպիական  մանուշակ>>  պատմվածքը: Հայոց լեզվի և գրականության ուսուցչուհի  Ս.Ասատրյանը իր առջև դրված  խնդիրները լուծեց ու նպատակներին հասավ ՝ օգտագործելով տարբեր մեթոդներ:/<<Հետազոտական աշխատանք>>, <<Հնգյակ>>, <<Երկու աստղիկ մեկ դրոշ>>:Իմաստի ընկալման փուլում կատարված խմբային աշխատանքը առավել հետաքրքիր էր:Յուրաքանչյուր խումբ ներկայացնում էր հերոսներից մեկին /նկարիչ,հնագետ,հնձվոր/:

Կշռադատման փուլում  աշակերտները  հետազոտեցին  և  գտան  Բակունց-գրողի  գրական դավանանքը:

Իսկական արվեստագետը  պետք  է  հեռու  լինի  արբեցած,մանուշակի առէջքներում օրորվող բզեզային հոգեբանությունից, հարազատ լինի կյանքի հոգսերով բեռնավորված, կորեկի արտի չարքաշ մշակի ձգտումներին  ու  հոգսերին:

Վերջում  դիտեցին  տեսանյութ՝ <<Էքսկուրսիա դեպի Բակունցի տուն-թանգարան>>:

Դասը  ուսանելի  էր  և  շատ  հետաքրքիր:


2018թ ապրիլի  27-ին VIIIա և VIIIբ դասարանների միջև մրցույթ-վիկտորինայի սկիզբն ազդարարվեց ողջույնի խոսքերով:

2017-18  ուստարվա ստացած գիտելիքները  պետք է դրվեին կշեռքի երկու նժարներին <<Հայոց պատմություն>>, <<Հայոց լեզու>>,<<Գերմաներեն>>, <<Ռուսաց լեզու>> և <<Աշխարհագրություն>>  առարկաներից: Աշակերտներն ակտիվ մասնակցություն ունեցան թիմային պայքարում:

Առավելագույն միավորներով առաջին հորիզոնականը զբաղեցրեց VIIIբ դասարանը, իսկ երկրորդը՝ VIIIա:Խմբերը պարգևատրվեցին  պատվոգրերով:


<<Ձեզ տեսնենք աղջիկներ>>

Ապրիլի 27-ին Ագարակի միջնակարգ դպրոցում տեղի ունեցավ    <<Ձեզ տեսնենք աղջիկներ>> խորագրով ցերեկույթ:Բազմաբնույթ մրցույթների ընթացքում VIIա և VIIբ դասարանի աղջիկները կրկին ապացուցեցին, որ իրենք շնորհալի  են, ունեն գեղագիտական բարձր ճաշակ:Միջոցառումը համեմված էր երգ ու պարով:Դահլիճում բարձր տրամադրություն էր:

Դպրոցի տնօրենությունը շնորհակալություն է հայտնում <<Հմուտ ձեռքեր>>  խմբակի ղեկավար Ն.Գասպարյանին միջոցառումը բարձր մակարդակով կազմակերպելու համար:


<<Մետաղները  պատերազմում>>

Յուրօրինակ և հագեցած դաս- միջոցառում էր  IXբ դասարանում: Ուսուցչուհու /Լ.Հովակիմյան/ ուղղորդմամբ աշակերտները  կատարել էին ինքնուրույն հետազոտական աշխատանք՝ Fe,Cu,Al,ազնիվ Me-ի վերաբերյալ:

Ընդլայնվեց  <<Աշխարհագրություն>>, <<քիմիա>>, <<պատմություն>>, <<գրականություն>> առարկաների միջև միջառարկայական կապը:


Ապրիլի 27-ին Ագարակի միջնակարգ դպրոցի VIIIա դասարանում /ուսուցիչ Հ.Պետրոսյան/ տեղի ունեցավ բաց դաս <<ֆիզիկա>>  առարկայից:Թեմա՝ <<Ջերմային երևույթներ>> -ի ամփոփում:

Նպատակը-Ամրապնդել գիտելիքներն անցած  թեմաների շուրջ:Զուգորդել տեսական գիտելիքները  գործնականի հետ:Զարգացնել համագործակցային ունակություններ, միմյանց լսելու, դիմացինի կարծիքը հաշվի առնելու կարողություններ:

Ուսուցիչը  խաղ-վարժության միջոցով դասարանը բաժանեց խմբերի՝ հարցերի միջոցով վերհանեց աշակերտների նախնական գիտելիքները ուսուցանվող նյութի վերաբերյալ:

Ուսուցման նոր մեթոդների կիրառմամբ և սահիկահանդեսի միջոցով աշակերտներին տրվեցին առաջադրանքներ և խնդիրներ՝ ըստ փուլերի:

Աշակերտները  ակտիվ  մասնակցություն  ցուցաբերեցին՝ ամրապնդելով <<Ջերմային երևույթներ>>  թեման:

Ամփոփվեց խմբերի միավորները, և գնահատվեցին ակտիվություն ցուցաբերած աշակերտները:Դասն ուսանելի էր և բովանդակալից:


Ապրիլի 25-ին Ագարակի միջնակարգ դպրոցի VIIբ դասարանում տեղի ունեցավ  բաց դաս <<Կենսաբանություն >> առարկայից/ուսուցչուհի՝ Ծ.Հովհաննիսյան/:

Դասի թեման էր <<Կաթնասունների ներքին օրգանների կառուցվածքը  և  կենսագործունեության առանձնահատկությունները>>:

Ուսուցչուհի Ծ.Հովհաննիսյանի նպատակն էր աշակերտներին բացատրել կաթնասունների  ներքին օրգանները,օրգան համակարգերի կենսագործունեության առանձնահատկությունները,սովորեցնել համեմատել կաթնասունների օրգան-համակարգերի աշխատանքը թռչունների նույն համակարգերի հետ:

Դասը  հետաքրքիր   կազմակերպելու  նպատակով կատարվեցին մանրադիտակային թաց պատրաստուկների  դիտումներ,ներկայացվեցին կաթնասունների օրգան-համակարգերի վերաբերյալ նկարներ,աղյուսակներ:

Դասը  արդյունավետ էր և ուսանելի:


Ապրիլի 25-ին Ագարակի միջնակարգ դպրոցի VIIա դասարանում/ուսուցիչ Ա.Համբարձումյան/ տեղի ունեցավ բաց դաս համաշխարհային  պատմություն առարկայից՝ <<Վերածնունդ>> թեմայով:Ուսուցչուհին, համակարգելով Վերածննդի դարաշրջանին բնորոշ առանցքային գաղափարները, հնարավորություն տվեց աշակերտներին ներկայացնելու իրենց նախընտրած արվեստագետի կյանքն ու գործը:Զուգահեռաբար տեսաշարի միջով ցուցադրվեց ներկայացրած գործչին վերաբերող նկարներ:Թեման ամփոփվեց՝ կատարելով անհրաժեշտ եզրակացություններ և հետևություններ:


Դու  պիտի ապրե՛ս,իմ հայ ժողովո՛ւրդ,

Հարատևության հավերժի ոգով,

Դարերից եկող աննկուն կամքով

Ու քո հին լեզվով պատմեն աշխարհին,

Որ ոճրագործ թուրքն օրհասական պահին

Գալիքդ խզել չկարողացավ…

Ապրիլի 26-ին Ագարակի միջնակարգ դպրոցում տեղի ունեցավ միջոցառում`նվիրված  Հայոց ցեղասպանության 103-րդ տարելիցին ՝ VIIIա և VIIIբ դասարանների աշակերտների մասնակցությամբ /դասղեկներ՝ Լ.Ղարիբյան,Ա.Հակոբյան/:

Նպատակն  էր ոչ միայն հիշել և հարգանքի տուրք մատուցել անմեղ զոհերի հիշատակին, այլև ներկայացնել հայի պահանջն աշխարհին, կոչ անել հայ ժողովրդին միաբանվել, հզորանալ  ու հասնել հատուցման՝ բարձր պահելով  ազգային ոգին:

Ասմունքի, երաժշտական կատարումների, պարային ներկայացումների, թատերական   բեմադրությունների  միջոցավ աշակերտները  ներկայացրին  Հայոց   ցեղասպանության  ողջ  ընթացքը՝ հանգամանալից անդրադարձ  կատարելով դրդապատճառներին, ինչպես նաև արդի շրջանում այդ ոճիրի դատապարտմանն  ուղղված  համազգային քայլերին:

Ցեղասպանության միջազգային ճանաչումն  ու դատապարտումը հայ  ժողովրդի  և Հայաստանի  Հանրապետության  համար  պատմական արդարության  վերականգնման խնդիր է:

Միջոցառման  ավարտին   հնչեց  Գ.Էմինի  << Սասունցիների  պարը>>  բանաստեղծությունը,որին  հաջորդեց  հաղթական քոչարին՝ ի  պատիվ  մեր  հաղթանակների  և  ի  նշան  մեր  միասնականության:

Դպրոցի  տնօրենությունը  և  ծնողները  շնորհակալություն     հայտնեցին   դասղեկներ  Լ.Ղարիբյանին  և  Ա.Հակոբյանին  միջոցառումը  պատշաճ  մակարդակով  կազմակերպելու  համար:


2018թ ապրիլի 25-ին Ագարակի միջնակարգ դպրոցի Xա դասարանում անցկացվեց դաս` նվիրված Հայոց ցեղասպանության 103-րդ տարելիցին,<<Ցեղասպանության միջազգային ճանաչումը>>  թեմայով/ուսւոցիչ՝ Բ.Մանուկյան/:

Դարեր են եկել  ու անցել հայոց երկրի ու հայ ժողովրդի գլխի վրայով, և նրանցից ամեն մեկը մի վերք է թողել մեր հողում:

1915-1923թ  հայերի ցեղասպանությունը  մարդկության դեմ ուղղված ամենամեծ հանցագործությունն է, որն իրականացրել է Օսմանյան կայսրությունը:Այսօր այդ ծանր հանցագործությունը չեն ընդունել աշխարհի այնպիսի առաջատար երկրներ,ինչպիսին են` ԱՄՆ և Թուքիայի դաշնակից երկրներ՝ Մեծ Բրիտանիան և Իսրայելը:Առաջինը Հայոց ցեղասպանությունը ընդունել է Ուրուգվայը՝ 1965թ-ին,նրա օրինակին են հետևել երկու տասնյակից ավելի երկրներ:

Ցավոք աշխարհի պետությունների մեծ մասը իրենց աչքերը  փակ են պահում իրականության նկատմամբ:Իսկ մենք՝պահանջում ենք և դատապարտում:

Ասելով,<<Աշխարհ, բա՛ցիր աչքերդ >>կանխելով հետագա ցեղասպանությունները…


Ո՜վ մարդկային արդարություն,թո՛ղ ես թքնեմ քու ճակատիդ:

Սիամանթո

 

Ագարակի  միջնակարգ դպրոցի Xա դասարանում /հայոց լեզվի և գրականության  մասնախմբի նախագահ Ս.Ասատրյան/ այսօր տեղի ունեցավ արևմտահայ մեծ բանաստեղծ Սիամանթոյին նվիրված ցերեկույթը:

Աշակերտները  ներկայացրին պատառիկներ  Սիամանթոյի կենսագրությունից,ստեղծագործությունից:

Ցուցադրվեց  սահիկահանդես՝ նվիրված բանաստեղծին:Միջոցառմանը հայրենասիրական ոգի պարգևեցին բանաստեղծի խոսքերով գրված երգերի կատարումները:

Միջոցառման նպատակն  էր՝հանձին Սիամանթոյի՝հարգանքի տուրք  մատուցել Հայոց ցեղասպանության զոհերի հիշատակին և արթուն պահել ազգային հիշողությունը:


Ես տասնյակ  անգամներ կարդացել եմ

<<Արաքսի արտասուքը>>  և  միշտ  հիացել եմ,

որովհետև  դորա  մեջ  լսում   և  զգում  եմ

հայ ազգի իղձը,որովհետև այն ճշգրիտ

և գեղեցիկ խոսում է ազգի ցավերի մասին:

 

Մ.Նալբանդյան

 

Ապրիլի  19-ին  Ագարակի  միջնակարգ  դպրոցի IXբ դասարանը/ուսուցիչ՝ Լ.Ղարիբյան/ գրականության գործնական դասն  անցկացրեց  Արաքս  գետի  ափին:

Դասի  թեման՝ Ռ.Պատկանյանի  <<Արաքսի  արտասուքը>>  բանաստեղծության ամփոփումն էր:

Նպատակն  էր ՝ զուգորդել  աշակերտների տեսական գիտելիքները  գործնականի հետ. դիտել,նկարագրել,իրական ազդեցությամբ ներկայացնել  և  բնութագրել  քնարական հերոսի ապրումները և հույզերը, կատարել եզրահանգումներ, վերարժևորել հայրենասիրության գաղափարը:

Գործնական դասն  անցկացվեց Հայաստանի աշխարհագրության և պատմության հետ միջառարկայական կապով:

Աշակերտները  եզրակացրին, որ Ռ.Պատկանյանի՝ որպես բանաստեղծի ու հասարակական գործչի հարցադրումները  դեռևս  արդիական են, և բանաստեղծությունը  մինչ  այժմ  մտորումների  տեղիք  է  տալիս:


Ապրիլի  19-ին Ագարակի միջնակարգ դպրոցի VIIա դասարանում տեղի ունեցավ բաց դաս <<Ֆիզիկա>>  առարկայից:

Դասի թեման էր <<Արքիմեդի  օրենքը>>:

Ուսւոցչուհի  Լ.Հակոբյանը  նպատակ ուներ  սովորողներին բացատրել  Արքիմեդի օրենքն արտահայտող բանաձևը, արքիմեդյան ուժի  առաջացման  պատճառը և կիրառությունները:

Դասի նկատմամբ  հետաքրքրություն  առաջացնելու  համար  ընտրված էր տեսաֆիլմ:Տեսաֆիլմում ցուցադրվող փորձերը  կատարում էին նաև աշակերտները՝ մեծ հետաքրքրությամբ  և  ոգևորվածությամբ:

Դասի  նպատակին  հասնելու  համար  ուսուցիչը կիրառեց բազմաթիվ մեթոդներ:

Դասը շատ ուսուցանող էր և արդյունավետ:


2018թ  ապրիլի 18-ին  տեղի  ունեցավ  մրցույթ-վիկտորինա VIIա և VIIբ դասարանների միջև:Ցանկացած մրցույթ-վիկտորինա ունի կրթական, դաստիարակչական և ուսուցողական նպատակ:

Հենց այդ նպատակին էր ծառայում  առարկայական վիկտորինան <<Հայոց պատմություն>>,<<Աշխարհագրություն>>,<<Գերմաներեն>>  և <<Ռուսաց լեզու>>  առարկաներից:

Վիկտորինայի ընթացքում աշակերտները  ցույց  տվեցին  իրենց  գիտելիքները, այն ամփոփիչ դաս էր, միջառարկայական կապի շնորհիվ  սվորողները  արտահայտեցին իրենց  սեփական կարծիքները  և  ուստարվա  ընթացքում  ձեռք բերված  գիտելիքները  տարբեր  առարկաներից:

Վիկտորինայի  մասնակից աշակերտները  արժանացան  պատվոգրերի,առավելագույն միավորներով  I տեղում զբաղեցրեց VIIբ դասարանը , իսկ VIIա դասարանը՝ II տեղ:

Վիկտորինան ավարտվեց մտքերի փոխանակմամբ, այն ուսանելի դաս էր բոլորի համար:


Դարի շո՜ւնչ:Հիացմունքի  առարկա, բավականության աղբյուր, մեր բեմի հրաշք…

…Համաշխարհային գրականության հորիզոնի վրա փայլատակող <<հսկայական արեգակ>>:

Հովհաննես Թումանյան

 

Ապրիլի 19-ին IXա դասարանում  դաս-միջոցառում  էր  նվիրված  համաշխարհային  գրականության մեծագույն  դեմքերից  մեկին՝ անգլիացի  բանաստեղծ  և  թատերագիր  Վիլյամ Շեքսպիրին/ուսուցիչ՝ Ա.Հովհաննիսյան/:

…Քո արվեստը, ազնիվ Շեքսպիր, իր բաժինն ունի:Չնայած բանաստեղծի  նյութը  բնությունն է, նրան  ձև  է  տալիս  իր  արվեստը…

Աշակերտները  ներկայացրին  Շեքսպիրի  կյանքի  կարևոր  դրվագներն  ու  փաստերը, խոսեցին  նրա  ստեղծագործական  տարիների, կյանքի  չորս  շրջանների  մասին:<<Շեքսպիրը  գործունյա մարդ էր և արգասաբեր   արվեստագետ,,գրել է  37 թատերգություն>>.  նա  ինքն  էր  իր  թատերգությունների  բեմադրիչը:

Զուգահեռներ  անցկացվեց Շեքսպիրյան դերերի  լավագույն  կատարող՝ մեծ  ողբերգակ  Վահրամ  Փափազյանի՝ 20-րդ  դարի  համաշխարհային  բեմարվեստի  բացառիկ  դեմքի  դերասանական  արվեստի, խաղացած  դերերի  շուրջ:

Աշակերտները  դիտեցին  հատվածներ Շեքսպիրի  <<Օթելլո>>,<<Համլետ>>  ողբերգություններից:

…<<Համլետի>>  հերթական  ներկայացման  ժամանակ  <<Բեմի վրա բեմ>>  տեսարանի  ավարտին  կայծակնային  մի  շողք  լուսավորեց  արտիստի  միտքը՝ գծելով  մի  տիտանական  պատկեր, որի  մարմնացումը  բեմում  պիտի  լիներ  փափազյանական   հրաշքների  հրաշքը…

-Ինչու, ինչու  է  այսքան  ողբերգական  դերասանի  արվեստը, հպանցիկ, անշոշափելի… Միտքը  հետադարձ  հայացքով  իջավ   ժամանակի  սանդուղքն  իր  վար, տեսավ  անեզրական  մի  աշխարհ…

Օ՜,ինչ  զմայլելի  տեսիլք  էր  լեռան  թագադրության  պահը… արտիստին  թվաց, թե  աներևույթ  մի  ձեռք  անհունի  խորքից  հայոց  աշխարհի  վրա  կախել  է  առասպելական մի  կանթեղ:

Արյունը  հորձանքվեց  երակներում, սիրտը  զարկեց ուժգին:Ունկնդիր  դարձավ:Արյունը  երգում    էր՝ Առավոտ  լուսո, Արեգակն արդար, երգում էր՝ Հիմնը Լույսի:Եվ շլացող  լույսից  պայծառացած արտիստը  շրջվեց ու  մրմնջաց.<<Եղիցի լույս>>:

Դաս-միջոցառման  ընթացքում  կիրառվեց  մի  շարք մեթոդներ՝ զրույց, ընդհանուր հարց ու պատասխան  խմբային  աշխատանք:Գնահատվեց հեղինակի մտքերի զարգացման  ընթացքը, լեզուն,ոճը:

Դաս-միջոցառումը  բովանդակալից էր և ուսանելի:

 

Ապրիլի 10-ին Ագարակի միջնակարգ դպրոցի աշակերտական խորհուրդը  առաջարկություն ներկայացրեց դպրոցի տնօրենին՝ <<Ինքնավարության օր>> կազմակերպելու համար:Տնօրենը ընդունեց առաջարկը և ապրիլի 16-ին դպրոցում կազմակերպվեց <<Ինքնավարության օր>>:Միջոցառման նպատակն էր նպաստել մասնագիտական կողմնորոշմանը:Ավագ դպրոցի աշակերտները փոխարինում էին դպրոցի ողջ անձնակազմին և ուսուցիչների վերահսկողությամբ դասավանդում V-VII դասարաններում:

Տնօրենի պաշտոնը զբաղեցրել էր  Նարեկ Սարգսյանը/XIբ դասարան/,ուսումնական գծով փոխտնօրեններ էին՝ Լարիսա Միքայելյանը,Անահիտ Բունիաթյանը/Xա դասարան/,ՄԿԱ փոխտնօրեն էր  Ալեն Ղազարյանը/Xա դասարան/ , որոնք նախատեսված աշխատանքային պլանով կազմակերպեցին աշխատանքը:

Դասավանդելուց բացի տնօրեն Է.Բարխուդարյանի հետ միասին կատարում էին  նաև դասալսումներ:


Հրաշալի հանգստյան օր

 



Ապրիլի 17-ին Ագարակի միջնակարգ դպրոցի VIIբ դասարանում դասղեկ Ա.Մկրտչյանը կարդաց դասախոսություն՝<<Եկեղեցին հայոց ցեղասպանության ժամանակ>> թեմայով:
Աշակերտները դիտեցին <<Արևմտյան Հայաստանի եկեղեցիներ>>սահիկահանդեսը:Նրանք ծանոթացան նաև ցեղասպանությունից հետո Հայոց եկեղեցու ազգանվեր գործունեությանը:


Ապրիլի 17-ին Ագարակի միջնակարգ դպրոցի VI ա և VI բ դասարանների միջև տեղի ունեցավ վիկտորինա խաղ-մրցույթ <<Պատմություն>> , <<Աշխարհագրություն>> առարկաներից:
Հարցերն ընտրված էին ուստարվա ընթացքում անցած թեմաներից:Աշակերտներն ակտիվ մասնակցություն ունեցան մրցույթին:
Պատմություն և աշխարհագրություն առարկաներից առավելագույն միավոր ստացավ VIա դասարանը և պարգևատրվեց պատվոգրով :


Ծագումով հայեր

Ապրիլի 16-ին Ագարակի միջնակարգ դպրոցում տեղի ունեցավ  <<Ծագումով հայեր>> խորագրով ցերեկույթ, որին մասնակցում էին <<Ազգային հնչյուններ>> խմբակի աշակերտները/ղեկավար Ն.Սիմոնյան/:

Միջոցառման ընթացքում աշակերտները  ներկայացրին ֆրանսահայ լեգենդների՝ Շառլ Ազնավուրի, Միշել Լեգրանի, Ռոզի Արմենի բազմաբովանդակ ու նշանակալից կենսագրությունը, ստեղծագործական ուղին:

Բեմականացվեց Միշել Լեգրանի ամենահայտնի գլուխգործոցներից <<Աշնանային թախիծը>>:Միջոցառումը համեմված էր երգերով ու պարերով:

Դպրոցի տնօրեն